الموضوع: إستفسار عم مدارس اللغات بمدينة نصر

المشاركة الأصلية كتبت بواسطة mhdside

السلام عليكم يا جماعه. أنا بنتي قدامها سنة وتدخل مدارس. وأنا دلوقتي بأعمل إستقصاء عن مدرسة لغات مناسبة. ممكن أي حد عنده معلومة عن مدرسة يقولها. المعلومة تشمل هل المدرسة دي كويسة, هل المدرسة دي وحشة, أسعار المدرسة الفولانية كام و كده. أنا بأتكلم في رينج حتى 10آلاف في السنة أو كحد أقصى 15ألف. لو حد يعرف حاجة عن مدرسة الرواد ومدرسة الفاروق يريت يقول. وشكرا

انا فى مشاركة سابقة وضحت لحضرتك ان مدرسة كايرو انترناشيونال سكول ممتازة حتى الاان معايا .بس اكيد لابد من المتابعة مع المدرسة
وهيه افضل من مدارس كتير اعلى منها فى المصاريف
اما بالنسبة لمدرسة الرواد زميلة لى قالت لى ان ابنتها فى المرحلة الابتدائية كويسة ولكن فى المراحل الاخرى مش كويسة اوى .بالاضافة الى ان تعامل الادارة مع اولياء الامور غير سلس ومفيهوش مرونة .ده الكلام اللى سمعته والله اعلم
لكن لما دخلت اولادى المدرسة سالت على المدارس اللى موجودة فى نفس الشارع وهما كايرو انتر ناشيونال سكول .والرواد .والراية
وعرفت الاتى ان افضلهم كايرو انترناشيونال سكول .وبعد كده الرواد .وسمعت ان مدرسة الراية دى فاشلة جدا .
اما سؤال حضرتك عن مدرسة الفاروق .سمعت انها مدرسة اسلامية وكويسة .وبيدرسوا فيها بعض المواد الدينية التربوية .ده اللى سمعته والله اعلم بردو .
ربنا يوفقك ان شاء الله لما فيه الخير لك ولابنة حضرتك .
تقبل تحياتى