من شبكة رصد
YouTube - ‫ط§ط.ط¯ظ‰ ط§ظ„ظ…ظ†ط³ط.ط¨ط§طھ ظ…ظ† ظ„ظ‚ط§ط، ط§ظ„ظ…ط¬ظ„ط³ ط§ظ„ط¹ط³ظƒط±ظٹ‬‎
عرض للطباعة
جامد جدا موضوع ان شباب الاخوان جايين لبسين بدل و دخلوهم الاول دي ( افهم من كده يا انسة انهم كانو منظمين )
هوه لسه فيه تحريض تاني هيحصل علي المجلس العسكري
لما انتي دخلتي زيك زيهم ايه اللي مزعلك بس يا ست البنات
و بعدين لقاء هيبقي فيه 1000 واحد الطبيعي هيكون لقاء استماع مش حوار بمعني اللي عاوز يتكلم يتكلم هتبقي ميغة و لو انتي تابعتي الحوار الوطني و كيف فشل اكيد كنتي هتقدري حجم المتواجدين كويس
و اللي اعرفه جيدا ان المجلس طلب بكل صراحة ان يتم تمثيل كل تيار او ائتلاف بعدد يكون حوالي 10 افراد
حضرتك كنتي مع مين و مين ضد مين
و ايه اللي يزعلك ان الناس تهتف الشعب و الجيش ايد واحدة
و ايه اللي يزعل لما المجلس يعرف الشباب الصغيره يعني ايه جيش و ايه اللي عمله اثناء هذه المرحلة خصوصا ان الكثير منكم لا يعرف عن الجيش اكثر مما شافه في فيلم عبود علي الحدود ( بجد مش تريقة )
انا الجيل بتاعي اتربي علي ان الجيش بتاع ( الرصاصة مازالت في جيبي ) فلما دخلنا الجيش و لم نجد لا حسين فهمي و لا محمود ياسين اتصدمنا و انتظرنا فترة حتي نراهم بس للاسف لم نراهم
يا ست البنات هوني علي نفسك و بالراحة شوية و اسمعي اكتر ما تتحدثي اكيد هتتعلمي
و لما تتعلمي ابقي اتكلمي اكيد و قتها تأثيرك سيكون اقوي و انفع و احتمال لو كنتي جلستي و سمعتي يمكن كان كثير من اسألتك سيتم الاجابة عليه بدون مشقة منك ربنا يهدينا جميعا
و نفسي بقي يا ست البنات انتي و اللي زيك الا تحشرو الاخوان في كل حاجة ارحموهم شوية علشان خاطري لحسن لو حتطوهم اوي في نفوخكم كده الفترة القادمة بأذن الله مش كويس عليكم خالص
و اكيد مالص و منتظرينك في الاعتراض القادم و ان الجلسة مع المجلس فشلت و ان الحزب الوطني بيلعب
العب يا ملعب ( انا اتعلمت اللغة )
م.حاتم السباعي
اولا حد يقول الامورة ان احنا مش في حضانة عشان زعلانه انك مقعتيش في اول صف
و بعدين ايه المشكلة ان كل واحد يخش دي ثورة شعبية قام بيها الشعب مش حد معين عشان يتقال دول ثوار و دول ولا البطة السوداء
اخر حاجة طبعا كل مصر بتحب الجيش الي عمره ما وقف اودامنا كان مع الشعب من اول ما اتعمل و في 52 و كمان في 25 يناير و بعدين منتفرج علي الدول الي الجيش بتاعها بعها ايه الجرالها شهداءنا كلهم علي بعض ميجوش شهداء يوم في الدول دي:untitled 1: اما طريقة الحوار فلازم تعرفي يا حلوة انك بتتحاوري مع جيش عسكر مش مكتب الاستقبال ولا خدمة العملا للمحمول بتاعك:untitled 1::untitled 1:
طب هما مين اللي انسحبوا اصلا من اللقاء عشان نفهم بس
يعني دي منيهم ولا منينا :)
الروبيضة تتكلم فى شئون العامة !!
