انا مقبل على شراء سيارة واريد بشدة انها تكون ميجان ما رأي ملاك الميجان فيها وهل هناك فرق كبير بين الميجان 2005 و2006
وما هو رينج الاسعار؟
ولو في زميل في المنتدى يرغب في بيع سيارته وتكون استخدام شخصي انا جاهز
عرض للطباعة
انا مقبل على شراء سيارة واريد بشدة انها تكون ميجان ما رأي ملاك الميجان فيها وهل هناك فرق كبير بين الميجان 2005 و2006
وما هو رينج الاسعار؟
ولو في زميل في المنتدى يرغب في بيع سيارته وتكون استخدام شخصي انا جاهز
ولو تكرمتم أريد رأيكم في أسعار قطع غيار العربيه وياريت الاسعار تكون حديثة يعني حد يكون لسه شاري تيل فرامل أو فانوس يتكرم ويقولي اسعارهم وكمان المكان اللي اشترى منه طبعا على اعتبار انه شاري بره التوكيل وشكرااااا
شكرا لاهتمامك ولكن الرابط اللي ارفقته فيه اسعار قطع الغيار فعﻻ ولكن اﻻسعاردي من حوالي سنتين او سنة سنه ونص انا قرات كل المواضيع الخاصة بالميجان بس عايز حد يديني اخر اسعار لقطع الغيار ﻻني نزلت سوق الجمعة لقيت التجار بيقولولي في اكتر من 15 محل في الحرفيين بيبيع قطع غيار الميجان !!!!انا طبعا مش عارف مدى صحة الكﻻم ده
في نفس الوقت انا عايز رأيك الشخصي بما انك من مﻻك الميجان 2005 هل فعﻻ فيها بعض المشاكل زي ما سمعنا ولو فيها يا ترى ايه هيا
بخصوص قطع الغيار انا بس عايز اسعار الحاجات اللي دايما بنغيرها في العربيه زي التيل والفﻻتر ووش الفانوس الحاجات دي يعني
وشكرا تاني ﻻهتمامك
أستاذنا و حبيبنا أحمد عبد المقصود عــــــــــــــــداه العيب طبعا ً,
بس برده فيه فوانيس تركي جديدة زي الفل و 10/10 في حدود ال200 جنيه, و متوفرة في معظم الأماكن بسهولة,
و بالنسبة للفلاتر الهوا و البنزين و الزيت المتوسط في حدود ال 40 - 65 جنيه
من الاّخر توكل على اللــــــه ديه عربية محتــــــــرمــــــة و بــــــــرســـتـــــيــــ ــــج و أوبـــــشـــــــنــــــــ ـز,
و ربنا يوفقك للي فيه الخــــــــــيـــــــــــ ر,
اه يا عم يا بختك يابو بخيت, في الإمــــــــــــــارات بلد الألـــــــف نــــاطــــحـــة ســــــحــــــاب,
يا ريت لو تبعتلي دعوة أو شغلانة ليا في مستشفى عندك هناك , أصل أنا دكـــــــــــتــــــور أســــــنــــــــان محـــــترف اه و الــــلــــه بس البلد هنا مش بتقدر يا خسارتي في البلد دي هههه,
إلاّ قوللي صحيح يا احمد باشا إيه أخبار الميـــــجــــي في الإمــــــارات, هل هي منتشرة ؟!
يا باشا تنور و تشرف.........أبعتلى أيميلك فى رسالة و هبعتلك شوية مواقع تدور فيها براحتك.
بس قبل ما تاخد أي قرار لو قدامك عرض...........أسأل......أستشير :)
الميجان مش منتشرة قوى هنا.....و إن كانت أكثر إنتشاراً من الجيتا و الأوكتافيا و الأوبل .
هنا الناس مش بتفكر غير فى اليابانى بصفة أساسية و بعده أى حاجة تانية......ده طبعاً فى فئة العربيات العادية.
العربيات اللى مش عادية بقى بيتربع على عرشها اللكزس و الأنفينتى و الرانج روفر و البى أم و المرسيدس و أودى.
بشكر بشدة الاستاذاة الكرام أحمد عبدالمقصود لسرعة رده وتفاعله الايجابي معايا وخصوصا اني بعتله على الخاص وهو متأخرش ورد عليا على طول وثانيا الاستاذ scraper2012 على المعلومات القيمة اللي افادني بيها وطبعا انا معجب بشدة بالعربية دي ...وان شاء الله شبه اخدت القرار بشراءها بس انتو واخدين بالكم ان اسعار المستعمل فيها على اوووي يعني ال 2005 بتتكلم في اوائل ال60 وطبعا ال 2006 بقت في اواخر الستين واوائل السبعين انا مش عارف سوق العربيات اتجنن كده ليه الموديلات بتقدم واسعارها بتغلى تتخيلوا اني لما رحت سوق الجمعة لقيت اللانسر ال 2002 ب 63000 !!!!!!!!!!!!!! وانا لسه شاري ال 2007 ب 65000 من كام شهر !!!سألت التاجر قالي اصل ده شكل المكواة ومبقاش ينزل فلازم يغلى !!!!انا مستغرب بشدة من التجار دول المتحكمين في سعر المستعمل وبيطلعوا العربية وينزلوها تبعا لاهواءهم الشخصية يعني على سبيل المثال الميجان كانت من سنتين عربيه مكروهة جدا من التجار وبالتالي كان سوقها واقع وكمان سعر المستعمل فيها كان واقع اما دلوقتي الاقي التاجر من دول عارض 3-4 عربيات ميجان ومغلي سعرهم عالاخر وبالتالي ارتفع سعر المستعمل في العربيات دي...انا بصراحة مش لاقي مرجعية صحيحة في اسعار المستعمل سوق الجمعة اللي مسيطر عليه تجار وبيتحكموا في الاسعار وكوناتكت كارز هكذا والوسيط اللي فتح امكانية عرض اعلانات مجانية على الويب سايت بتاعه لمده 10 ايم برضه اللي بقى بيستغل الامكانية دي التجار ...مش عارف الاقي عربيه استخدام بيتي !!!!!!يلا ربنا يعين ويخليني الاقي عربية مناسبة قريب