-
مشكلة فى باور الاوبترا
اولا صباح الفل على جميع اعضاء هذا المنتدى المحترم
ظهرت مشكلة فى سيارة والدى الاوبترا امبارح لقيت الدريكسيون تقل جدا العربية بقت من غير باور فبصيت بسرعة على زيت الباور لقيت مفيش زيت فى العربية وحسيت ان فى اثار تسريب زيت فى ارضية العربية ....فايترى السبب ممكن يكون من ايه .... انا منتظر وهوديها التوكيل يوم السبت بس هجيبلها زيت باور النهاردة وهحطه فيها ولاايه رايكو ...ياريت تفيدونى ياهل الخبرة
-
هات زيت وزود بيه
علشان الطرمبة متتحرقش
-
لازم تلحقها بزيت باور ماتمشيش كده بيها خالص لحسن نظام الباور كله تضطر إنك تغيره
-
وقبل متحط زيت الباور شوف التسريب جى منين الاول
لان الى هتحطوا هينزل تانى
-
انا فعلا ركنتها ومش هتحرك بيها غير لما اجيبلها زيت باور وهوديها التوكيل يوم السبت انشاء الله بس مش عارف ايه سبب التسريب ده
-
اوعى
اوووووووووووووووووعي تحط زيت باور المشكله حصلتلي وزودت حبه عرفو وقالو ان الزيت عمل دوره كامله فالباور سيستم وبوظتو وكلفني 10 % من تمن تصليح سيستم الباور 8630 يعني 863 وقالولي لو حصل اى عيب فالعربيه اشحنها على ونش وهما هيدوك تمن الشحن
-
لا تدير محرك السيارة مطلقا - و لا تقم بتزويد الزيت لأنه من الواضح في حالتك هذه أن التسريب كبير - إرفع السيارة على قاطرة ونش و وديها التوكيل بسرعة - ماتخليش خرطوم زيت واللا وصلة مسربة تمنهم تافه يكلفوك تمن مضخة زيت أو اسكاترا
-
الاحسن تتصل بالرقم ونش الطوارئ بتاع التوكيل وممكن تسأل في 19424 وتقولهم ان العربيه عملت كدا فجأه وهما هيتصرفوا ان شاء الله
-
انا النهارده فعلا كلمت التوكيل وقلولى زود زيت باور وعالى بيها وزودت فعلا النهارده والعربية رجعت تانى زى الاول وهوديها يوم السبت التوكيل عشان ببقى اجازة يوم السبت
-
انا روحت التوكيل النهارده وقالولى ان العربية فيها علبة دريكسيون وطلمبة باور وقالو انها هتتغير فى الضمان وهيحملونا تكلفة زيت الباور فقط علما بان تكلفة علبة الدريكسيون وطلمبة الباور 9000 جنيه على حد كلامهم وقالو انها هتخلص كمان يومين...ربنا يسترها وترجع زى الاول
Content Relevant URLs by
vBSEO 3.6.0 PL2