مين الاستاذه .........
احب اعرف حضرتك زعلانه من ايه بالظبط يعنى حضرتك زعلانه انك مقعدتيش قدام ولا علشان محدش اداكى أى دى ولا ؟؟؟
وبعدين تخيلى معايه كده يا امورة ان كل واحد من الالف اللى حاضرين سأل سؤال واحد بس والمجلس اجاب عليه تفتكرى حضرتك محتاجين قد ايه وقت علشان نخلص الموضوع ده ؟؟؟
وهم مين دول اللى صمموا ينسحبوا ؟؟
هى تبع مين بقى
تعليق من ع الفيس بوك
اقتباس:
الي انتم شايفينها قدامكم ديه اقسم بالله كانت حاضره الاجتماع فعلا -- طبيبه جراحه رمد و من ضمن الاطباء في المستشفي الميداني ال18 يوم وقت ما كان فيه فيران قاعدين في بيوتهم و بعد ما المخلوع تنحي تبرعت بكل وقتها لعمل عمليات لمصابي الثوره -- في مستشفي من اشهرالمستشفيات اتعرفت عليها يوم 25 يناير يوم ماكنتم بتضحكوا علي اللي نازلين الشارع كل (....*)اهانها هقوللك كلمه واحده بس كما تدين تدان و ان شاء الله تشوف الكلام ده علي ....................
البلد هتولع .... ربنا يستر والأيام اللي جايه تعدي على خير
انا مش فاهم الاخوة اللي داخلين فيها شمال ايه منطقهم ؟
رسميا كده الحوار ما كانش حوار ده كان استعراض , و كان مليان حزب وطني , ده حتى توفيق عماشة كان هناك
اما نقطة شباب الاخوان فيسأل عنها شباب الاخوان
و نعرف هل هما دول ولا لأ , و لو هما دول عملوا كده ليه , ولو ما اقتنعناش يبقى نقول لهم انتوا غلطانين , ما هما مش آلهة يعني !!!!
مش هعلق لأن للأسف لما نتكلم فى بعض الأمور وبعض المنطق بنلاقى ناس بتتفذلك وبترد ردود مستفزه والغريب انهم بيولو نفسهم للحكم على الأمور فى حين لو رجعنا لعمره ومستوى ثقافته واحتكاكه وخبراته فى المجتمع مش هتيجى بمستوى ناس تانيه فاهمه وعاقله وعارفها هى بتتكلم
أزاى وبتفهم اللى بين السطور وبتعرف تمسك اعصابها من اجل نقاش هادئ لتوصيل وجهات النظر لكن اللى بيحصل هنا فى الأجتماعى من فتره فى مواضيع مشابهه بصراحه اقل مايوصف بيه انه مهذله ومن اسواء انواع المهذله وكل واحد بقى حافظله كلمتين يقولهم
يعنى مثلا تلاقيهم يردو عليك مانتم كنتم قاعدين فى بيتكوم ما بتعملوش حاجه
ياسيدى وانت بتشم على ظهر ايدك عرفت مين كان قاعد فى البيت ومين كان بيساهم بصوره اوأخرى ومين ظروفه تسمحله انو يشارك ومين مايشاركش وبعدين هو عشان حضرتك نزلت الميدان يبقى انت الوحيد اللى وطنى وغيور على بلدك ومستقبلها منطق فى منتهى الغرابه
والأغرب لما بيتكلم بينسب كل حاجه لنفسه زى مايكون هو هركليز اللى عمل الثوره لوحده بجد ربنا يهدى الجميع وياريت يبقى فى احترام اكثر من كدا شويه لسببين
