وعليكم السلام ورحمة الله وبركاته
الموضوع ده حصل معايا قبل كده والحمد لله اتعالج
انا طبعاّ فكرت زى حضرتك انى اغير الطارة بس الموضوع طلع مكلف اوى والمشكله ممكن تتكرر
الاول سبب المشكله دى انى العربية تتركن لفترة طويلة فى مكان اشعة الشمس فيه مباشرة وميكونش فيه تهوية داخل العربية عن طريق ترك مسافة صغيرة اوى من الشبابيك مفتوحة ولازم يكون فيه شماسة فوق الطارة بالكامل
طبعاّ الكلام ده فى الايام شديدة الحرارة
اللى بيحصل ان الحرارة الشديدة بتعمل زى تمدد فى الطارة ( نفس فكرة تمدد الكاوتش فى الصيف )
الطارة لما بتتمدد الهوا السخن بيحجز تحت الطارة مباشرة ودا المكان اللى فيه الشريحة بتاعة الكلاكس والشريحة دى حساسة جدا لاى لمسة
المهم انا لما حصلتلى المشكلة الاول افتكرت انه فيوز او ان فردة كلاكس ملمسه المهم فصلت الكلاكس لغاية مارحت للكهربائى بتاعى
كشف على الفيوز وبص على التوصيل وقالى المشكلة فى الطارة ولازم تتغير
نظرا للتكلفة العالية مكنش قدامى غير انى احاول اصلحها على امل انها تظبط وطالما كده كده هاشترى واحدة تانية خلاص مفيش مشكله اجرب اصلح دى مش هاخسر حاجة ( خصوصا ان الكهربائى بتاعى شاطر ونظيف فى شغله جداّ)
فكينا الدركسيون كله من عند المشرشر وفكينا فيشة الكهرباء ولاقينا مسامير ماتور الايرباج ( ملحوظة مهمة جداّ هتلاقى عند المشرشر بتاع الدركسيون حلقة سودا اسمها ( الفيلم) ودى خاصة بالايرباج ( لازم تفضل فى مكنها يعنى متلفهاش يمين وشمال )
المهم فكينا مسامير ماتور الايرباج ولاقينا الايرباج متبرشم فى الطارة والمشكلة ان شريحة الكلاكس تحت الايرباج
اضطرينا نفور البرشام عشان نوصل للشريحة والحمد لله الموضوع ظبط معانا وشيلنا بالونة الايرباج زى ماهيها بنفس التطبيقة بتاعتها وطلعنا الشريحة من تحتها اللى كانت سليمة ومفيهاش اى مشكلة وجربنا نوصل خارجى وطلعت شغالة مية مية
رجعنا كل حاجة مكانها بترتيب عكسى وبدل البرشام بتاع الايرباج ركبنا مسامير صغيرة بصواميل وادت نفس الغرض
وقفلنا الطارة وركبنا الدركسيون مكانه وجربنا الكلاكس طلع سليم وزى الفل ولمبة الايرباج ( شيكت ) نورت وطفت تمام التمام
معلش انا طولت على حضرتك بس حبت اوصف الموضوع بتفاصيله وما تخفش لو كهربائى نظيف الموضوع ان شاء الله هيكون سهل جداّ
المفضلات