السلام عليكم...
أنا أسف لو كلامى هيزعل بعض الناس من اللى ابدو رأيهم هنا فى الموضوع ده بس أنا قاصد وربنا يعلم انى اقول الرأى الصحيح المبنى على تجربة شخصية...
مبدأيا أنا عندى التيريوس بلاتينيوم 2010 ( أعلى فئة أتوماتيك ) وعامل بيها حوالى 22 ألف كيلو متر .. وكان معايا قابلها النترا 2009 أتوماتيك برده... مع احترامى للجميع المقارنة بيين أى عربية كورى ويابانى مقارنة ظالمة لأنى وببساطة العمر الطويل والخدمة الشاقة معروفة أنها للعربيات اليابانى وده لأنها بالفعل معمرة ...
العربية التيريوس عربية قوية بمعنى الكلمة وأنا رأييى الشخصى انها من العربيات القلائل المناسبة للشارع المصرى العظيم المدغدغ حتى فى ارقى المناطق .
السحب طبعا مش هقدر أقارن مع الكورى لانه ببساطة العربيات الكورى أحسن مفيها سحبها لكن انا حليت الموضوع ده ببساطة بعض تجربة أكتر من نوع بنزين ( كله 92 لكن محطات مختلفة) لقيت أن أفضل بنزين جربته للعربية كان من محطة شل ..فعلا الموضوع مختلف تماما ( كأنى حولت من عربية ديزل لبنزين) مش عارف ايه السبب بالظبط بس أعتقد أن نقاوته أحسن شوية ( وبالمناسبة مش اى شل بس اللى فى مناطق كبيرة ومشهورة )
بالنسبة بقى للصيانات والتوكيل أنا جربت توكيل أبو رواش الحقيقة يا جماعة أنا أول مرة رحت حسيت انى كنت بتعامل مع ورشة ميكانيكا فى الحرفيين ( المقصود هنا توكيل غبور ابو رواش) واتنقلت لمستوى تانى خالص أنا مش هقول انى لقيت قطع الغيار غالية بس بالمقارنة بالفئة والجودة أعتقد التيريوس تكسب لأن قطع الغيار معمرة مقارنة بالكورى
العفشة ناشفة حبتين .. بس أعتقد أنها أديتنى أحساس بالقوة وأنى راكب عربية قوية
بالنسبة للتعويم والكلام ده أنا أتفاجئت أن العربية أثبت ل 120 من الألنترا وده كانت مفاجئة بالنسبة لى ولكن الموضوع برده يا جماعة نسبى وأعتقد أنه بيعتمد على مهارة السواق نفسه
أعتقد انى قلت كل حاجة عندى وأعتقد برده أن حضرتك لازم تشوف انت محتاج ايه من العربية الأول من وجهة نظرى الشخصية .. قوة وشكل كويس وعربية معمرة = تيريوس
سرعة وشكل كويس واوبشن عالى بس موضوع القوة وانها عربية تعمر معاك الحقيقة أشك..
وبعتذر مرة تانية لو كلامى ضايق أى حد... وشكرا
المفضلات