الخبر ده ملوش غير معنى واحد أن حكومة دكتور شرف فى وادى والناس فى وادى تانى
http://www.almasryalyoum.com/node/457952
يعنى ايه الحد الادنى للاجور 1200 جنية والتطبيق خلال 5 سنوات
عرض للطباعة
الخبر ده ملوش غير معنى واحد أن حكومة دكتور شرف فى وادى والناس فى وادى تانى
http://www.almasryalyoum.com/node/457952
يعنى ايه الحد الادنى للاجور 1200 جنية والتطبيق خلال 5 سنوات
الموضوع بسيط جدا
بفرض ان اقل مرتب في الحكومة 600 جنية
وزيادة سنوية نخليها 20 % كل سنة
يبقى بعد 5 سنين هايكون المرتب 1244 وهكذا
المهم بعد 5 سنين الجنيه = ؟؟؟؟ $
انتهت وزارة المالية من إعداد وصياغة الدراسة الفنية لـ«المشروع القومى للأجور»، وحسب مصادر رفيعة المستوى، فإن المشروع يقترح زيادة الحد الأدنى للأجور تدريجياً ليصل إلى 1200 جنيه خلال 5 سنوات، ومن المتوقع عرضه على مجلس الوزراء خلال اجتماعه غداً الأربعاء.
------------
((وذكر مسؤول بالاتحاد العام للعمال أن مشروع الحد الأدنى للأجور فى يد الحكومة، ولا يجوز التعليق عليه حالياً، وأن الاتحاد ينتظر ما ستسفر عنه دراسات الحكومة. وحذر الدكتور شريف قاسم، أمين اتحاد النقابات المهنية، من وضع حد أدنى للأجور فى ظل انفلات الأسعار حالياً، والظروف الاقتصادية السيئة للبلاد، موضحاً أن عدم ضبط الأسعار سيلتهم أى زيادة فى الرواتب.))
-------------
لأن لو زاد الحد الأدنى فوري الأسعار هاتولع ويبقى كأنك يا زيد ماغزيت
بالظبط كده عايزين أنتاج وأستثمارات من نار علشان نرفع من قيمة الجنيه أهم بكتير من زيادة المرتباتاقتباس:
المشاركة الأصلية كتبت بواسطة م.احمد زكريا
حتى لو المرتبات زي ماهي والجنيه رفع أفضل:16:
الكلام ده مفهوم ابسط حاجه ممكن تتعمل انك تروح طابع 10 مليار وتخلى الحد الاذنى لمرتبات الموظفين 2000 جنيه فالمحافظه على قيمة الجنيه مقابل الدولار حاجه مهمه لاننا دولة تعتمد اساسا على استيراد معظم احتيجاتها الاساسية من الخارج
لكن على الجانب التانى ما تقوليش لناس بسطاء انك هتخلى مرتبهم 1200 جنيه بعد 5 سنوات اذا كان الواحد مش عارف يعيش ب 1200 جنيه دلوقتى يبقى ازاى هيعيش بيهم بعد 5 سنين
انت كده بتعمل اثارة للناس والبلد هتولع مظاهرات فئويه
انت كنت حاطط أمل كبير على الحد الاذنى للاجور أنه هيخلى البلد تهدىء بس الواضح انه هيعمل العكس
طيب الناس تشتغل و بعدين تقول زياده الاجور
5 سنين بس ايه الجمال ده d: !!
