مطلوب معلومات عن w123

**mohamedinegypt** · 30-05-2011 08:58 PM

السلام عليكم

يا جماعة أنا في فترة قريبة بإذن الله هجيب عربية وكنت بفكر إني أجيب ميرسيدس الشكل اللى هو من 77 لغاية 84 لأنه كان حلم من صغري (سمعت إنه اسمه w123) فاكنت عايز اعرف ايه ظروف الموديل دا يعني
مميزات
عيوب
استهلاك بنزين أد إيه 80 ولا 90 ولا 92
توافر قطع غيار
الأوتوماتيك منها بيأكل بنزين ولا لأ
الضريبة والترخيص
معلومات عامة عنها و لو حد عند نصيحة يقول وإيه أحسن موديل في الشكل دا

أنا في انتظار الردود من أهل الخبرة

**ahmedfoud** · 30-05-2011 09:06 PM

انا مش من اهل الخبره اوي يعني بس قلت مكسرش بخطرك
السياره دي ممتازه جدا صيانه في كل حته و قطع غيار متوفره و سعرها كويس
استهلاك البنزين مش عارف بس يعني لو انجكشن حط 90 اقل حاجه لو كاربراتير عادي يبقي مش فارق معاه 80 او 50 حتي
الضريبه و التراخيص عااااديه جدا حوالي من 300 الي 375 زي ما سمعت من بعض الناس و كمان الرقم دا للزلمكه
بس اختار الاي 200 الموتور ال 2000 سي سي ال 230 ام موتور 2300 سي سي تراخيصها غاليه و الله الموفق و المستعان
و الي اللقاء في حلقه قادمه ان شاء الله

ههههه انصحك بزياره قسم مرسيدس و سؤال العضو المحترم ام بي هد الراجل دا خبير مرسيدس و في ناس كتير برده خش بس انت قسم مرسيدس و عيش ......

**mohamedinegypt** · 30-05-2011 10:09 PM

ربنا يجبر بخاطرك يا سيدي
ومتشكر جداً علي النصيحة
بقولك ايه هو أنا كتبت الموضوع دا في قسم إيه؟؟

**mohamedinegypt** · 30-05-2011 10:17 PM

الأستاذ MBhead (أهل الخبرة) عايز ردك بناء علي ترشيح من الجماهير

**MASERATI** · 30-05-2011 10:21 PM

السلام عليكم و رحمة الله و بركاته

مبدئيا لحد ما الأخ الفاضل MBhead يرد عليك, العربية دى ممتاااااااااااااااااااااا زة, من هنا لبكرة الصبح, المهم أنك تجيب ال200 و تجيب واحدة لقطة بيتى مش من تاجر سيارات, كان فيه الأخ الفاضل معانا هنا (Ferrari) , كان معاه واحدة مو 1983 و كانت -حسب كلامه- أنها ممتازة و كان طالب فيها 53000 جنيه, المهم, ربنا يسرله و باعها فعلا.

العربية دى ممتازة و لا زالت turning heads in the street , المهم, زى ماقلتلك, أنك تجيب ال200 و لو قفلت معاك أوى و مالقيتش 200 نظيفة, هات 230 -مفيش مشكلة- و خليك راكبها لحد معاد الفحص و غيرلها الموتور بموتور زلمكة 1993 بفتيسه بتكييفه, يعمله بتاع 8000-9000 جنيه, ابقى اخصم تمنهم من تمن العربية ال230 -ده لو مالقيتش ال200 النظيفة- و حاول دايما تجيب مو1984 -1985, لأنهم آخر الW123 و أحسنهم.

العربية دى لا تعوض اطلاااااااااااااقا و اللى ماساقش العربية دى, أكيد فاته كتير أوى من متعة العربيات.

**mohamedinegypt** · 31-05-2011 02:03 AM

السلام عليكم ورحمة الله وبركاته
أخي الفاضل MASERATI
أولاً أنا متشكر جداً علي ردك الجميل اللى خلاني اتمسك بالعربية أكتر وأكتر
بس لسه عندي سؤال عن استهلاك البنزين إذا كان في الــ200 موديل 1984 و 1985 (2000CC) أو لو غيرت الموتور بموتور زلاموكة 1993 (2000CC)
- وإيه الفرق بين موديل 84 و 85 واللى قبله
- استهلاك بنزين أد إيه 80 ولا 90 ولا 92
- توافر قطع غيار
- الأوتوماتيك منها بيأكل بنزين ولا لأ

معلش أنا بتقل عليك بس العشم بقي في أهل الخبرة

**MBhead** · 01-06-2011 02:21 PM

اولا الW123 من سنه 1976 ل 1985 ....من بعد 80 فيها شوية عديلات الموتور و الفوانيس و الكراسي
200-230-230E-280-280E المنتشره في مصر ال200 و 230 حضرتك جيب ال200 عشان 2000 سي سي و الترخيص
استهلاكها في البنزين اظن عادي يعني 10لتر /100 كم طبعا 90 لو 80 حتلاقي المكنه بتسقف و حضرتك مافيش فرق بين موديل 84 و 85 الفرق في السبيعنات و التمانيات الموتور و الفوانيس و الفرش و موتور الزلمكه ال93 حتضطر تعديل قواعد الموتور لو موتور زلمكه تمانينات يسقط عادي
احسن حاجة زي ما العضو الجميل MASERATI قال تسال ferrari عشان هو كان معاه واحده
عموما الW123 عربية معروفه في العالم بجودتها و محبوبه جدا في مصر و اعلي مبيعات للشركة العظيمة الي الان

**mohamedinegypt** · 01-06-2011 06:48 PM

شكراً جزيل لك علي ردك الهايل
بس آخر سؤالين ايه ظروفها في استهلاك البنزين لو اتوماتيك
وقطع غيرها متوفر ولا لآ

بس كدا خلاص

**kamalwally** · 01-06-2011 09:28 PM

بالنسبه لقطع الغيار فهي متوفره واسعارها في المعقول وكمان معمره بس حضرنك تجيب الاصلي منها الي هوا الالماني
عشان متتعبكش كل شويه
بالنسبه لاستهلاك البنزين مقدرش افيدك في الموديل ده
لكن انا كان معايا موديل1993 e200 كان استهلاكها في حدود 9ــ10 لتر كل 100 كم
زلز ناوي تشتريه توكل علي الله العربيه دي فعلا ركوبه

**kamalwally** · 01-06-2011 09:33 PM

بالنسبه لقطع الغيار فهي متوفره واسعارها في المعقول وكمان معمره بس حضرنك تجيب الاصلي منها الي هوا الالماني
عشان متتعبكش كل شويه
بالنسبه لاستهلاك البنزين مقدرش افيدك في الموديل ده
لكن انا كان معايا موديل1993 e200 كان استهلاكها في حدود 9ــ10 لتر كل 100 كم
زلز ناوي تشتريه توكل علي الله العربيه دي فعلا ركوبه