عرض للطباعة
السلام عليكم ورحمة الله وبركاته
واحد رجل اعمال كبير جدا واخد شقق اسكان شباب واراضي في علي طريق اسكندرية وطريق اسماعيلية قاعد دلوقتي في امريكا وعامل 5 توكيلات لعياله يبيعوا الحاجات دي انا شوفت توكيل واحد منهم لقيت فيهم ييجي 80 شقة اسكان شباب في الشروق مساحات 70 و100م اتقدم فيه بلاغ من حوالى 3 اسابيع او شهر لمباحث الأموال العامة...النهاردة الشقق دي ابتدي يبيعها للموظفين اللى عنده وينقلها بأسمهم...وحسبي الله ونعم الوكيل...ما هو مبارك متأخرتش محاكمته من شوية.
ازيك يا استاذ محمد ... فكرتنى من حوالى 6 سنين كنت رحت لهيئة المجتمعات العمرانية الجديدة اللى فى مكرم عبيد .
لانى كنت عرفت ان فى هناك شقق فى التجمعات وبعض المدن الجديدة لمشاريع جديدة و مشاريع مسحوبة من ناس وبيعيدوا بيعها ... شفت هناك عجب العجاب فى طريقة حجز الشقق دى لانى حسيت ان الموظفين هناك عاملين زى المافيا وعمالين يحجزوا لاقاربهم وجيرانهم ولسماسرة متفقين معاهم بنظام كله يفتح مخه .
بالظبط كده ...اقتباس:
المشاركة الأصلية كتبت بواسطة no comment
ونفس النظام موجود في أجهزة المدن الجديدة زي العبور
" عرفت ان في أراضي اتسحبت من ناس لم تلتزم بشروط البناء والمهلة الزمنية ، روحت سألت في العقارية : انسى يا باشا واستنى القرعة الجديدة"
المهم : واحد زميل قالي ان والده أخد قطعة من المسحوبين ، طيب إزاي؟ قالي أصل هو يعرف فلان اللي شغال في العقارية وخلصلوا الموضوع
وبالصدفة البحتة لقيت فلان ده مأجر شقة في بيت في نفس الشارع بتاعي في العبور (شوف الدنيا صغيرة ازاي)
أخينا طلع مخلصاتي كبير (مع انه لسه حديث في الشغلانة دي- بتاع 4 سنين)
بس أثر النعمة بيبان !!خصوصا لما المرتب بيكون لا يتعدى 900 جنيه وتلاقي الأوبترا مشرفة
وشكلهم بأى وحش أوي والناس عارفة انهم بياخدوا حاجات مش من حقهم وريحتهم فاحت بصراحة
واللي من العبور وبيتعامل مع الجهاز (التراخيص والمساحة والمعاينات والعقارية) يعرف كويس أوي الأخوة المرتشين اللي هناك ... وكام مرة بيتم نقل الموظفين من إدارة لإدارة بسبب المواضيع دي ، ولكن مازال هناك أمل لأن في بعضهم لايقبل الحرام أبدا بالرغم من وجوده وسط مستنقع من الفساد- بجد ربنا يباركلهم في دينهم واهلهم ومالهم وصحتهم
انت ياباشا ساكن في العبور؟اقتباس:
المشاركة الأصلية كتبت بواسطة ahmedhawas