عرض للطباعة
انا بشعر ان في هبد ورزع كده لما اخد مطب في العربية من قدام ومن الخلف فهل ده سببه
1- المساعدين
واعرف ازي ان السبب منهم وايه افضل الانواع والاسعار في حالة التغيير
2- السوست ( اليايات )
واعرف ازي ان السبب منهم وايه افضل الانواع والاسعار في حالة التغيير
3-لو في حل تاني ياريت حبايبنا في المنتدى مايبخلوش علينا
السلام عليكم
طيب حضرتك قولنا هل الهبد بيصاحبه أصوات تانيه زي شخلله أو قلقله و لا هبد مكتوم و صامت
و هل العربيه كده من الأول و لا مشكله مستحدثه
هل العربيه بتهبط في التحميل أو بتتنطط في المطبات
مقاس الكاوتش و الجنوط و ظابط الكاوتش علي كام
اولا المساعدين : اقف جنب كل مساعد واضغط علي العربية لو لقيتها بتطلع وتنزل بسرعة يبقي المساعد بايظ . ولو لقيت العربية تقيلة والمساعد بيعمل صوت زي الهوا يبقي المساعد سليم .
ثانيا السوست : هي العربية وطيت عن الاول ؟ ولو حد ركب فيها بتوطي اوي ؟
ضغط الهوا كام في الكاوتش ياريت تشوفة لانة لو فية هوا زيادة في الكاوتش العربية بتبقي عاملة زي الطوبة
وكمان اية اخبار تربيط العفشة ؟
بص ياباشا لو صوت رزع جامد في المطبات غير طبيعي يبقى مساعدين
في kyb ب 550 الجوز ورائع جدا بس ناشف شويه هو ياباني عموما
المساعدين الاوريجينال بتوع العاربيه اسمهم ماندو
في ماندو عادي في السوق ب 425 الجوز
وفي ماندو الاوريجينال ب 700 هتلاقي مختوم عليهم هيونداي وبرضو مختوم ماندو بعند محمد عاصم في شارع دمشق جنب التوكيل علطول
وفي الهيونداي موبيس هتلاقي مختوم عليهم ماندو ومحطوط علامه مائيه مكتوب عليها هيونداي موبيس دول ب 600
انا جايب الي قدام kyb ناشفين سنه والي ورا ماندو عادي زي الفل برضو