عرض للطباعة
ارجو النصيحه يا شباب لعربيه فى حدود 70 الف
انا كنت بفكر فى السانديرو بس مش عجبانى من الداخل و كمان قلقان من سعر اعادة البيع ..
بس الناس برضو بتشكر فى اللوجان اوى ..
يا اما اجيب مستعمل واحده من دول
جيتز 2008
او نيو اكسنت 2007 - 2008
او ياريس 2007 ..
هما دول العربيات اللى بقارن بنهم
يا ريت المساعده علشان انا مش خبير فى العربيات و ده هتبقى اول عربيه ليا .
الأحسن أنك تجيب عربية مستعملة و رخيصة عشان تتعلم عليها فى الأول لأنك لازم هتخبط لحد ما تتقن السواقة ....
السواقة ( وخصوصآ فى بلدنا ) مهياش حاجة سهلة ممكن تتعلمها فى أسبوع ولا حتى شهر .....
دى عايزة ممارسة مش أقل من سنة عشان تعرف تمشى صح .....
وتفادى اللى بيكسروا عليك ......
وإزاى تركن .......
الفئه السعريه دية اللوجان واكله السوق فيها
لوجان فول اوبشن
أللوجان واتوكل على الله
بص خليك في الياريس احس ...انا شوفت واحده 2008 زيرو وعامله 9000 كيلو بس .. نبيتي مفيهاش خربوش .. بتاعت لوا شرطة ومكانش بيركبها خالص تكييف وباور وسنتر ومرايات كهربا وانذار .واير باجز .. صاحبها عايز فيها 76 الف .. زيرو بجد .. لو عايزها قولي وده رقمي 0121414676
اليارس عربية محترمة بس ليه تجيب مستعمل و انت معاك تجيب زيرو , المستعمل زى البطيخة والله و مش مضمون و خصوصا انك ختدفع مبلغ مش شوية هى اليارس كويسة باس ضعيفة و بتعوم بعد 120 و عفشتها مش قد كدة ...
فخليك فى اللوجان زيرو و برضوا فيها اير باج و كمبيوتر رحلات و بعدين حضرتك هتكبر دماغك خلال فترة الضمان ( 3 سنوات او 100 الف كيلو متر ) و بعدين العربية باسم الله ما شاء الله انتشرت الأنتشار الرهيب دة خلال سنتين فقط و الناس كلها شكرت فيها بحمد الله تعالى ثم توكيل رينو المحترم و مش عاوزك تقولى بس اليارس اسمها تيوتا ( يعنى عربية بنت اصول ) هقولك برضو اللوجان اسمها رينو ( عربية بنت اصول برضه و لها اسم عريق فى السوق ) ..
فى النهاية الأختيار لحضرتك و حاول تركب اليارس و تركب اللوجان و تخش على قسم اليارس و تخش على قسم اللوجان و تشوف مميزات و عيوب كل عربية و اهم حاجة الراحة النفسية و ربنا يوفقك فى اختيارك .....
لو عايز تجيب جديد فى الفئة السعرية اللى انت حاططها يبقى بروتون ساجا فول اوبشن كامله وجنوط سبور وسينسور بارك واعتمادية وناس كتير شكروا فيها اما لو مستعمل افضلك هوندا سيفيك 92-93 هتبقى فى رينج 45000-50000 بس عربية صح انا بالنسبة ليا عربية احسن من الجديد
السلام عليكم
العربيات فى حدود السعين (فرنا - لانوس - لوجان - ساجا اتوماتيك) , اهم حاجة الاستخارة و ان شاء الله بالتوفيق فى قرارك
شكرا يا جماعه على المشاركه
بس ان او جبت هجيب سانديرو مش لوجان زز هيبقى فيه فرق ؟؟
و محدش جاب سيرت الهيونداى خالص
لو جبت accent or jetz 2008 ؟
ايه رايكم فيهم ؟
مافيش فرق بين السانديرو واللوجان غير ان السانديرو شكلها شبابى أكثر، واللوجان شنطتها أكبر.
انا لو مكان حضرتك ازود خمس الاف جنيه ..... واجيب النترا 2008 ولا حاجة تحففففففففففففه
السانديرو ما هى الا لوجان بس هاتش باك الفرق ان اللوجان مساحة شنطتها اكبر 510 لتر ما شاء الله مش معنى كلامى ان شنطة السانديرو ضيقة بالعكس مساحة شنطة السانديرو 310 لتر يعنى زيها زى الانوس تعتبر هذه المساحة راااااااائعة على عربية هاتش باك , انما الموتور و العفشة واحد و الصالون واحد و من نفس المواد بس المساحة تختلف صالون اللوجان اوسع نسبيا انما الكمليات واحدة ...
الأختلاف فى الشكل الخارجى فقط
اللوجان عائلية و كلاسيكية و شيك ..
السانديرو شبابية اكثر و شيك برضه ..
شوف حضرتك بترتاح للهاتش باك ولا السيدان و ربنا يوفقك فى اختيارك ....
بريليانس frv او fsv حاجة بجد تحفة مع احترامى الشديد لكل الاراء فى رينج السبعينات
خليك في الزيرو
اللوجان حلوه جدا
ولو بتفكر في اوتوماتيك هتلاقي الساجا في نفس السعر
رينو لوجان و توكل على الله و ربنا يوفقك فى اختيارك و يباركلك فى العربية اللى هتشترييها سواء لوجان او غير لوجان و تقبل خالص تحياتى ......