زجاج السيارة مفتوح شوية نصيحة عم محمد بتاع الجراج دية كانت نصحتة امبارح وانا بغلق العربية واسيبها في الجراج المعرض للشمس طوال النهار عشان السخونية والزجاج لايصاب بسوء اية رايكم في هذة النصيحة
زجاج السيارة مفتوح شوية نصيحة عم محمد بتاع الجراج دية كانت نصحتة امبارح وانا بغلق العربية واسيبها في الجراج المعرض للشمس طوال النهار عشان السخونية والزجاج لايصاب بسوء اية رايكم في هذة النصيحة
نصيحة كويس بس بتخللي العربية تتملي تراب
والعربيات اللي فيها وحدة رفع ما ينفعش تعملها
الا لو قفلت بالمفتاح عادي من غير انذار
وممكن طريقة تانية
تسيب هواية التكيف مفتوحة
نصيحة صحيحة لتلافي زياد الضغط داخل السيارة نتيجة لتمدد الهواء بالحرارة و بالتالي كسر الزجاج
كما يؤدي لتبديل الحرارة و عدم اختزانها بالزجاج داخل السيارة و بالتالي زيادة التلف بالصالون
المسافة المتروكة يجب أن تكون صغيرة جدا (2-3 مم) فقط لتأمين السيارة قدر الإمكان و يفضل تغطيه السيارة أو علي الأقل خلف الزجاج الأمامي و الخلفي للحفاظ علي الصالون من تأثير أشعة الشمس المباشرة
فكرة كويسة وكريم قال كل حاجة وزيادة
كريم باشا ,اقتباس:
المشاركة الأصلية كتبت بواسطة karim_monir
إزيك و إيه أخبارك ,
ممكن تقوللي اسيب إزاي هواية التكييف مفتوحة.
يعني تخلي التكييف يجيب هوا من برة بدل ما الهوا يدور جوة العربية....ودي ليها زرار او قرص بيتحكم فيها علي حسب نوع العربية ...
وبعدين تفتح هوايات التكييف ايلي علي الشمال واليمين وايلي في نص التابلوة...
بس برضة دول مش هايخرجوا الحرارة قوي زي ما تسيب شوية في القزاز ...
في قطر في شهر 7 او 8 ...يعني الجحيم علي الارض...ونسبة رطوبة متيألي كانت تفوق ال100%...ما كنش في شيء بينفع غير اني احط علي كل القزاز عواكس فضية (شماسات بس عبارة عن رقائق بوايستر او Pvc فضية + اني اسيب هوايات التكييف + القزاز مفتوح (الاربعه وكل واحدة حوالي 2 سم )...
وبرضة العربية كانت بتبقي زي الفرن....
نسيت اول اني كنت باركنها في الصحرا.....من الساعه 8 صباحا ...لحد 5 مساءا...
نصيحه صح 100 %
بس لو انت فى مكان ممكن تطمن على عربيتك فيه
فعلا انا بعمل كدة علي طول ! حتة من الشباك و الهواية من برة !
انا ناقص لو كان في بطارية زيادة كنت حسيب التكيف شغال كمان :p
اكرم باشا هو بالظبط كدة
تجيب اتجاة الهواء للدورة الخارجية مش الداخلية
بس اقولكم على حاجة ساعات بعملها وبتجيب نتيجة حلوة
ممكن كل ساعتين تلاتة
يعني مرتين على مدار اليوم انزل اجيب حاجة من العربية في الايام الحر قوي زي امبارح واول
افتح الباكين وافتح معاهم مروحة العربية لمدة دقيقة حتى وهيا بتجيب هواء سخن
بخرج بس الهواء السخن المكتوم جوة العربية عشان بيبقي مضر قوي على الالكترونيات اللي في العربية\
او حتى مرة واحدة في اليوم ويا سلام لو شغلت العربية 5 دقايق وتديها شوية تكييف
تهبط شوية النار
نصيحة عم محمد بتاع الجراج طلعت صح
خبرة بأه
الفكرة صح بس انا بعملها بمسافة بسيطة جدا مليمترات يعنى علشان التراب و كمان ماحدش يرمى حاجة جوه ولا حتة سلكة لزوم فتح العربية و سرقتها
انا عندى فكره تخلى عم محمد بتاع الجراج يتولى امر العربيه و هى مركونه
ايه رايك
انا كنت بعمل كده ايام الشاهين بس للاسف فى اللانسر مركب وحدات رفع والزجاج كله بيرفع من غير مااعرف اسيب مسافه (حد عنده علاج للمشكله دى؟؟؟ )
ياشباب سؤال:
هل من الممكن توصيل كهربة البطارية (سواء الأساسية أو بطارية منفصلة) بصاج السيارة بحيث تسبب كهربة خفيفة لمن يقف فوقها من الكائنات المؤذية أو يسند عليها بيديه؟
الشحنة هتتسرب بسرعة يا دكتور، دة غير انها مش هتعمل حاجةاقتباس:
المشاركة الأصلية كتبت بواسطة Dr Ahmed
علشان دول 12 فولت،، العربية وهي دايرة ممكن تاخد من الموبينة
15000 فولت يروقوا اي حد يلمسها حتى انت داخل العربية ولمست
الصاج الخارجي!! بس دة وهي دايرة.
أقفل العربية بالمفتاحاقتباس:
المشاركة الأصلية كتبت بواسطة mada121977
للأسف مش هينفع برده لأن وحدات الرفع في اللنسر بالذات بتركب على دائرة السنتر فمهما عملت لما السنتر يقفل الوحدة هتقفل سواء قفلت السنتر بالمفتاح أو بالريموت.اقتباس:
المشاركة الأصلية كتبت بواسطة eng_mkhalaf
أنا عندي نفس العربية والوحدات:)