يعني قصدك هجيب سوست التمبرا الاستوك مش سبور ؟؟؟؟؟؟
عرض للطباعة
بالظبط لو نفس المقاس السوست ال 6 لفات دول مش موجودين اساسا
السوستة العادية 5 لفات بس قوية جدا شايلة العربية التمبرا
سيبك من السوستة ال 6 لفات دى خالص . دى لتعلية العربية زيادة و بتاعت التمبرا ال 2000 سى سى .
لو السوست ال أستوك بتاعت التمبرا تركب عندك حا تلاقيها متوفرة فى الوكالة أو عزبة شلبى
و الله انا هحيكى تجربتى مع السست ....
فى الاول انا كنت عايز اوطى العربية شويتين ( تويوتا ياريس ) المهم رحت لواحد قام قاصص السوست الى وراه , طبعا العربية وطت بس حسيت ان فيه حاجة غلط بتحصل , العربية ما كنتش مزبوطة خالص , و بعدين كنت مسافر و هشيل حاجات كتير فى العربية و ما كنش ينفع اسافر بيها وهى واطية كده , المهم رحت لعفشجى عندنا يعتبر شيخ شيوخ العفشجية فى المنصورة و صيته سابقه , المهم الراجل اول ما شاف السوست المقصوصة قعد يدعى على الى قصهم و كان مضايق بشكل غريب , وقالى بص العربية دى بتاعتى ملكش دعوه انا هعليها بطريقتى , قعد يلف على سوست ملقاش خالص بتاعت العربية , المهم بعت و الله 3 صبيان كل واحد يدور فى حته على سوست ( اوبل تقرييا 2000 و مش فاكر كمان سوست بتاعه ايه ) قالى ان عادى ممكن نليق سوست بتاعه عربية تانية عليها , برده ملقاش قالى لأ بقى ده انت كده فقر :019f3b~14:.... المهم برده الراجل ما سكتش قام رايح لواحد بتاع مخرطة عملى حاجة اسمها فيبر محمل كده وخرطهم بحيث تمسك فى السوسته وراح معلى العربية بيهم , ورجعت زى الاول بالظبط ...........
جيت بقى اول امبارح طلبت اوطى العربية تانى , رحتله طبعا كان فاكرنى كويس , وقالى مفيش مشكلة السوست الى قدام هنليق عليها سوست تانية و الى ورا هنقص شوية من الفيبر الى كنا عملناه .. وده الى حصل , والحقيقة العربية حسيتها ارتاحت كتير عن الاول و زبطت نفسها ...:16:
الفيبر المحمل دا تقريبا حاجه زي العلايات كدا بس انا مش عايز أقص وكدا انا عايز جاهز عشان اشتري دماغ من القصص دي
وملقتش خالص لحد دلوقتي وتقريبا فقدت الأمل لقيت واحده معاه شاهين ع فيس ومتهبطه بس مردش عليا وتقريبا نسي
هيا لونها نبيتي كدا وجنطها 16 تقريبا وبتنزل أوتو كروس لو كنت شوفتها
العربيه فيها جنط نجمه و كراسي اسبور
لو هو فعلاً و هي عربيته ممكن لو شفته ابقي اسألهولك ساكن في الشارع عندي
والله انا كان قصدى انك تروح لعفشجى كويس , تسأل كذا واحد , لان ممكن عفشجى بيفهم يريحك من كل اللف ده ..... لان زى ما انت عارف ان ممكن نليق سوست عربييات تانية .... بالنسبة للعربية الى بتتكلم عليها , مش عارفها والله .. ربنا يسهلك كده و تلاقى الى انت بتدور عليه .