يا جماعه انا واحد صحبى اتجوز من اسبوع.......ان شاء الله رايح عشان ازوره...مش عارف اجيب معايا هديه ايه
وموضوع التنقيط والفلوس دة الصراحه محرج جدا بالنسبالى:grin54:
محدش عنده اقتراحات (ياريت بلاش افترحات زى ورد او كده:Ka_che1[1]:)
عرض للطباعة
يا جماعه انا واحد صحبى اتجوز من اسبوع.......ان شاء الله رايح عشان ازوره...مش عارف اجيب معايا هديه ايه
وموضوع التنقيط والفلوس دة الصراحه محرج جدا بالنسبالى:grin54:
محدش عنده اقتراحات (ياريت بلاش افترحات زى ورد او كده:Ka_che1[1]:)
طالما اتجوز يبقى فلوس - اكترحاجه محتاجها!!
الفلوس فى ظرف ابيض اللون ناصع البياض بداخله الاموال من فءه متوسطه جديده ذو شكل جذاب
لو صاحبك اوى كلمه و اسأل ناقصله ايه
بس هوه موضوع الفلوس اكتر حاجه ممكن يكون محتاجها بعض مصاريف الجواز فممكن الفلوس فى ظرف
ولما يقوم من جنبك حطه على طربيزه الانتريه وممكن تكتب عليه مع تمنياتى بحياه زوجيه سعيده
الواحد بيبقي بعد الجواز مفلس :)
أنا جبتله برفان ولفيته في ورق هدايا وأديتهولوا ممكن ساعة أيد شيك كمان .
و لو انتو مجموعه هيبقى افضل لأن المبلغ هيكبر
كلمته كتير...طبعا اتكسف وقالى مش مهم انت اهبل مش عايز وكلام من دة كتير
طب المبلغ مثلا يكون قد ايه
طب ومراته...عايز برضه اعمل حاجه للاتنين
انا معايا واحد برضه هنشير فى حاجه بس لسا محددتش
ورد ايه يا راجل اللي حقولك عليه
هاتله فاكهه:grin54: اوعي تزعل بهزر معاك
بجد طالما هو اتجوز خلاص يعني بيته جاهز فمتجبش اجهزه كهربائيه او منزليه
بيتهيالي احسن حاجه تجيبها هي التحف برواز جامد(ممكن تجيب كمان البراويز ال سي دي وسعرها بقي رخيص)
فازه في حاجه كده شبه الشلال بتاع الميه بس صغير الحاجات دي بيبقي سهل يلاقي مكان يحطها فيه وبتبقي قيمه وكل مايشوفها حيفتكرك
برشحلك سنتر بيونت قسم التحف في حاجات جامد0 باسعار متدرجه و جديده بص عنده وقولي رايك
برده لو دماغك رايحه في سكه تانيه قريني برده يمكن افيدك
الافكار كتير ممكن تطبع لهم بوستر او او او بس انت قول
فعلا في الوقت دا بيكون اكتر حاجة محتاجلها الفلوس و مش محرجة ولا حاجة
و ممكن لو انت عامل حسابك على مبلغ كبير يعني تقسم الهدية جزئين الجزء الاكبر فلوس في ظرف و كارت صغير على اهداء ظريف كدا و الجزء التاني حاجة ديكور مثلا ساعة او برواز او فازا و تحط الكارت مع الهدية او جواها
و ممكن مصحف شيك في علبة قطيفة او فضة الصغيرة الديكور دي و برضو تحط بقية الظرف بالفلوس جوة العلبة
بالنسبالي لما اصحابي جم
كنت فعلا اكتر حاجه محتاجها هي الفلوس وهما الحمد لله زي متقول كانو شاممين الموضوع ولمو مع بعض اللي قدرو عليه واوهولي في ظرف ابيض وكمان جابولي ورد وكان فيهم تلاته اخوات هما من نفسهم جابولي كتاب قيم للشيخ عائض القرني
ووقتها فرحوني فعلا والفلوس ساعدتني جدا حتى وان كانو مبلغ قليل لكن يبقى اني كنت محتاج ساعتها والحمد لله
فأنا مع الرأي القائل اللي تقدر عليه تديهوله
هتسأل تديله كام
لو انت لوحدك
شوف بكام كنت هتجيبله هديه (واكيد انت حاطط بدجت للموضوع) واديهومله
لو انتو كذا واحد لمو وزي ميطلع هتقولو ده منكم
وألف مبروك للعروسين وربنا يرزقهم الذريه الصالحه...
