ايه رأيكم في سعر الكابريس دي ؟

**MaZaGAngeE** · 01-06-2011 01:36 AM

المشاركة الأصلية كتبت بواسطة malibu

لأ فى السنه الواحده فقط

لو كلاسيك ..كتيير عليها جدا 60 الف .اخرها 35 -37 لو 100%
الموديل ده قطع غياره داخليه و خارجيه موجوده و اسعارها حلوه

بالنسبه لنقطة 200 كيلو فى الصفيحه ,استحاله و اتحدى صاحب العربيه فيها

أنا برضه شايف ان ده السعر المعقول ليها
200 كيلو في الصفيحة معلومة مشكوك فيها جدا لكن ده كلام الراجل

**amrelsaqqa** · 01-06-2011 02:42 AM

من موقع Fuel Economy of the 1990 Chevrolet Caprice

استهلاك الكابرس موديل 90 :
جوة البلد فقط: 15 ميل لكل جالون = تقريبا 130 كم / صفيحة
على السريع فقط : 23 ميل لكل جالون = تقريبا 195 كم / صفيحة

متوسط الاستهلاك : 18 ميل لكل جالون = تقريبا 150 كم / صفيحة

**MaZaGAngeE** · 01-06-2011 03:29 AM

المشاركة الأصلية كتبت بواسطة amrelsaqqa

من موقع fuel economy of the 1990 chevrolet caprice

استهلاك الكابرس موديل 90 :
جوة البلد فقط: 15 ميل لكل جالون = تقريبا 130 كم / صفيحة
على السريع فقط : 23 ميل لكل جالون = تقريبا 195 كم / صفيحة

متوسط الاستهلاك : 18 ميل لكل جالون = تقريبا 150 كم / صفيحة

ممتاز
تقريبا زي ما صاحبها قال , و مش أكتر من استهلاك ال 504 بكتير و ربنا يخلي البنزين ال 80

**MaZaGAngeE** · 01-06-2011 04:46 AM

العربية زي اللي في الفيديو ده بالظبط ( على كلام صاحبها أنا هشوفها الجمعه )

YouTube - ‪Test Drive the 1990 Chevrolet Caprice Classic (Start Up, Engine, Tour)‬&rlm;

**yoko** · 01-06-2011 05:04 AM

ماهو زي أرقام الكتالوج تشك فيها لازم لإن عربيه قديمة عمرها ما هتعمل إستهلاكها الطبيعي معايا في السعوديه على سفر وسرعة ١٢٠ ثابته العربيه بتعمل ١٨٠ في الصفيحة جو البلد (في السعوديه وفي بلد فاضيه) بتعمل ١٤٠ وأوقات ١٣٠ وده كإنك ماشي في التجمع مثلا أو أحسن كمان يعني جوه القاهرة لو عملت ١٠٠كم يبقى كويس قوي

**malibu** · 01-06-2011 02:52 PM

تقييم العربيه

1- الحجم
الاربع اركان مكشوفين للسائق فبتسهل المناوره على الطريق و الركن

2-العفشه
ناعمه لاقصى درجه و متحسش باى حاجه على الطريق و عاليه عن الارض .و انسى المطبات

3-التكييف
يقارن بمرسيدس الفينات مع انه امامى فقط والمروحه سرعتين

4-الثبات
مكلبشه فى الارض . عرض العربيه و وزنها معوض ارتفاعها عن الارض

5-الصالون
انتريه بتاع البيت

6-الدركسيون
الباور زى الهوندا

العيوب

البنزين و الضريبه ديه كلنا عارفنها

1- قطع غيار العفشه اغلى حاجه فيها .لانها معمره جدا و مبتفكرش فيها
كل سنتين او ثلاثه هتغير جلب مقصات امامى وشكرا على كده (8 جلب .الواحده الاصلى ب 60 جنيه USA grade A )

2- علو صوت الموتور مع قدم تكنولوجيا الفتيس بيخلى صوت النقله مسموع و محسوس للركاب

3- هتدفع تمن التكييف بنزين

4- لو مره نقصت مياه او الريداتير اتخرم منك و سخنت زياده الفرن هيتشرخ منك(زهر و خامته ضعيفه ) شرخ صغير مش هتشوفو بس هيجننك
حلها ...لو بتسخن زياده و الجوانات سليمه و مفيش اى تسريب هتغيير الفرن بواحد استانلس عموله بنفس القطر الداخلى للفرن القديم (من 1000 ل 1500 حسب الصنايعي)

لو افتكرت حاجه تانى هكتبها

**hossam_elwani** · 04-06-2011 01:49 AM

سعرها باى حال من الاحوال ما يزدش عن 35000 لو ايه بالذى..

