السعر ده مناسب للعربيه دي ولا غالي

السلام عليكم ورحمه الله

انا مشترك معاكم هنا في المننتدى من فتره واستفدت كتير جدا جدا من خبراتكم انا اشتريت عربيه سبعه وعشرين وبصراحه عقدتني في الفيات كله عموما علشان موضوع الجر الامامي المهم

الناس اهل الخبره اشارو عليا اني اشتري لادا تستحملني

والفلوس اللي معايا تجيب لادا قديمه فدورت وشوفت كذا عربيه لغايه لما لاقيت عربيه بسم الله ماشاء الله فابريكه بره وجوه ومن تحت ومش محتاجه مصروف نهائي لادا 1300 s

موديل 1981 بس صاحبها ماسك في 15000 ياترى السعر ده مناسب ليها ولا لا
الموتور حالته كويسه خمس فرد كاوتش جداد والاستبن منزلش على الارض حالتها حلوه هل يعتبر السعر ده كويس عليها ولا غاليه وارجو الرد سريعا

بالنسبه للسعر مش عارف والله بس معقول في عربيه موديل 1981 فبريكه بره وجوه

العربيه مش متهانه وحتى لو مش فابريكه بره وجوه هيا حالتها كويسه وشوفتها بصراحه من تحت مفيهاش اي حاجه هل حضرتك شايف السعر كده عالي واصبر شويه ولا مناسب

انا بعت عربيتى 2105 موديل 1982 فابريكة دواخل فقط بس كانت مجددة من كلة وكاوتش جديد برضه ب 16000 اعتقد
السعر كويس

دى صور عربيتى اللى بعتها
http://www.nilemotors.net/Nile/164974-2105.html

بسم الله ماشاء الله حضرتك كنت مظبط العربيه قوي

ربنا يبارك للي اخدها

حضرتك بايع السنه اللي فاتت هل ياترى الاسعار دلوقتي مختلفه عن قبل كده

وعلى فكره العربيه اللي قدامي متظبطه زي العربيه اللي حضرتك بعتها بس الفرق في الموديل

اعتقد مش هاتفرق كتير كان مكنتش زادت كمان
بس خلى بالك انها فابريكة بالكامل وده هيخليها ماسكة سعرها بس خلى بالك من الحاجات المستخبية زى قواعد الماتور والكردان مثلا

السعر كويس توكل على الله

الراجل طلع عيل في كلامه ورجع في كلامه

الحمد لله ربنا مش بيجيب حاجه وحشه

لو في حد هنا في المنتدى عنده عربيه لادا بنت حلال وحنينه ياريت يقولي انا من اسكندرية

اقتباس:

---

المشاركة الأصلية كتبت بواسطة toktok5858

الراجل طلع عيل في كلامه ورجع في كلامه

الحمد لله ربنا مش بيجيب حاجه وحشه

لو في حد هنا في المنتدى عنده عربيه لادا بنت حلال وحنينه ياريت يقولي انا من اسكندرية

---

حضرتك منين فى اسكندرية ؟

اقتباس:

---

المشاركة الأصلية كتبت بواسطة keko

حضرتك منين فى اسكندرية ؟

---

من العجمي ياباشا

اقتباس:

---

المشاركة الأصلية كتبت بواسطة toktok5858

من العجمي ياباشا

---

وانا من سيدى بشر لو كدا منين ما اشوف حاجة لادا كويسة هاقولك بس انت عايز 1200 ولا 1500 ولا 2105 ولا 2107

ياريت ياباشا تكون 1500

بصراحه العربيه عجباني

ولو فيه2105 مفيش مشكلة

بس اهم حاجه الحاله

اقتباس:

---

المشاركة الأصلية كتبت بواسطة toktok5858

ياريت ياباشا تكون 1500

بصراحه العربيه عجباني

ولو فيه2105 مفيش مشكلة

بس اهم حاجه الحاله

---

بصراحة ال 1500 بعتبرها احلى موديل فى اللادا تابلوه تحفة والموتور 1500 واهدى من بتاع ال 2107 وصاجها هى وال 1200 سبب شهرة صاج اللادا اصلا
ربنا يكرم انا كدا كدا بدعبس على عربية لو شفت واحدة حلوة اقولك وخد بالك انا اللى كان بيكلمنى فى اكتر من 12 الف بسيبه وامشى (طبعا اللى كانت فابريكة دى حالة شاذة) العربية دى سعرها من 4 الاف (لو كانت تاكسى ورايحة فى 60 مصيبة ) ل 8 الاف لو حالتها متوسطة واخرها 12 لو نضيفة انا نفسى الاقى واحدة من ام 4 الاف تكون صاجها سليم جدا وكل الباقى متدمر واشدها على مزاجى بس الصاج والشاسيه اللى عمره ما يرجع لاصله

اقتباس:

---

المشاركة الأصلية كتبت بواسطة keko

بصراحة ال 1500 بعتبرها احلى موديل فى اللادا تابلوه تحفة والموتور 1500 واهدى من بتاع ال 2107 وصاجها هى وال 1200 سبب شهرة صاج اللادا اصلا
ربنا يكرم انا كدا كدا بدعبس على عربية لو شفت واحدة حلوة اقولك وخد بالك انا اللى كان بيكلمنى فى اكتر من 12 الف بسيبه وامشى (طبعا اللى كانت فابريكة دى حالة شاذة) العربية دى سعرها من 4 الاف (لو كانت تاكسى ورايحة فى 60 مصيبة ) ل 8 الاف لو حالتها متوسطة واخرها 12 لو نضيفة انا نفسى الاقى واحدة من ام 4 الاف تكون صاجها سليم جدا وكل الباقى متدمر واشدها على مزاجى بس الصاج والشاسيه اللى عمره ما يرجع لاصله

---

لا ياباشا شرا العبد ولا تربيته انا نفسي في واحده بنت حلال وتكون بيتي مش تاكسي ومتظبطه ومعاك لغايه الخمستاشر

اقتباس:

---

المشاركة الأصلية كتبت بواسطة toktok5858

لا ياباشا شرا العبد ولا تربيته انا نفسي في واحده بنت حلال وتكون بيتي مش تاكسي ومتظبطه ومعاك لغايه الخمستاشر

---

هيا اذواق بس انا نفسى فعلا اعمل عربية على ايدى بس لازم يكون الصاج سليم شفت حاجات ب 3 و 4 بس متخلاش من لحام فى الارضية ولا قايم مشروخ والكلام ده