اولا انك من تعرفش اللى قدامك عشان تتكلم معاه بأسلوب زى دا
ثانيا انو ممكن قوى يكون اكبر من فى السن
وبردو تعرفو ان ممكن الشخص اللى انتم اتكلمتم فى حقه دا ممكن يكون كان بيعمل حاجات افضل مليون مره من اللى انتم بتعملوها على سبيل المثال كان بيحرصلك اهلك وحضرتك فى الميدان على الأقل انت لو مت هيقولو عليك شهيد الثوره لكن هو لو مات هيقولو عليه دا كانت خناقه او كانت جريمه قتل بغرض السرقه مع انه كان بيحمى عرضك واهلك فى البيت
ياريت يبقى فى احترام لأراء الأخرين ونتكلم بأسلوب مهذب اكثر من كدا
وانا بوجه كلامى دا لكل واحد شايف نفسه انه سابقه عصره وان محدش فاهم ولا هيفهم ويعرف فى اموره وامور بلده سياسيا واقتصاديا زى ما يكون هو الوحيد المتعلم المثقف المتنور كل واحد يراجع نفسه فى كلامه قبل ما يوجهه لغيره ويكون فى أطار الأحترام المتبادل مش السخريه والتهكم بالأساليب المستتره فى صورة الأحترام والغريب والأغرب خلط بعض الأمور ببعض والرد دون فهم المغزى من الكلام وما بين السطور
واحترامى للجميع
تنزل العناوين في الجرايد : المجلس العسكري في حوار مع شباب الثورة و يفتح صدره و نقاش و عنوانين من النوعية دي
الناس تروح تلاقيه محاضرة تمجيد للمجلس العسكري و "حوار" من طرف واحد
عايزين مصدقية اكتر مش مجرد فرقعات اعلامية لاثبات غير الحقيقة
الاخوة اللي بتقول ميين دي و بتتكلم بلسان ميين احب اقولهم ان صاحب الدعوة هو المجلس الغسكري و الشباب لم تفرض نفسها و المجلس لم يحدد معايير لانتماء او شكل او نوعية الشباب و بالتالي كان اي واحد فيكم ممكن يروح طالما عنده اهتمام و افكار تفيد البلد في المرحلة دي
و لذلك البنت مشكورة علي اهتمامها بشئون مجتمعها و بلدها و خروجها من قوقعة الانانية و التغييب الي المشاركة الفعالة و الايجابية
لان الحمل لا يمكن ان يتحمله المجلس العسكري وحده و هو غير قادر علي ذلك و يظل مصرا بدون سبب واضح علي تهميش الكفائات و المتخصصين من ابناء البلد
ورئيس الوزراء بمستشاريه بحكومته راح فين يعني مش دول الحكومة ألي بتدير البلد بجانب المجلس العسكري
قالوها زمان حكمة المركب ألي ليها ريسين يحصلها أيه؟
تغرقققققققققققققق
الموضوع حله بمنتهى السهولة
3 شهور تقريبا على الأنتخابات لما يجي مجلس منتخب يبقى ينفذ المطالب ألي الناس أنتخبته علشانها
فعلا مهزلة
أنا ماكنتش شوفت الفيديو
بس دلوقتي أقدر أقول نصيحة لوجه الله شوفو حد كبير يتكلم بالنيابة عنكم لأن شكلكو وحش قوي وهايلعبو بيكم للصبح
يالله خيرها في غيرها يابنات:grin54: ولو أن ألي في الفيديو مش عارف تبع مين من البشر......!
