توصيات باختيار وزير داخلية مدنى.. وإصدار قانون يجرم التعذيب

**زينة الله** · 01-06-2011 01:55 PM

لجنة القوات المسلحة بمؤتمر الوفاق القومى توصى باختيار وزير داخلية مدنى.. وإصدار قانون يجرم التعذيب

كتب محمد عبدالقادر وحسام صدقة ١/ ٦/ ٢٠١١

علمت «المصرى اليوم» أن لجنة القوات المسلحة والهيئات الاستشارية والرقابية بمؤتمر الوفاق القومى أصدرت، أمس، العديد من التوصيات أكدت فيها ضرورة أن يكون رئيس جهاز الشرطة أو وزير الداخلية «مدنياً» من خارج الجهاز، وهيكلة اللجان الشعبية وتفعيل دور الدفاع الشعبى فى الحماية المدنية للجبهة الداخلية بتعديل الخدمة الإلزامية لبعض الكليات التخصصية، للمساهمة فى حماية الوطن.
وتضمنت التوصيات إعادة النظر فى اتفاقية كامب ديفيد فيما يتعلق بحجم وانتشار القوات المسلحة على حدود مصر الشرقية، بما يكفل مبدأ السيادة على أرض الوطن عامة، وتنمية سيناء خاصة والاحتكام إلى المواثيق والشرعية الدولية، وبجوار هذه التوصية تم تدوين ملحوظة تقول «لم تتم بعد الموافقة بالإجماع على هذه التوصية وسوف تتم إعادة مناقشتها».
وأشارت التوصيات إلى ضرورة عدم محاكمة المدنيين أمام المحاكم العسكرية، وإصدار قانون يجرم التعذيب بنوعيه الجسدى والمعنوى وأى انتهاك لحقوق الإنسان مع سرعة إجراءات محاكمة الجانى وعزله من منصبه فوراً، وتفعيل دور إدارة الشؤون المعنوية وجهاز الأمن الحربى، للتواصل مع الشعب فى طريقة عرض القرارات وتحسين طريقة عرض القرارات على المستويين الشعبى والإعلامى وإجراء حوارات ومناقشات فعالة لقطع الطريق أمام بعض المغرضين الذين يريدون إشاعة الوقيعة بين القوات المسلحة والشعب فى هذه المرحلة الحرجة، وذلك من خلال لجنة تواصل شعبية دبلوماسية يتم وضع أسس لها.
وطالبت التوصيات بإعادة النظر فى شعار «الله.. الوطن» ليصبح «الله ثم الوطن»، وذلك للحفاظ على عظمة لفظ الجلالة ومراعاة الشعائر الدينية، ورفع كفاءة القوات المسلحة بالتوسع فى توظيف المتطوعين المحترفين فى جميع المجالات مع تحسين الأوضاع المعيشية والاقتصادية لهم، وتفعيل دور البحث العلمى فى جميع المجالات لتصبح مصر دولة رادعة دون سلاح، واستقلال الجهات الرقابية لتكون مؤسسة تابعة للأمن القومى تحت رقابة برلمانية، وتفعيل دور القوات المسلحة فى المشروعات القومية تحت رقابة برلمانية.

-- منقول من المصرى اليوم --

**dolly13** · 01-06-2011 01:58 PM

اخبار رائعة وتدعو للتفاؤل ... ربنا يعدى الايام دى على خير والامور تستقر

**زينة الله** · 01-06-2011 02:04 PM

المشاركة الأصلية كتبت بواسطة dolly13

اخبار رائعة وتدعو للتفاؤل ... ربنا يعدى الايام دى على خير والامور تستقر

يا رب يا دولى ربنا يصلح الأحوال و يسترها مع الناس و البلد

عارفة اللى بيحصل دا كله متوقع لحد ما يتم تغيير القيادات القديمة على خير

**Dojuar** · 01-06-2011 02:05 PM

المشاركة الأصلية كتبت بواسطة زينة الله

وطالبت التوصيات بإعادة النظر فى شعار «الله.. الوطن» ليصبح «الله ثم الوطن»، وذلك للحفاظ على عظمة لفظ الجلالة ومراعاة الشعائر الدينية، [/color][/size][/font][/b]

