أكرم باشا، انا كمان كانت العربية عندى مخنوقة و عملت الأتى:
- ركبت فلتر سبور، مفرقش كتير الا فى السحب بعد ال 100 كم
- غيرت علبتين الشكمان، محستش بفرق فى السحب خصوصا لما اكون ماشى اقل من 60 كم
المهم بقيت متنكد و متضايق قوى و بعدين قلت، يوضع سره فى ابسط حلوله، كلمت ممدوح و عملت الأتى بناء على توجيهاته :D :
- ركبت بوجيهات 2 شمعة بتاعة الليجانزا
- فكيت الايدل كونترولر و البوابة و المنافولد و نضفتهم بسبراى تنضيف و WD40 زى ما ممدوح وصف فى الموضوع ده
http://www.daewootech.com/forum/viewtopic.php?t=2619
- فصلت فيشة رقم الأوكتين زى ما اتوصف فى الموضوع ده
http://www.nilemotors.net/Nile/showthread.php?t=10178
النتيجة كانت ممتازة، السحب اتحسن جدا مع ملاحظة ان (نعومة السحبة) اتحسنت اكتر بعد فصل فيشة رقم الأوكتين و كمان بقى مفيش تسقيف لما نسيت و مشيت بسرعة 20 كم على التالت، بعد كده شيلت الفلتر السبور و ركبت العادى لغاية ما ابقى اعمله الوصلة اللى تركبه تحت مش فى الحوض، و برضوا السحب فضل ممتاز.
شكرا للمرة ال 10000 مليون لممدوح باشا و يارب يطمنوا على يوسف عن قريب و ياريت كلنا ندعيله.