الحكاية من جانب اخر:
تقرير ائتلاف شباب مصر الاسلامى فى اجتماع المجلس العسكرى
http://www7.0zz0.com/2011/06/02/12/584039580.jpg
بسم الله الرحمن الرحيم
هذا ما عشناه فى اجتماع المجلس الاعلى للقوات المسلحة
فى البداية ترددت وأن أكتب هذا التقرير هل أجعله مختصراً يحتوى على خلاصة الاجتماع دون تعليق أو تفصيل أم أشرككم معنا فى تفاصيله؟ استقر رأييى على..وبما أننا وحدة واحدة(ائتلاف)أن تقرأ هذا التقرير وكأنك كنت معنا تحركنا من الثغر السكندرى فى تمام الرابعة من عصر الاربعاء..وكان الركب مكون من :د/أحمد خليل خير الله مستشار الادارة والتخطيط لإئتلاف شباب مصر الاسلامى ؛م/محمدسامى المنسق العام ‘ا/حمدى دياب عضو الائتلاف ،ومحدثكم صبرى رجب مدير الائتلاف والمتحدث الاعلامى..وصلنا إلى مقر مسرح الجلاء بعد دخول المدعوين بوقت يسير وكان ا/شادى طاهر ومعه ا/شادى الشاطبى عضوا الائتلاف قد دخلا الى مقر الاحتفال وعند وصولنا وجدنا حفنة من الناس يقفون أمام مسرح الجلاء يهتفون بهتافات معادية للمجلس العسكرى ويطالبون باقالة المشير طنطاوى مع بعض البذاءات الكلامية صدرت من جزء منهم واخرون يحدثون المارة والسيارات بعبارات مثل(المجلس العسكرى عامل مسرحية جوا وبيعتقلوا الشباب)..و(المعتقلين بيتعذبوا داخل سجون الجيش100000معتقل وانتو ساكتين)وغيرها من العبارات..وصادف هذا زمجرة من بعض المارة واستياء من هذه الطريقة كقول البعض (هى كل حاجة وحشة تحصل فى البلد يبقى المجلس العسكرى شريك فيها انتو عاوزين ايه بالظبط) وفى داخل القاعة كانت صورة مغايرة فقد استقبل المجلس الوفود بكثير من الترحاب وأقام بوفيه تكريما للحاضرين ..قام كل من يدخل الى القاعة بتسليم هاتفه المحمول وبدأ أحد اللوءات فى الحديث عن دور الجيش وأهميته فى حفظ البلاد ليس فى وقت الثورة فقط بل قبل ذلك بكثير تديات مصر بعد الثورة وعدد بعض الانجازات قبل وأثناء الثورة فقطع أحد الشباب الكلام وقال (انتو هتذلونا وهتمنوا علينا) فقال له اللواء من فضلك اسكت..لا تقاطعنى ..والشاب مستمر فى حديثه فقال له اللواء فى لهجة عسكرية صارمة اسكت فسكت وضجت القاعة بالتصفيق.. وفى هذه الاثناء قدمت ورقة اللحاضرين لكتابة بعض الطلبات للمجلس فكان من عجيب ما قرأت العين (وحق لك ان تضحك مقدما)نطالب بتنحية الاسلاميين والسلفيين من العمل السياسى ...ثم انتقلت دفة الحديث للكلام عن الدستور ومحاولات الالتفاف عليه وأنه لايجوز قهر ارادة الشعب فى الاستفتاء ثم تكلم المجلس عن الانتخابات البرلمانية وأنها لم ولن تتأخر عن موعدها (ستة أشهر من بداية الاعلان الدستورى) وتم فى أثناء ذلك نقاطعات كثيرة منها مقطاعات بأسلوب جيد واخرى باسلوب دون المستوى الحوارى وكان من جملة الاعترضات من بعض الشباب أن هذا ليس حوارا انما هو عرض لكلام المجلس العسكرى .