+111111111111111111111111111

الجملة دي رائعة جدا

بس هاتجيب لبعض الناس أرتيكاريا

**زينة الله** · 01-06-2011 02:10 PM

المشاركة الأصلية كتبت بواسطة Dojuar

+111111111111111111111111111

الجملة دي رائعة جدا

بس هاتجيب لبعض الناس أرتيكاريا

هههههههههههههههه

والا ارتيكاريا والا حاجة إن شاء الله " لكم دينكم و لى دين"

أو كما يقولون :: الدين لله والوطن للجميع :)

بصراحة المقال و التوصيات كلها غاية فى الجمال و الروعة :: بس يا رب يأخدوا بيها

**abogogo** · 01-06-2011 02:12 PM

افلاح ان صدق ... كلام جميل يارب يتنفذ وخصوصا اتفاقية الزل كامب ديفيد ايضا ياريت وزير الداخلية يكون دكتور علم نفس او اجتماع هيكون افضل

**رزق** · 01-06-2011 02:50 PM

ياريت
ماكان من زمان

**otefa** · 01-06-2011 03:06 PM

كلام 100%
أن شاء الله يتحقق في أقرب وقت بأذن الله
وفيه جزء منه موجود هو دور القوات المسلحة في مشاريع في البلد ومن أيام أبوغزالة الله يرحمه
عايزين فاعلية في مشاريع تنموية أكثر وأكثر الناس دي بتشتغل زي الساعة

**SeiffoZ** · 01-06-2011 04:01 PM

المشاركة الأصلية كتبت بواسطة dojuar

+111111111111111111111111111

الجملة دي رائعة جدا

بس هاتجيب لبعض الناس أرتيكاريا

سؤال لولبى ...

هو حضرتك بتعتبر أو مش شرط حضرتك ( الناس إللى ليها توجه ليبرالى) أعداء الدين و يجب القضاء عليهم ؟؟؟

على أنا ليبرالى .. و مش كافر ... و بصلى الفروض كاملة و مش برتكب معاصى ..

و بطالب بردوا بتطبيق الحدود ( حد السرقة و حد القتل و حد الزنا و حد شارب الخمر و حد قذف المحصنات ) ..

الحدود المذكورة فى القران ...

لكن إللى أنا ضده إن حد يبقى واصى عليا بالقوة فى علاقتى بالله ...

يعنى أبسط مثال و إللى عامل قلق ( حاجة زى النقاب و حاجة زى الحجاب ) ... حاجة زى حرية شرب الخمر للمسيحيين و المتاجرة فيها كمان ..... حاجة زى الموسيقى ( و اللتى هى غير حرام بالمرة من أكثر من مصدر و حقى كامل الإستماع عليها و ممارستها و تعلمها و العمل بها و تقديم العروض ) ... إللى هى الحاجات إللى تشغلنى كرجل شارع .. و الحاجات إللى متتخذش باسم الدين فى التحكم ... و فرض الوصاية ... ده إللى انا ضده ..

ده غير حرية الرأى مش عشان مش هتعجب واحد إسلامى هيكفرنى و هيستحل دمى ( زى ما أحلوا دم البرادعى ... و زى ما كفروا إللى قالوا لا فى الإستفتاء ..... زى ما كان النظام السابق بيعمل .. الإنفراد و التهميش لكل تيار )

انا حبيت بس أوضح أنا و الليبراليين عايزين نطبق إيه ..

**Dojuar** · 01-06-2011 04:06 PM

أولا: ايه علاقة ردك على مشاركتي؟؟؟

ثانيا: حضرتك كل ما أنا أو عضو اخر يرد عليك و يحتاج يعرف دليلك أو مصدرك مش بترد عليه...وده تكرر في مواضيع كتيره

لذلك أن أمتنع عن الحوار معاك

الموضوع: توصيات باختيار وزير داخلية مدنى.. وإصدار قانون يجرم التعذيب

LinkBack

أدوات الموضوع

عرض

توصيات باختيار وزير داخلية مدنى.. وإصدار قانون يجرم التعذيب - انشر الموضوع فى :

-

-

-

-

-

-

-

-

المواضيع المتشابهه

استقالة وزير الداخلية الكويتي بعد وفاة مواطن تحت التعذيب في أحد أقسام الشرطة

قابل ياعم قابل ...مشروع قانون يجرم تعدد الزوجات و يعطى الزوجة المصرية نصف ثروة الزوج

الكلمات الدلالية لهذا الموضوع

المفضلات

المفضلات

ضوابط المشاركة