تحياتي
المبلغ حسب انت ميزانيتك اد ايه و مدى عمق العلاقه بينكو ... يعنى مثلا لو اخوك غير صاحبك غير جارك ... انت اللى تحدد
شوف انت ناوى على هديه فى رينج كام و حط المبلغ فى ظرف مع كارت لطيف عليه اسمك انت و صاحبك و خلاص
الفلوس ثم الفلوس
انا اعرف ناس بتتجوز وهى معتمده على الفلوس دى
والهديه ممكن تعجبه او لاء
ممكن يكون محتاجها او لاء
انما الفلوس محدش يعترض عليها
انا مع باقي الزملاء
الفلوس هي الانسب والاهم والاكثر عملية
حط الفلوس في ظرف واكتب عليه كلمة تهنئة رقيقة ... وتوقيعك طبعا لأن الاظرف ممكن تتلخبط مع بعضها ... ده بجد مش هزار
اعتقد المبلغ المناسب بيختلف حسب ظروفك وظروفه المالية .... وكمان حسب علاقتك بيه ومدي قوتها .... وكمان حسب مجاملاته لك
ممكن يبقى 100 جنيه ..... وحسب الظروف دي ممكن يزيد ليصل 1000 .... حسب الظروف اللي قلتلك عليها
انسى حكاية التحف والاجهزة المنزلية
ممكن زوقك يختلف عن زوقه وزوق زوجته
ممكن تجيب حاجة هو عنده قبل كدة او حد جابهالو قبلك
اسمع كلامي وعود نفسك على موضوع المجاملات في الزواج والمواليد وما شابهها ... انها تبقى بفلوس مش هدايا عينية
خليك عملي وبلاش تتكسف ..... دي مسائل ح تقابلك كتير في حياتك ولازم تتعود عليها
انا عن نفسى متعود فى الموضوع دة اجيب تورتة ايس كريم فى حدود 80 جنية وانقطة (لازم تنقطة) بحوالى 400 - 500 جنية لو كان صاحبى او من العيلة, و 300 لو كان نسيب او جار.
ﻃﺒﻌﺎ ﻓﻠﻮﺱ
بص
ممكن تجيبله سر السعاده الزوجيه ...
ميكروويف يعني ههههههههه
لو عنده مكروويف
يبقى تجيب ظرف تحطله فيه 500 جنيه وتكتب على الظرف من بره ...
( انت اللي اتجوزت ذنبي انا ايه بس ههههههههههه )
فلووووووووووووووووووووس فى ظرف شيك
وهوه ينقى على ذوقه هوه وزوجته
لان ممكن حاجه تعجبك انته جدا ويطلع هو مش محتاجها دلوقتى ومحتاج حاجه تانيه اهم
أتمنى يكون الرابط فى الظرف بتاع الفلوس أو فى ظرف لوحده لو الهديه مش فلوس
http://www.nilemotors.net/Nile/192509-a.html
الفلوس ثم الفلوس
مره سمعت من خبيرة إتيكيت علي الراديو من اللي نص كلامهم فرنساوي بإغ إغ
إن أكتر حاجه إتيكيت في مناسبات الجواز و الميلاد و خلافه هي الفلوس
علشان منشتريش حاجه و يجي حد يجيب زيها
مع أنه ممكن يكون محتاجا مثلا ميكرو وييف لكن أفرض تلاته أربعه كل واحد جابله ميكرو وييف يسيب جوازه هوه و يتحول لبياع أجزه كهربائبه
الفلوس ظرف جميل بوكيه ورد أبيض تورتايه لذيذه
يبقي المشوار كله 650 جندي
و نردهالك في الأفراح
فلوس فى ظرف شيك
ولا احراج ولا حاجه
ده حيطير بيها طير
وممكن كمان تورتايه كده مع الفولوس
يبقى كده تمام