وقد استبان لكثير من الحاضرين سر غضب البعض من اللقاء بسبب أن الكلام لو يوافق فكرهم وتوجهاتهم من صياغة دستور جديد وتأجيل الانتخابات البرلمانية،ثم انتقل الحديث على نقطة أخرى تثير مخاوف الجميع وهى عودة جهاز أمن الدولة وتساءلنا بدورنا تعليقا على كلام المجلس (أنه تم تغييراسم جهاز مباحث أمن الدولة الى جهاز الامن الوطنى)هل تغيير الاسم فقط يكفى ؟..وضربنا مثلا بالذئب هل اذا علقنا على رقبته لافتة هذا عصفور سيصبح بقدرة قادر عصفور أم أن صفات المكر والخديعة والافتراس والافساد ستظل لازمة له؟وقال المجلس : بأننا ننعلم قدر الفساد الذى قام به الجهاز سالف الذكر وتم تغيير القيادات والية العمل لهذا الجهاز وأنه سيكون هناك رقابة شعبية على الجهازوأعرب الاائتلاف عن دعمه الكبير للمجلس الاعلى فى القضايا التى ينتصر فيها للحق وينحاز لارادة الشعب والحفاظ على هوية الامة ......هذا ومن عجيب القدر اننا التقينا ببعض الائتلافات ذات التوجه الاسلامى على غير موعد فكانت مطالبنا مشتركة بأرضية مطالبهم كم تمت لقاءات مصورة (سيتم رفعها لاحقا)مع أحد شباب 6ابريل ،ائتلاف شباب المعادى،ومع بعض المارة وحزب الاصلاح والنهضة،وائتلاف دعم الثورة....ثم أنهى المجلس كلمته محذرا من الوقيعة بين ابناء الوطن وبين الجيش والشعب ودعا الحضور الى تناول بعض الاطعمة من البوفيه وقد لفت النظر قيام البعض بتصوير السلبيات فقط بل والحرص على ذلك من ازدحام وتدافع البعض وعند استلام الهواتف المحمولة كان هناك ارتباك كبير لا ننكر ذلك وقد لفت النظر كذلك قيام بعض وسائل الاعلام بالتركيز على التسجيل مع معارضى الاجتماع وقرارته الذين تظاهرو خارج المسرح...انتهى اللقاء .........قد يكون دون نتيجة مرضية لجميع الاطراف ولكنه كان رسالة طمئنة لكثيرين..ونظنه بداية مبشرة كأول لقاء مفتوح مع الشباب مع المجلس العسكرى.
نقل لكم الحدث
نبضكم اخوانكم بائتلاف شباب مصر الاسلامى
و اذا كان هذا الرد ايضا لنا هنا في المنتدي فها هو ردي
حينما يدخل المسلم للحرب و يموت فيها يقول الناس عنه كان ( كذا و كذا ) كان لا يقارن في مهارته و كان فارس و كان مغوار و كان لا يخاف الاعداء و حين يموت هذا الفارس تكون نهايته ( اما الجنة او النار ) لا يعلمها الا الله
و كلنا نسمع عن الفارس الهمام الذي كان لا يقهر و يضرب في الاعداء و حين مات لم يرضي ان يصلي النبي عليه ( مع انه في نظر الناس الذين شاهدوه من اعتي الفرسان و اكيد هو شهيد ) فأعلمه الله بعلمه ان صاحبهم في النار فأخبرهم النبي صلي الله عليه و سلم
بأنه لم يفعل ما شاهدوه الا ليقال عنه انه فارس همام و انه لا يخاف الموت و انه كذا و كذا ( و لان الله حق و هو العادل فأعطاه ما تمناه و هو انهم فعلا قالو عليه ما تمناه و لكن لن يأخذ ما و عد الله به المتقين المجاهدين )
و بصراحة لا يشغلني كثيرا ما قالوه عنها في الفيس و لا ما فعلته في الميدان فمن فعل في الميدان فعل لنفسه فقط ( اي ثائر قد ثار ثار لنفسه فقط و لاهله فقط لم اطلب من احد ان يثور لي ) فبفضل من الله كنت دائما ثائرا في العهد السابق لم اطلب من احد ان يثور لي كي يدينني الان من ثار مرة اخري اقولها فقد ثار لنفسه و ها هو يجني ثمار ثورته و بأذن الله ربنا يكرمه و يتمها له علي خير و تعود لنا مصرنا الحبيبة اقوي الف مرة من السابق بسواعد شبابها
