الموضوع: الغورية - ازاى أوصل و أركن فين؟

هو الركن أكثر من مأساة لأنك فى شارع الأزهر ، انا عن نفسي بركن فى الدراسة بصراحة ، عموما إنت لو جاي من صلاح سالم من عند مسجد الرحمن الرحيم هتدخل اليمين اللى جمب النفق (هتلاقي مكتوب سهم بيقول الجعفري) هتدخل الشارع ده يمين وفى الآخر شمال ، هتمشي على طول لحد ما تلاقي العربيات كلها بتلف يمين (شارع الأزهر) ممكن بقى ساعتها متدخلشي إنت يمين وتدخل شمال وتركن هناك وترجع تتمشي فى شارع الأزهر لحد ما توصل للغورية (بعد الحسين بشوية وهتلاقي سلم مُشاة)

بس رجاء منك ، بلاش تركن فى المنطقة دي مُخالف لأنها ضيقة جدا ومش مستحملة ركنه

ولا مأساة ولا حاجة.فيه اكتر من مكان هناك واسعارهم كويسة.

-لو جاى من صلاح سالم ومسجد الشرطة على يمينك وكملت علطول واجبارى يمين(متنزلش النفق) هتلاقى بعد 200 متر تقريبا ساحة الجعفرى اللى اودام قطاع الامن المركزى.اركن واسال ن الغورية وهتبقى 15 ساعة من مكانك.

-لو جاى من وسط البلد وكملت فى شارع الازهر.هتبقى الغورية على يمينك قبل جامع الازهر بشوية.كمل علطول هتلاقى مستشفى الحسين بعديها فى ساحة انتظار وطنش بقى كل العيال اللى واقفين برة ويقولك البارك كامل العدد تعالى اركنك.الا لو لقيت البارك معلق يافطة كامل العدد.

هى دى الاماكن اللى بركن فيها لو نازل هناك.

انا باجي من ناحية مديرية امن القاهرة وادخل شارع احمد ماهر بعدي حراز واكمل واقرب ركنة بركن وادخل الغورية من ناحية بوابة المتولي خطوتين تكون هناك

جزاكم الله خير جميعا
كده احسن وصفة لى هى انى اروح من جنب حراز و أركن فى الجراج اللى بعد المحكمة حتى بالمرة اجيب شوية حاجات من عند حراز لزوم البيت
و أسأل على بوابة المتولى و منها الى الغورية
تمام كده؟

المشاركة الأصلية كتبت بواسطة أبو_حمزة

جزاكم الله خير جميعا
كده احسن وصفة لى هى انى اروح من جنب حراز و أركن فى الجراج اللى بعد المحكمة حتى بالمرة اجيب شوية حاجات من عند حراز لزوم البيت
و أسأل على بوابة المتولى و منها الى الغورية
تمام كده؟

تمام ياباشا
وبارك الله في الاخوه الاعضاء قامو بالوجب بصراحه