يا جماعة انا فررت اجيب كارينز خلاص... اجيبها توكيل ولا خليجى؟

**mando91** · 01-06-2011 05:40 PM

بعد ما شوفت كلامكم في المنتدى عن الكارينز و آراء الخبراء
قررت خلاص اجيب الكارينز بكرة إن شاء الله

بس محتار اجيب التوكيل و لا الخليجي

افيدوني ؟؟

شكرااااااااا :) :)

**MOUSTAFA_SAAD** · 01-06-2011 06:59 PM

تقريبا ضمان الكيا خمس سنوات
انا شايف حرام تضحى بيهم
بس لو جبتها توكيل ماتعملشى الهوا فيها بره التوكيل علشان ماتبقاش حجه لسقوط الضمان
اما لو ناوى تشتغل فيها بره التوكيل يبقى هاتها خليجى من الاولوريح دماغك لانه تقريبا اوبشن اعلى وسعر اقل والله اعلم

**kono** · 01-06-2011 07:16 PM

أنا معايا سيراتو وكيل
وندمان ندم السنين انى مجبتهاش خليجي
لانى من دمياط معملتش ولا صيانة فى التوكيل
وكمان الخليجي أوبشن أكتر وسعر أقل

**mando91** · 01-06-2011 07:32 PM

المشاركة الأصلية كتبت بواسطة kono

أنا معايا سيراتو وكيل
وندمان ندم السنين انى مجبتهاش خليجي
لانى من دمياط معملتش ولا صيانة فى التوكيل
وكمان الخليجي أوبشن أكتر وسعر أقل

تمام بس انا خايف علشان بيقولولي لو طلع فيها عيب صناعة يبقى انا كدة فلوسي راحت عليا ايه رأيك؟....شكرا ليك

**mando91** · 02-06-2011 12:33 AM

توكيييييييييييييييل و لا خليجييييييييييييييي؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

**shery103** · 02-06-2011 01:02 AM

فرق التوكيل الهاى لاين من الخليجى كالآتى
بلوتوث - ليدات فى المرايات الجانبية - فوجات -تكييف تاتش- كاميرا فى المراية للرجوع للخلف ( فى بعض الموديلات و دى بتركب هنا مش جاية من برة كده يعنى العربية ملعوب فيها)
احنا لما رحنا نشترى من عند سمير ريان كان عنده ده و عنده ده ، و عنده الكويتى و العراقى و السعودى و كل حاجة ، بس احنا شفنا ان الاوبشنز دى مش مستاهلة انك تضيع ضمان 5 سنين او 100 الف كيلو و لا قدر الله لو العربية فيها عيب صناعة هنعمل ايه ! ، فجبنا التوكيل الهاى لاين ، و الحمد لله زى الفل

فكر كويس و شوف انت الاوبشنز دى لو مهمة بالنسبالك هات الخليجى ، لو مهتم اكتر بالضمان خليك فى الوكيل
و ربنا يوفقك

**mizo6** · 02-06-2011 02:24 PM

انا عن نفسى وبعد سؤال عدد من الناس اللى جابت خليجى وتوكيل ....الناس اللى جابت وكيل نصحونى بالخليجى لان فرشه انضف والتكييف الخليجى اقوى وكمان الخليجى السعودى بيبقى واخد طبقة دهان اضافية لحماية دهان العربية من السخونةز

بس خلى بالك الخليجى هو السعودى فقط وليس الاردنى او السورى وبرده السعر بيفرق لان السعودى عند سمير ريان ب126.5 والسورى او العراقى ب123

وبالنسبة للضمان ممكن تشترى ضمان 3 سنين ب1080 جنيه وبيديك معاه كتيب ضمان فيه اسماء وعناوين مراكز خدمة تعمل فيها الصيانات فى اوقاتها وبرضه بتغطى عيوب الصناعة

يبقى انت كده اشتريت العربية بالضمان وخليجى كمان وارخص من الوكيل حوالى 3000 جنيه

والقرار النهائى ليك وربنا يوفقك وابق قلنا عملت ايه