ماحدش يا رجالة عارف يوصفلي اروحه إزاي من مدينة نصر ؟ أنا محتاج أروح فعلا إن شاء الله
عرض للطباعة
ماحدش يا رجالة عارف يوصفلي اروحه إزاي من مدينة نصر ؟ أنا محتاج أروح فعلا إن شاء الله
المركز ده سمعته كويسة
استفسار على الماشى
هل لو كشف على عربية و شاف ان العربية محتاجة تغيير رشاش هل عنده رشاشات للعربيات المختلفة و لا بيطلب منك تشترى رشاشات و هوه يركبها ؟؟؟
أنا برضو كنت اتقرصت من بتوع الكاربراتير اللى فى السواح والمفروض بناء على كلام الميكانيكى اللى ودانى ليهم ان ده معقلهم بس طلعوا مش قد كده ودفعت 70 جنيه فك وتنضيف وتغيير وبرضو مفيش نتيجة .... حتى الراجل المشهور فى شبرا بعض الناس فى المنتدى بقوا بيشتكوا من شغله ومعاملته
هو احنا بأه هنسيب أصل الموضوع ونقضيها هنروح ازاي؟؟؟وهنخوش منين ونركب أيه؟؟؟والساعة كام؟؟؟؟؟؟؟
وبعد مكنا جايين من طريق الاسماعيلية ........لأ......رجعنا في كلامنا وبقينا جايين من العباسية!!!!!! لا والنبي مدينة نصر!!!!!!!!! ولا أقولك مصر الجديدة..........طب عليا الطلاق بالهرم
مش كده يا جدعان والنبي نركز في الموضوع الأصلي شويه....مينفعش والله كده حرام.....الواحد دماغه لفت لفه سوده!!! وعدينا كعب داير علي كل مناطق مصر ونسينا أننا عاوزين نصلح كاربيراتيرتنا
مع أن والله أكتر من واحد طلعوا ووصفوا الطريق والمكان بوضوح جدا
دانا حتي نسيت السؤال اللي كنت عاوز أسأله!!!!!!!!!!
و مالك محروق كده ليه مش فاهم !!! إنت أساسا مش مشارك في الموضوع ولا ليك أي مداخلة فيه !!! إيه اللي مزعلك !!! و بعدين أما تتكلم تتكلم بأسلوب عدل لا أنا وجهتلك كلام ولا جيت قلتلك إنت قولي أروح منين !!! أنا بأسأل سؤال وانا حر عايز تجاوب ماشي مش عايز عنك ما جاوبت إنما أعد ساكت و متتكلمش كلام ملوش أي لازمة !!!
أنا مش فاهم ايه لازمتها المداخلة دى ؟ وليه الطريقة دى فى الكلام ؟ الراجل بيستفسر ازاى يروح المركز وده من صميم الموضوع ممكن كذا حد ساكن فى نفس مكانه ومش عارف يروح والرد عليه يفيدهم .... ثم اصلا لو لاحظت حتلاقينى فاتح الموضوع اساسا علشان عنوانهم لانه بيتوه شوية وأنا نفسى توهت لما جيت اروحلهم واضطريت اتصل بيهم علشان اعرف اوصل يعنى الكلام عن تقييم المكان جزء فرعى من الموضوع واخيرا أنا حاعمل ابلاغ بمشاركة مسيئة لان المداخلة فى غير محلها وطريقة كلامك مش كويسة وحاتتسبب فى خلاف مالوش أى داعى
بص يا سيدي ولا تزعل نفسك والاخ اللي كتب التعليق نعذرة ممكن يكون مضايق من حاجة المهم ولو انته جي من مدينة نصر خد طريقك الي ميدان الحجاز وكمل علي طول زي متكون رايح علي شىرتون مطار هتعدي ش عمار بن ياسر وهيبقي يمينك ستاد وسور الكلية الحربية تلف من اول يوترن علي طريق السندباد اخرة الكوبري خش من تاحتة هتلاقي مدخا الحلرفيين في وشك هتخش سنه يمين في اول يوترن هتعدي ش جمال عبد الناصر وتكمل علي طول وهتلاقي سنتر الشروق للسيراميك علي يمينك وبعد كدة عمارات الفاروقية علي شمالك امامها بنزينة كالتكس خش في الشارع اللي بعدة
واسال علي المركز الف من يدلك وبالتوفيق انشاء الله :b4_388: