ياريت اسعار العربيات دى عل الخاص وصور لو سمحت
عرض للطباعة
ياريت اسعار العربيات دى عل الخاص وصور لو سمحت
والله كل مرة بتتكلم فيها بتثبت لي فعلا ان فهمك فى العربيات محدود جدا
اولا انا اول مرة فى حياتى اشوف واحد يعيب عربية بسبب لونها الخارجى
يا كابتن دى عربية رشة خوارج..... انت فاهم يعنى ايه رشة خوارج!!!!!!!! يعنى خلاص اللون الخارجى مايفرقش
لكن العربية اللى فابريكة برة وجوة بتبقى البويا بتاعتها فى الغالب مكلحة زي عربية واحد صاحبى كده بالضبط هاصورها واوريهالكوا ...... هنا بقى ممكن تفرق معانا البويا الخارجية لأنها فابريكة!!!! ومع ذلك البويا الفابريكة دى والمكلحة واللى شكلها وحش بتبقى سعرها اغلى من اللى رشة وبويتها كمان نضيفة ده لو كان عندك فكرة بالمعلومة دي؟؟؟؟؟؟
نيجى بقى لعربية صاحبى اللى نزل السوق بتاع العاشر اللى اكيد انت ما سمعتش عنه طبعا!!!!
وده لأنك بتتكلم عن الكونتكت كار والوسيط واللى هما حدودك فعلا وده باين من كلامك...
لما نزل السوق بعربيته الفابريكة بره وجوه بمعنى الكلمة اتعمله فيها 40 الف وما رضيش يبعها وكانوا بتحايلو عليه اقسم بالله ده حصل
نيجى للهجص {العربيات} اللى انت عارضها واللى بتأكد فعلا على ان فهمك على قدك
يا ترى حطيت اي صور ؟؟؟
ياترى حطيت اي نمر تليفون؟؟؟
يا ترى العربيات دى موجودة فعلا وانت زي مابتقول كومسيونجي؟؟؟؟؟
يا ترى العربيات دى حوادث ؟؟؟ دي لو موجوده اساسا!!!
فى حاجات كتير ممكن تخلى الناس تقلق منك اصلا مش حتى تتعامل معاك
وانا بقول لكل الناس اللى شايفة اللى انت بتعمله ده
دورو فى مشاركات المحترم ده وشوفوا مشاركاته عبارة عن ايه!!! معظم مشاركاته عبارة عن <دي تساوي كذا بالكتير>
أو <دى ما تساويش اكتر من كذا>
بص لنفسك واخجل من اللى انت بتعمله
لأنه واضح ان سنك اصغر من انت تفهم اي كلام من اللى قولتهولك ده
واخيرا اختم معاك بآية جميلة بس للي يفهم سواء كنت مسلم او كنت غير كده
<ولا تبخسوا الناس أشيائهم>
طب ممكن أسئلك سؤال
ليه هو ما حطش نمرته على العام؟؟؟
متابع
حبيبى رش الشنب عيب شرعى فى العربية ... لان الشنب من دواخل العربية وعيوب الدهان الخارجى بتاع عربية معاليك هو انها عشان تتركب لازم تعمل وش دوكو جديد على نضافة... وده معناه ان فيها مصروف كتير جدا ... فيها ع الاقل 3 الاف جنية او اكتر... انا مش بابخس حاجتك انا عرضت سعر من واقع الصور على افتراض احسن الاحوال يعنى بافترض ان الموتور والعفشة مش محتاجين مصروف... عرضت 31 الف ولو حضرتك بتبيع يبقى نتفاوض ممكن فى الفكمان يعنى 32 الف برضو على افتراض سلامة الموتور والعفشة ... حضرتك واضح انك عايز تبيع ب 35 الف ومش ملاحظ انها هتصرف مش اقل من 3الاف جنية يعنى هتدخل فى اربعين... المهم ... كل اللى طلبوا ارقام تليفونى بعته لهم ع الخاص وانا مش بانزل صور لانى مش بابيع فى منتديات انا بس حبيت اوضح لحضرتك الاسعار والتقييم بيبقى ازاى ... لو فيه نصيب وحد من المنتدى اخد منى عربية ساعتها بس حضرتك هتقتنع بكلامى ... انا غالبا مش باشترى لحسابى لكن بابيع لحساب الغير اللى اغلبهم قرايب واصحاب ومعارف وبقول لاى حد يجيب معاه سمكرى وميكانيكى ثقة ... وفى الاخير ربنا يحسنلك سوقها .
اسعار كونتك كار دي مبالغ فيها جدا وعالية ولما سالت الميكانيكي بتاعي قاللي اسعار تانية خالص وقاللي اصبر وانا اجيبلك عربية انا بقالي شهر متابع كونتك كار ومفيش لغاية دلوقتي لقيت عربية مناسبة وكل مل اكلم واحد في التليفون اللاقيه ماسك في السعر وبعدين فعلا اسعار الاكسنت 1500 99 قبل الثورة كانت بالكتير 33000 وال 1300 30000 والاكسيل 1300 26 27 بالكتيير وال 1500 30 31 فعلا الاسعار زادت وحسبي الله ونعم الوكيل في اللي كان السبب اسف للاطالة ولكن فعلا حسيت اني لازم اتكلم واقول
الشنب ؟ الشنب ؟ الشنب؟
الشنب يعيب العربية؟ من اكتر الحاجات مستهلكة فى العربية بسبب فتح الكبوت او فك الردياتير للغسيل وخلافة
ثم مرة تقول معمول على البارد ومرة تقول مرشوش طب ازاي؟؟؟
وقال ايه عشان تتركب لازم وش نضافة بـ 3 الاف جنيه هههههههههه ده التوكيل اللى هو التوكيل ما قالش نص الإفتكاسة اللى انت بتقولها دى
عرفت بقى ان انت فهمك على قدك وان مواضيعك يا هجص يا نصب يا غش يا مافيش اصلا وان انت من الناس اللى بتحب تبوظ فى حاجة الناس وبس لمرضٍ فى قلبك!! ربنا يشفيك
يا افندم بقالك شهر صابر ومش عارف تجيب حاجة بالأسعار الرخيصة اللى كانت موجودة اللى انت تمنتها بالضبط فعلا زي ما كانت الاكسنت 1500 99 قبل الثورة كانت بالكتير 33000 وال 1300 30000 والاكسيل 1300 26 27 بالكتيير وال 1500 30 31
لكن النهاردة الأكسيل اللى هى موديل اقدم من الأكسنت واللى هى مافيهاش اوبشن زى الأكسنت واللى شكل البودى بتاعها مش احلى من الأكسنت الناس ما بتنزلش عن 33 الف فى اى حالة للعربية <مع اعتبار ان في ساعات حاجات لقطة> لكن الأستثناء لا يلغى القاعدة
يجي بعد كده واحد الله اعلم بيه يقول على اكسنت 1500 مو 99 بـ 31الف وقال ايه <بالكتير> هههههههههه
انا اراهنك لو كان حيلتك 33جنيه مش 33الف
ربنا يهدي!!!!!!
هو حضرتك عربيتك other ولا انت بتخاف من العين
و استاذ كيمو العربيه hhhh دي عامله كام ؟؟ (هي دي هامر h4 )؟؟ :):):):)
و لو حد عايزها يشوفها يروح على ghh ؟؟
يعنى انا باختصر الكلام وبقولك فيه مصروف كتير وانت عايزنى افسر بردو... العربية رشة شنب بدل المرة مرتين وتلاتة... ومعمول فيه شغل ع البارد وع الساخن كمان...
عايز حضرتك تنكر ان الشنب مرشوش؟؟؟
وعايز حضرتك تقول الشنب من دواخل العربية ولا من الخوارج؟؟؟
السلام عليكم يا سيدي الفاضل انا فعلا بدور على سيارة وربنا هيكرمني ان شاء الله وجزاك الله خيرا على الرد بس اللي انا قولته اللي حصل معايا وعلى فكرة انا مش تاجر ولكن هي دايما كده البائع عايز اعلى سعر والمشتري عايز اقل سعر ودي حالة البيع والشراء ولكن حضرتك اسأت الظن بيا واتهمتني اني معيش 3 جنيه حتى ياريت حضرتك تراعي الناس في الكلام
لا حول ولا قوة الا بالله العلي العظيم وياريت حضرتك تكتب النهائي في البيع عشان ربنا يسهلك وتبيعها ان شاء الله بدون الدخول في تفاصيل كلام خارج عن الموضوع مع الاعضاء