اوعى تشترى بالمبلغ ده السعر لايساوى الاداء وحتخسر كتير لما تيجى تبعها

**MaZaGAngeE** · 10-06-2011 02:55 AM

رحت شفت العربية تاني قبل ما اكلم صاحبها .... طبعا هيه واقفة في الشارع
الدهان نظيف جدا
مفيش بارومة
الرفرف اليمين ورا فيه خبطة من فوق مش عارف ازاي !!!! بس مش مؤثرة
الاكصدامات نظيفة و مفيهاش خبطات و الكروم بتاعها كويس و غالبا الأصلي بتاعها
النيكل بتاع الشبابك يهتان في حتت كتير و مخبط أو متني في حتت كتيرة برضه بشكل واضح .
الفرش شكله كويس و نظيف
السقف الجلد الداخلي مش موجود و هتحتاج تفصيله أو شراء فرش للسقف من الداخل .
الكاوتش الموجود بتاعها شكله كده عايز يتغير بس الطاسات الأصلية موجودة فيها .
طبعا الماكينة و الفيتيس و العفشة معرفش عنهم حاجة لأني مجربتش العربية أنا شفتها من بره بس .

لما كلمت الراجل حسيت اني هشوف عربية زيرو بس لما اتفرجت على العربية زعلت جدا ..... ليه أقول عن عربيتي حاجات مش موجودة فيها !!!! هوه اللي هيشتري مش فاهم للدرجة دي و لا دي نصاحة و لا صياعة و لا ايه بالظبط ؟؟!!!!
لما كنت عايز ابيع البطة قلت للي كان هيشتري كل حاجة عنها و خليته جربها مسافة 50 كيلو شوارع داخلية و سريعة و التكييف و كل حاجة و قلتله على العيوب اللي مش ظاهرة فيها عشان تكون البيعة حلال ........
ليه التصرفات الغريبة دي مش قادر أفهم !!!! أنا قفلت من العربية دي و من المستعمل كله مادام دي ثقافة سوق المستعمل في مصر

**Bassem Raafat** · 10-06-2011 02:32 PM

المشاركة الأصلية كتبت بواسطة mazagangee

رحت شفت العربية تاني قبل ما اكلم صاحبها .... طبعا هيه واقفة في الشارع
الدهان نظيف جدا
مفيش بارومة
الرفرف اليمين ورا فيه خبطة من فوق مش عارف ازاي !!!! بس مش مؤثرة
الاكصدامات نظيفة و مفيهاش خبطات و الكروم بتاعها كويس و غالبا الأصلي بتاعها
النيكل بتاع الشبابك يهتان في حتت كتير و مخبط أو متني في حتت كتيرة برضه بشكل واضح .
الفرش شكله كويس و نظيف
السقف الجلد الداخلي مش موجود و هتحتاج تفصيله أو شراء فرش للسقف من الداخل .
الكاوتش الموجود بتاعها شكله كده عايز يتغير بس الطاسات الأصلية موجودة فيها .
طبعا الماكينة و الفيتيس و العفشة معرفش عنهم حاجة لأني مجربتش العربية أنا شفتها من بره بس .

لما كلمت الراجل حسيت اني هشوف عربية زيرو بس لما اتفرجت على العربية زعلت جدا ..... ليه أقول عن عربيتي حاجات مش موجودة فيها !!!! هوه اللي هيشتري مش فاهم للدرجة دي و لا دي نصاحة و لا صياعة و لا ايه بالظبط ؟؟!!!!
لما كنت عايز ابيع البطة قلت للي كان هيشتري كل حاجة عنها و خليته جربها مسافة 50 كيلو شوارع داخلية و سريعة و التكييف و كل حاجة و قلتله على العيوب اللي مش ظاهرة فيها عشان تكون البيعة حلال ........
ليه التصرفات الغريبة دي مش قادر أفهم !!!! أنا قفلت من العربية دي و من المستعمل كله مادام دي ثقافة سوق المستعمل في مصر

سياسات تشويق للسلعه يا باشا : ))

-

الموضوع: ايه رأيكم في سعر الكابريس دي ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

حد يعرف الكابريس كلاسيك اخبارها اية ؟

تسقيط موتور على الكابريس !!!!!

عايز رأيكم فقط رأيكم

عايز رأيكوا فى الكابريس كلاسيك

إيه رأيكم ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة