-
اغرب حركة مع العربية
السلام عليكم ... امبارح حصل موقف عجيب جدا .. وانا ماشي سمعت صوت رزع جامد جاي من الموتور ... و خبط و فرقعة و حاجات كدة والله عجيبة جدا... المهم ركنت على جنب و فتحت الكبوت كل حاجة طبيعية ... الزيت والميه تمام و مفيش مشاكل بس الصوت رهيب ... المهم ركبت و دورت تاني والصوت زي ماهو ... قلت افوت على الميكانيكي وانا طبعا ماشي بطئ جدا ... بعد شوية اسمع صوت فرقعة او رزعة جامد ... و سبحان الله بعد كده كل حاجة رجعت سليمة و مفيش اي حاجة و يمكن صوت العربية هدي عن الاول ... انا شغال ب موبيل xhp.. و بغير في المواعيد تمام .. العربية ماشية 72 الف ... ياريت لو حد يقدر يقولي ده ممكن يكون ايه ؟؟ لاني مش فاهم اللي بيحصل ؟؟؟
-
هل الصوت استمر والسيارة واقفة ولا تتحرك مجرد المحرك دائر علي السلانسيه
-
-
ممكن طقم دبرياج حصلت مع واحد صاحبة فة لادت سمارا
-
-
استاذ طارق الصوت كان خفيف اوي على السلانسيه وكان بيعلى بمجرد اني اتحرك ولو حتى بسيط...
استاذ elpasha1 : تفتكر فعلن طقم دبرياج ؟؟ ولو كده اتاكد ازاي ؟؟
استاذ shanodaa : انا مكنتش مشغل التكييف ؟؟ ممكن يكون بردو سير في الحالة دي ؟
-
طب جربت تزود بنزين وانتا واقف مش معشق الفتيس
انا بسالك علشان اتاكد الصوت من الموتور ولا من الفتيس
لان الصوت لو لم يظهر والسيارة واقفة يبقي تفكرنا هيروح للفتيس اما لو كان ظاهر والسيارة واقفة ومش معشق الفتيس تفكرنا هيروح للموتور
ونقدر بعد كدا نحلل العطل ونفيدك
-
والله الصوت كان موجود وهى واقفة وايضا وهى ماشية (صوت كركبة) لكن كان بيزيد وهى ماشية
واللى يقول كدة الميكانيكى انا معرفش صراحة هل ممكن انت تعرف ولا لأ
-
بعد الصوت ده اداء العربية كان عامل ازاي يعني سحب العربية والغيارات
-
استاذ طارق انا للاسف مجربتش ساعتها و مجاش في بالي لاني كنت مخضوض طبعا... وبعد كده الصوت راح والسحب عادي كمان فا معرفتش في ايه ؟؟
استاذ acounter012 : ساعة الصوت طبعا مدوستش على العربية يدوب كنت ماشي براحة جدا .. بعد ما الصوت راح السحب طبيعي و مفيهوش مشاكل
Content Relevant URLs by
vBSEO 3.6.0 PL2