اما ان تأتي الثائرة و تخطب فينا و تعدد في اشياء يرفضها العقل و تتهجم علي المجلس العسكري لاغراض في الدماغ لا احد يعلمها فهنا نقول لها هدوء شوية ارحمي نفسك و ارحمينا انتي كي تتخرجي من كليتك درستي سنين و سنين و اخيرا تخرجتي الست الدكتورة مفيش حاجة بتيجي بسرعة الا لما بتروح بسرعة
و شكرا
م.حاتم السباعي
متهيألي لو الاخوان مكنوش لابسين بدل مكنتش زعلت اوي كدة
انا مش عارف احنا ليه بنهرب من الحقيقة وهى فعلا ان القوات المسلحة جعلها الله سبب لعدم خراب هذه الدولة والقوات المسلحة دايما بتحاول ارضاء الشعب ومهما كانت انها متعاطفة مع مبارك لكن مش ننسى انها كان ممكن تقف مع مبارك ضدنا واللى بيشتموا فيها دلوقتى واللى بيتجرؤا عليها كان زمانهم ميتين من الرعب الان خشية الموت ومش معنى انهم بيقولوا انهم حموا الثورة يبقى قصدهم انهم بيذلونا زى ما قال الشاب عديم الحوار فى لقاء المجلس العسكرى مثله مثل شباب كتير لم يعد لديهم احترام للكبير ومعظمهم يظن انهم اصحاب الثورة ولكنها ثورة الشعب كله وبعدين بالمنطق كده ايه سبب تحيز القوات المسلحة للاخوان زى ما قالت البنت السطحية التفكير فى الفيديو , طبعا لا يوجد اى تحيز وهم مع كل فئات الشعب ويجب علينا ان نتصدى لاى محاولة استياء للقوات المسلحة او اى وقيعة بيننا وبينهم ولكن التصدى ليس بالعنف ولكن بالحكمة وافهام الشباب المتهور المنساقين خلف اراء اخرى لديهم مصالح شخصية لانى اخشى من كتر الضغوط التى تمارس على حماة هذا الوطن وانا ولله شاب ليس لى علاقة من قريب او بعيد بالقوات المسلحة ولكنى ادافع عنهم حرصا علينا جميعا ولكن ليس منهم انما من المتربصين لضياع مصر
الموضوع اكبر من الحكومة كسلطة تنفيذية و اللي بتاكيد حنختلف علي ادائها فمثلا قانون ممارسة السياسة لم يتم مشاورة اي حزب في بنوده . فاذا كان الاحزاب محدش اهتم لها عند اصدار القانون اذا المجلس حيهتم بامر ميين في موضوع زي ده
كذلك قانون دور العبادة من اين اتي هذا القانون؟ - من ادراج مبارك و اعوانه و بهئيته و لم يتم مناقشته لا مع طوائف و لا مع متخصصين
بالتأكيد حترد عليا تقول المرحلة حساسة و مفيش وقت , ليه مفيش وقت قانون دور العبادة غير مُلح في المرحلة الحالية لان الكنيسة اللي بيجري لها حاجة بيطلع مطرحها تلات كنايس و المسلمين لا شكوي عندهم غير المشكلة الواضحة لمسجد النور و دي فيها حكم محكمة مازلت الحكومة تماطل في تنفيذه
اذا اسلوب التلقين و الترميم و التمرير غير مناسب للمرحلة و حيسبب اعباء و مشاكل في الفترة المستقبلية
