انا عربيتى النترا 2006 مركب كاغسيت بايونير ومشكلتى ان الأريال بيطلع مع السى دى والراديو يعنى بمجرد ما بشغل الكسيت الأريال بيترفع انا عايز حاجه تخليه مايترفعش الا مع الراديو بس اعمل ايه
عرض للطباعة
انا عربيتى النترا 2006 مركب كاغسيت بايونير ومشكلتى ان الأريال بيطلع مع السى دى والراديو يعنى بمجرد ما بشغل الكسيت الأريال بيترفع انا عايز حاجه تخليه مايترفعش الا مع الراديو بس اعمل ايه
مفيش حاجة تقدر تعملها..
دي بتبقا خاصية في الكاسيت اذا كان يرفع الإيريال بمجرد ما يشتغل ولا يرفعه عند التحويل للراديو بس..
م الآخر.. اشتري كاسيت جديد يكون فيه الأوبشن ده
طيب نسمع ونشوف اراء اخرى
دى مشكلة توصيل محتاجة فنى بيفهم
انا كان عندى اريال كنت مركبة عند صبحى توكيل رودستار اللى فى عماد الدين وكان شغال مع الراديو بس ولما تقلب سى دى يقفل
بس للاسف بعدها الاريال اتكسر رحت لمجدى كلاريون وقلتله لما يوصله ياخد باله من موضوع الراديو ده معرفش وقالى الكاسيت مفيهوش الاوبشن
وطبعا قعدت اقنعه انه كان شغال كده بس كان رافض يفهم
سيبته ورحت عند السجان فى دمشق شرحتله نفس القصة برده ادانى نفس الرد قلت اركبه وخلاص مؤقتا لحد ما ابقى افضى للموضوع ده بس بقالى فترة لسه مش فايق
عندى نفس الحوار فى الفيرنا و ريحت دماغى و عملت على السلك بتاعه زرار صغير قوى و لما اشغل الراديو ادوس عليه يطلع و اشغل الكاست ادوس تانى ينزل و حاطط الزرار فى الدرج اللى على ايدى الشمال
يا جماعة الكاسيتات الجديدة بيبقا فيها سلكتين سيجنال..
واحد للإيريال (ودي مابتطلعش إشارة غير عند تشغيل الراديو)
والتانية للجي إم (ودي بتطلع إشارة على طول)
في الحالة دي يبقا الكهربائي ممكن يغلط ويوصللك الإيريال على سيجنال الجي ام
أما الكاسيتات القديمة مكانش فيها الحوار ده نهائي
سيجنال الراديو وسيجنا الجي ام كانوا واحد
والاتنين بيطلعوا إشارة مستمرة بغض النظر انت مشغل إيه..
طيب هبص على الموضوع ده وابلغكم وصلت لأيه
الموضوع بسيط جدا
فيه جزء نحاسى على بوردة الكاسيت اى فنى بيفهم فى دقيقة واحدة
هيقوم بفصله.... بعدها الانتنا هتترفع مع الراديو فقط - وعملتها فى
كاسيت كينوود فى عربية اخويا