الموضوع: ولاد (مش عارف ايه) ماسبوش لولاد الحلال حاجة

المشاركة الأصلية كتبت بواسطة syd

السلام عليكم ورحمة الله وبركاته
النهاردة كنت ماشي علي المحور وشايف العربية الي قدامي بس علي الشمال شوية فيها كاوتشة الكوبلن مقطوعة وعمالة ترف قدام عينيا المهم قرصت شوية وحصلت العربية لقيت زجاج الباب جمب السائق مفتوح فقلت لازم احذره ودة واجب علي كل واحد في الطريق وربنا يسترها معانا جميعا
لقيت السائق واحدة ست ، لسة بقولها "كاوتشة الكوبلن مقطوعة" وماكملتش كلامي كنت عايز اقولها "روحي للميكانيكي بتاعك خليه يكشف عليها" لقيتها ضربت فرامل وهدت علي الاخر هديت انا كمان بكل حسن نية عايز اجيبها شمالي واقولها، فضلت مهدية علي الاخر ومدية اشارة شمال مع انها في اقصي اليمين بردو بحسن نية فضلت مهدي، لقيتها في اول يمين وراحت داخلة

ساعتها بس عرفت هي فكرت في ايه !
انا عارف هي قالت في نفسها "دة تشكيل عصابي بيعمل نمرة وعايز يسرق عربيتي، انا هنفد بجلدي وهعمل تمويه ادي اشارة شمال وادخل يمين"
بس والله ربنا يعلم اني لا بعاكس ولا طبعا عايز اسرقها

انا شخصيا لو واحد قالي عربيتك مشيسة مش هقف بل بالعكس هطير وهعمل اكتر من الي الست عملته
ودة ليه ؟؟؟؟؟؟؟؟؟؟ظ

مفيش امان في مصر
يا بلد الامن والامان (غياب امني بعد الثورة وانتشار السرقة والمجرمين)
يا بلد النهر الخالد (بنتخانق علي شوية ميه مع جميع دول حوض النيل)
يا بلد الحضارة (السياحة اتضربت)
يا بلد مهد الاديان (فتنة طائفية)
يا بلد ابويا واجدادي (نفسي اطفش من الي بيحصل)
يا يا يا يا .................

والله المستعان
،
،

ا

نا بختلف مع حضرتك

احنا الى شايفين الحوادث الى بتحصل بنضاره ما بعد الثوره

صحيح ان الحوادث زادت عن المعدل بس قبل الثوره بسنيين النصابين والحراميه موجوديين فى كل حته والعربيات بتتسرق كل يوم بمعدل غير طبيعى والابتكار فى النصب والسرقه كان على اشده

ربنا يكملها بالخير