يااااااااااااااااااا حلاوه
يا جماعة زيادة اجور = نقص في حتة تانية
ده لو عاوزين نحافظ على ما تبقى من الإقتصاد
يعني ازاي فجأة
زيادة اجور
زيادة ميزانية الصحة
زيادة ميزانية التعليم
زيادة مرتبات الشرطة وشراء سيارات وو
الإستجابة للمطالب الفئوية
مع
توقف المشروعات الممولة من الخارج
مما يؤدي لزيادة البطالة وتوقف حركة الانتاج
وقلة فرص العمل
وزيادة الديون بالاقتراض من الخارج
صباح الخير بالليل .... الناس عايزة تضرب الارض تطلع بطيخ من غير ما تبذل شوية مجهود مدعومين بحبة ضمير
افضل حل دلوقتي هو الدعم الخدمي قبل الزياده النقديه
زيادة فى الاجور (زيادة الحد الادنى ) = نقص فى الاجور (تخفيض الحد الاعلى )اقتباس:
المشاركة الأصلية كتبت بواسطة م.احمد زكريا
يعنى الحته الثانيه المفروض تيجى من ناس مرتبتها بتعدى مئات الالاف
ثانيا لو كلام حضرتك صح
برضه الحكومة غلطانه جدا لانها هى الى قالت هعمل حد ادنى للاجور
اتفرج بقى دلوقتى على المظاهرات الفئويه هتبقى عاملة ازاى
+99999999999999999999999999اقتباس:
المشاركة الأصلية كتبت بواسطة م.احمد زكريا
لو عندك 5 مليون موظف مرتبهم 500 جنيه وحضرتك عايز تعلي المرتب من 500 الى 700 تبقي محتاج فرق 200 جنيه للموظف الواحد يعني (200*5000000) = 1000000000 في الشهر الواحد طيب في السنة هيبقى قد ايه.؟؟؟؟؟؟؟؟؟؟؟ طيب علشان اوصل ل 1200 محتاج قد ايه.؟؟؟؟؟اقتباس:
المشاركة الأصلية كتبت بواسطة zkralla
والله لما الناس تشتغل يبقى يقولوا زيادة مرتبات وكويس جدا انه هيوصلها ل 1200 خلال 5 سنوات ولغاية دلوقتي انا مش عارف ازاي
ناس بتفكر بطريقة أنا ومن بعدي الطوفان
+111111111111111111111اقتباس:
المشاركة الأصلية كتبت بواسطة diablo1231
+11111111111111111111اقتباس:
المشاركة الأصلية كتبت بواسطة cyborg_ift
انت حسبت نص الحسبة بساقتباس:
المشاركة الأصلية كتبت بواسطة devilishtigers
فين الى هيتوفر من الحد الاعلى للاجور
وبفرض ان كلامك صحيح
الناس البسيطه ملهاش دعوه بحسبتك ولا هتعرفها
الناس قالولهم هنعمل حد ادنى للاجور
متجيش بقى تقولهم ده هيتنفذ بعد 5 سنين
انت كده بتعشمهم بحاجه وتعيشهم فى حلم وترجع تسحب البساط من تحتهم رجليهم
ده نفس اسلوب حسنى مبارك لما قال فى البرنامج الانتخابى هضاعف مرتبات الحكومة فى خلال خمس سنوات وهى اساسا المرتبات بتتضاعف لوحدها كل خمس سنوات بالزيادة بتاعه شهر 7
مرتب موظف الحكومة المعين سنة 2016 هيكون 1200 جنيه
قمة الاستفزاز واغتيال احلام الناس
طيب سيبوا حتى الناس تحلم ما تمنعوش عنهم الحلم ان بعد 5 سنين الدنيا ممكن تتغير
:grin54: في دي عندك حق هما حسبوها على الميزانية الحالية ولا خلاص ضامنين أن الأقتصاد هايتحسن بنسبة محددة؟؟!!!اقتباس:
المشاركة الأصلية كتبت بواسطة zkralla
كانو قالو موضوع ال700 وكل سنة هاندرس أمكانية نسب الزيادة
عايز بس اقول لحضرتك حاجة احنا الاقتصاد بتاعنا حدث ولا حرج وعلشان الدنيا تبدأ تظبط قدامنا سنتين بالميت في حد ذاته انه يوصل المرتب ل 1200 خلال 5 سنين دا كويس ويمكن اكتر مين عارف اكيد لو البلد اشتغلت بدل ما الناس كل شوية تطلع في مظاهرات الدنيا هتمشياقتباس:
المشاركة الأصلية كتبت بواسطة zkralla
انا بصراحة واثق في سمير رضوان جدا وفي عقليته واكبر دليل قدامنا تركيا
بس هي عايزة صبر علشان كل حاجة مش هتيجي في يوم وليلة
وإن شاء الله اللي جاي احسن:16:
انا شايف ان الرقم ممتاز ... دة فى ناس كتير كانت بتتعين ب 300 جنيه اول تعيين .. وبعد خمس سنين تلاقى مرتبه وصل 450 ج .. طبعا دة تعذيب
انا شايف ان الرقم المعروض حيخدم شريحة كبيرة من الموظفين كانت مظلومة
المهم ان زى ما قولته 700 ج = ..... $ ساعتها نبدأ نتكلم
ونشتغل الاول وبعدين نشوف الزيادة فى الاجور ... وبينى وبينكم شريحة كبيرة اوى من المصريين لو اخد اكتر من كدة حتقتل جواه الطموح ومش حيأدى فى الشغل وحيأنتخ
فيه معلومة سمعتها امبارح فى المؤتمر بتاع الموازنة أن ال 700 جنيه دول خاصين بشخص ليس معه اى شهاده ومعين جديد
لو كده يبقى كويس
اليوم السابع | العمال يهددون بالتصعيد بعد تحديد الحد الأدنى للأجور بـ 700جنيه.. ويتهمون حكومة "شرف" بالديكتاتورية.. والقومى للأجور سيطعن على القرار أمام القضاء
العمال يهددون بالتصعيد بعد تحديد الحد الأدنى للأجور بـ 700جنيه.. ويتهمون حكومة "شرف" بالديكتاتورية.. والقومى للأجور سيطعن على القرار أمام القضاء
شن عدد من القيادات العمالية والنشطاء العماليين هجومًا على الدكتور سمير رضوان، وزير المالية، واللجنة التى كانت تضم كلا من وزيرى القوى العاملة والهجرة الدكتور أحمد البرعى والتضامن الاجتماعى، جودة عبد الخالق عقب إعلان رضوان اليوم عن أن الحد الأدنى للأجور سيكون 700 جنيه ويصل إلى 1200 جنيه خلال خمس سنوات، حيث طالبت القيادات العمالية رضوان بالإعلان عن المعايير التى وضع على أساسها قيمة هذا الحد وحذر آخرون من موجة جديدة من الاحتجاجات العمالية خلال الفترة المقبلة.
