استطلاع:معايا افيو2009 وعاوز ميجان2006 ايه رأيكم؟
السلام عليكم ياشباب
انا معايا عربيه افيو 2009 شاريها زيرو وبصراحه انا مبشتكيش منها في حاجه الحمد لله بالنسبه للعيوب الشائعه في الأفيو
بس بصراحه اناشوفت صدفه عربيه رينو ميجان معروضه للبيع موديل 2006 ماشيه 90000كم تقريبا وفابريكه بالكامل هاي لاين بصراحه عربيه وهم بسم الله ما شاء الله ومعروضه للبيع ب 65000 جنيه بصراحه سعر كويس جدا
ففكرت اني ابيع الافيو واشتري ميجان نفس الحاله كده او افضل شويه يعني في حدود ما ابيع عربيتي
ياترى ايه رأيكم؟بصراحه انا محتار وقلقان بس الفخامه والبرستيج بصراحه في الميجان مغريين في مقابل السعر
وخصوصا اني بحترم الرينو جدا لأنها مع والدي كليو 2005 سياره ماشاء الله عليها واعتماديه جدا
معلش انا طولت عليكم بس انا محتاج مساعدتكم.. ياترى ايه رأيكم؟ وهل ال 65000 جنيه يجيبو رينو ميجان 2006 حالتها كويسه زي اللي شوفتها كده؟وهل اتوكل على الله في الخطوه دي ولا بلاش؟
مستني رأيكم ياشباب
