عملت حادثة وطلعت بالعربية فوق الرصيف ! !

**Ahmod** · 02-06-2011 02:10 AM

الف شكر ليكم جميعا والله يسلمكم

لسه راجع من عند العفشجي وده كلامه

: العجل الحديدة بتاعته (الجنط العادي لاني مركب طاسات) اتنى وقالي انه وارد يكون هو اللى مسبب اهتزاز في الدركسيون لانه متني جامد

بيقولي العفشة من تحت سليمة ومافيش مشاكل والمقصات اكشفلك عليها مع ضبط الزوايا

قالي اروح عند بتاع كاوتشات يظبطلي الكاوتش والتنيات اللى في الجنط رحت عند واحد خليته يركب الاتنين اللى ورا قدام على اساس ان العجل اللى ورا متأثرش بحاجة

وخليته يظبطلي الاجزاء اللى كانت متنية في الجنط

مع اني مش عارف ليه حاسس ان خفة الدركسيون بالمنظر ده اكيد ليها علاقة بحاجة تانية غير ان الكاوتش اتنى !

**ashouhdy** · 02-06-2011 02:36 AM

يافندم انت كدة عايز حداد عفشجى يعنى مش ميكانيكى

**graffittiii** · 02-06-2011 06:22 PM

يؤسفني يباشا أبلغك أن 90 % هيكون سبب المشكلة هو الإسكاترا بتاعة الدريكسيون ...
الإسكاترا مش كل أعطالها مشاكل في التوجية ... أحيانا بتسبب أن الدريكسيون يبقي خفييف جدااا ..وده ممتاز وسط البلد لكن ع السريع مشكلة ...
نصيحة ماتسيبش الدركسيون خالص علي أي سرعة فوق 50 حتي لو مافيش حدفه لان أي زلطة هتحدفه ... لغاية لما تحدد المشكلة ..
وإكشف تحديدا علي الإسكاترا ..... والله أعلم ..