قال ناجى رشاد، القيادى العمالى، وصاحب حكم إلزام الحكومة بوضع حد أدنى للأجور إن قيمة الحد الأدنى التى وضعها رضوان أقل من خط الفقر على المستوى المصرى والذى يصل مستواه 780 جنيهًا شهريا، مطالبا الحكومة بالإعلان عن المعايير التى وضع على أساسها قيمة هذا الحد.
وأضاف رشاد، فى تصريحات خاصة "لليوم السابع"، أنه سيطعن أمام القضاء على إعلان الحكومة حول قيمة الحد الأدنى مثلما طعن من قبل على الـ400جنيه قيمة الحد الذى أعلنه الدكتور عثمان محمد عثمان، وزير التنمية الاقتصادية من قبل.
وفى الوقت نفسه انتقد إسماعيل فهمى القائم بأعمال رئيس الاتحاد العام للعمال الإعلان عن قيمة الحد الأدنى للأجور دون التحاور مع ممثلى العمال ورجال الأعمال، متسائلا هل ستكفى 100 جنيه فقط للعامل فى السنة الواحدة لمواجهة ارتفاع أسعار السلع الرئيسية وهل سيوفر بعد خمس سنوات من الآن مبلغ 1200 جنيه حياة كريمة للعامل؟ فى ظل غياب دور الحكومة فى الرقابة على الأسواق والانفلات الشديد فى الأسعار وطمع التجار.
وأضاف فهمى أن الحكومة تعمدت تجاهل العمال فى وضع الحد الأدنى واكتفت بالاستعانة بالخبراء الأجانب ممثلمة فى منظمة العمل الدولية بالمخالفة للقوانين.
وأشار كمال عباس، المنسق العام لدار الخدمات النقابية والعمالية وعضو الاتحاد المصرى للنقابات المستقلة، إلى أن قيمة الحد الذى تم الإعلان عنه اليوم أقل من مطالب العمال فى ثورة 25 يناير وهو 1200 جنيه، مضيفا أن الحكومة انفردت بقرار الحد الأدنى دون الرجوع إلى ممثلى العمال، حيث أكد رضوان أن اللجنة الوزارية تعمل وفق دراسات وفد منظمة العمل الدولية الذى كان موجودًا فى القاهرة على أن تعود البعثة إلى القاهرة مرة أخرى بتصور حول قيمة الحد الأدنى يطرح للنقاش بين العمال وأصحاب الأعمال.
ومن ناحية أخرى قال عبد الرحمن خير، عضو المجلس القومى للأجور، إنه سيقيم دعوى قضائية ضد الحكومة لاغتصابها حق المجلس فى تحديد الأجور فى مصر، مضيفا أن الحكومة وضعت قيمة الحد الأدنى دون النظر إلى مدة العمل والخبرة والمهارة متهمًا الحكومة بالديكتاتورية فى اتخاذ القرارات.
وحذر خير من تزايد موجة الاحتجاجات العمالية خلال الفترة المقبلة، خاصة أن احتجاجات العمال خلال الماضى كانت تطالب بوضع حد أدنى مناسب يضمن حياة كريمة لهم وهو ما لا تراعيه الحكومة.
بصراحة م أحمد زكريا قال اللي كنت عاوز أقوله
احنا مش نستنى البطيخ يطلع من الارض لوحده حتى من غير ما نضرب الارض
الاجور دي معناها شغل كل ما شغلي اتحسن كل ما انتاجي زاد بالتالي دخلي زاد
المشكلة بس قبل ما كل واحد يفكر في مرتيه يفكر في اداءه لوظيفته يعني محدش يكروت الشغل محدش يزوغ و كدة
و بعدين لو بتتكلموا على 700 جنيه ادنى دخل في الدولة يبقى قمة في الانجاز بالنسبة لبعض الفئات من الناس زي اللي يادوب بيقبضوا 150 جنيه في الشهر