عايز اعرف اية افضل انواع المساعدين وراء وامام وسعرهم والبارات وطقم البيضات ومن عند مين فى القاهرة
عرض للطباعة
عايز اعرف اية افضل انواع المساعدين وراء وامام وسعرهم والبارات وطقم البيضات ومن عند مين فى القاهرة
طب ما تصبر شوية ونشوف موضوع تعديل الاسكاترا دة اخبارة اية
انا امبارح كنت عند واحد اسمة محمد الابيض فى شارع احمد عصمت بيصلح علب الدركسيون وبيخليها بلى والتكلفة 300 جنية
وطبعا واحد اسمة الاطرش فى شارع شامبليون روحتلة من اسبوع بيغير كل حاجة فى علبة الدركسيون يعنى بيغير الحلزونة والدشمة واتنين بلية واتنين اويل سيل كل دة جديد وبياخد 300 جنية
وسعر طقم البيضات الروسي بـ 160 جنية من حمدى لادا والبلغارى بـ 180 جنية من اى حد بتاع اكسسوار وسعر جوز مساعدين ورا او ادام الروسي بـ 110 وطقم البارات مش فاكر بكام والله
بس بينى وبينك انا ناوى اعملها سكاترا 131 لانها هاتكون افضل
امبارح كنت مع سواق تاكسي اتعرفت علية بالصدفة معاة لادا ومركب علبة دركسوين خمسة بلية بيقولى بنزل من العربية عامل كدة وعمل حركة تفيد الاعياء التام ....عندة حق الصراحة
فا اية رايك نعمل التعديل دة عند واحد متخصص فى طنطا سالت ناس عاملين عندة من خمس سنين سكاترا وبيشكرو فيها جدا بيقولو ان العربية بتكون خفيفة وسهلة اوى
يعنى اماتيجى تحسب تكلفة شد العفشة هاتدخل فى مبلغ كبير اوى وهى هى لادا اما لو عملنا التعديل التكلفة مقاربة لشد العفشة بس النتايج افضل بكتير
وبرضة عشان اكون صريح معاك رحت امبارح عند درش بتاع الزوايا وسالتة انا هاعمل العربية على سكاترا وهاجى اظبط زوايا عندك ...قالى ما فيش مشكلة تعمل سكاترا بس الزوايا مش هاتكون عندى لازم تعملها عند حد عندة جهاز مرايا لان اللى عندى كمبيوتر بلوتوث
انت اية رايك ميال للسكاترا ولا تشد العفشة وعلى فكرة المهندس اللى بيعمل سكاترا دة فى طنطا واتصلت بية وقالى التكلفة 1000 جنية بس انا حاسس انها تنزل الى 750 مثلا وبيقولى عمل التعديل دة يجى فى 200 عربية
ورشه المهندس /مصطفى صلاح وعنوانه طنطا ترعه الشيتى.ورقم تليفونه/0123847285
بس ابقى قلنا عملت اية وتعمل تقرير كامل ومفصل بعد اذنك
أنا لسه قافل مع المهندس مصطفى ورفض أى تخفيض عن 1000
حسأل عندنا
ماشى
بس قبل ما تخلى الحكم بتاعك نابع من التكلفة فقط
اى حد هاتسالة لازم لازم تسال الناس اللى عملت عندة الاول ومن كام سنة ما تسالش واحد لسة عامل الموضوع جديد احنا عاوزين حل عملى قاطع
يعنى نعمل الشغلانة وننساها
ولو فى خير بامر الله والسعر ارخص عندك ممكن ابقى اجى عند نفس الورشة لان بصراحة الف جنية كتير
المهم ما تنساش لازم تسال على ناس عملت التعديل عندة من فترة لا تقل عن سنة وتسالهم الكاوتش بيتاكل ولا لا
وعلى الطريق السريع العربية بتعوم ولا لا
طبعا طبعا الفلوس مش حتكون المعيار أنا يهمنى أكتر الكفاءة وغير كده كمان أنا بفكر فى حاجة مهمة
ألف جنيه طبعا كتير ويا ترى لو فكرت تبيع العربية اللى حيأخدها حيقدر الفلوس دى ولا حيقول أنك لاعب فى العربية وأنا عندى واحد بالفعل عامل كده فى عربيته بقاله مدة حسأله عليها وأحاول أجربها بنفسى على الطريق
على فكرة أنا لسه قافل معاه
وقالى أنها بتعوم على الطريق وبتبوظ بسرعة
وقال ان فيه تعديل تانى بتبديل الجلب بتاعة التيشات ببلى وظبط بلى الدركسيون
بس برضه بتعوم العربية
مش عارف أيه الحل
خلاص يبقى اوعى تعمل التعديل عند اللى زميلك عمل عندة
بالنسبة لتعديل الجلب دة حل احنا كلنا عاملينة وهو تركيب مناول على بلى مش على جلب وبـ 65 جنية لكنة ربع مشوار الموضوع يعنى مش هاتحس بفرق كبير ........الفرق يكاد يكون محسوس
بالنسبة انك اما تيجى تبيع العربية هايقلل من تمنها فدة انا بعتبرة غير وارد لان اى حد بيجى يشترى لادا بيكون خوفة رقم واحد من تقل الدركسيون