و هناك الكثير من الافكار الجيدة في قطع الاتصالات مثلا كمد الكابلات في قناة السويس او انشاء شبكة الوايرلس و قد تبرعت بها احدي كبري الشركات العالمية علي ان تتحمل تكاليفها و اكيد حتستفيد منها في المستقبل لكن تم رفض الفكرة من الحكومة القديمة لانها ستنافس المصرية للاتصالات و تلغي احتكارها و هي الدجاجة التي تبيض ذهبا للحكومة
و بالتأكيد هناك الكثير من الافكار في كل القطاعات و الكمال لله وحده و المجلس العسكري ليس ملم بكل النواحي و التخصصات
و محدش طلب ان المركب يكون لها اكثر من رئيس .. لكن تُعرض الامور علي المتخصصين .. اسبوع دراسة و تترفع توصيات يتنفذ بعضها .. يتأجل البعض .. يترفض البعض الاخر .. نوصل لصورة نهائية الكل شارك فيها و نشوف مشكلة او قطاع او جزئية جديدة
و كفاية التجاهل المُهين للاطباء و هم اعرف الناس بحالة القطاع الصحي في مصر و كل مطالبهم مشروعة و لم يتم تنفيذ و لو طلب واحد من طلباتهم
و اعتقد انك متفائل بزيادة بحكاية الانتخابات دي .. اعتقدي الشخصي انها حتطول حبتين تلاتة و يمكن اربعة
و اذا كان ده رايك ان المجلس التشريعي القادم حيحل كل حاجة .. اذا ليتوقف المجلس العسكري عن اصدارات القرارات و القوانين و كفاية يركز في الانتخابات و مشكلة الامن المستعصية فقط و تبقي مرحلة تسيير اعمال بحق و حقيقي و ليس كما اعلن المجلس انه مطلق السلطات بموجب الاستفتاء الذي اعطاه الشعب فيه 77%
من حق كل واحد يقول رأيه ومن حق الاخر ان يستمع اليه ويناقشه للوصول الى نتيجه مرضيه
والافضل اننا بلاش نجرح فى بعض ونبص لعيوب بعض وننسى عيوب انفسنا "" كلنا عيوب مافيش حد بدون عيوب ""
زى مافى الدكتور قالت وجه نظرها ونتحرمها وناقشها ونسألها عن سبب انسحابها وزى ما عر إئتلاف مصر الاسلامى بتقرير مفصل وبرضه ممكن حد يعترض عليه وبرضه نناقشه بهدوء وموضوعيه للوصو حل لافضل النتائج لصالح مش ها اقول البلد دى بس لا وكمان صالح ولادنااااااااااااااا
ده رأي مدرس مساعد في كلية الهندسة - جامعة عين شمس في لقاء الشباب مع المجلس العسكري.
وهو صديق شخصي لي وأعرفه منذ سنين طويلة.
اقتباس:
جلسة الحوار بتاعة المجلس العسكري غير منظم بالمرة - عدد الحضور أكبر من القاعات - ممنوع التصوير - ممنوع الموبيلات - ممنوع الحديث - البرنامج من الساعة 8 إلى الساعة 9:30 الحديث عن المجهودات المتواصلة التي يقوم بها المجلس وضد التشكيك ومضربناش نار و و و و وبعدين نص ساعة كدة اجابات على الأسئلة المعروفة "المعلبة"وبعدين بححح خلاص دا اللي عاوز يعرف اللي حصل النهاردة -- على فكرة المفروض احنا كنا رايحين نتكلم لاقينا نفسنا رايحين نسمع محاضرة تاريخ
كان فيه ناس كتبت على بنت أتقتلت فى ميدان التحرير من بلطجيه فى جمعة الغضب وأقسموا أنها أتقتلت قدامهم وبعد كده طلع أنها وقعت من البلكونه فى سوهاج
وفيه ناس معروف أن مش بيعجبهم العجب زى اللى بيروح فرح مهما كان فخامته والمصاريف اللى أتصرفت عليه ويخرج يقول أصل الجاتوه كان وحش
بس هستعير مقولة أحد الحاضرين للجيش هو أنتوا هتزلونا
هو برضه كل واحد نزل ميدان التحرير هيزل البلد علشان نزل