الموضوع: يا جماعة عايزين حل للمطب الغبي اللي في طريق السويس

هوا دا المطب يا جماعة ولا ايه
YouTube - ‫ظ…ط·ط¨ ط¹ظ„ظ‰ ط·ط±ظٹظ‚ ط§ظ„ط³ظˆظٹط³ ط§ظ„ط³ط±ظٹط¹‬‎

لا حول ولا قوة الا بالله والحمد لله انكوا عدتوه بسلام.

مكان سكنى 5 دقائق من مكان المطب وانا معاكوا انه فى اول 3-4 ايام المطب اتعمل ومكنش فيه علامات تحذيرية فيه 3 عربيات اتدمروا بسببه ولكن من حوالى اسبوعين ويمكن اكتر فيه علامات تحذيرية كفاية.

-هدئ السرعة وديه على الكوبرى بعد علامة السرعة المقررة وهى 60كم/ساعة لانها منطقة سكنية وده مش طريق سريع الطريق السريع هو طريق السويس اللى فى الاتجاه التانى بعد مطلع الدائرى.

-فيه علامة تحذير من مطب على يمينك برده وانت نازل من الكوبرى.

-فيه علامة مضيئة على يمينك مكان الناس ما بتقف تركب ميكروباص او تاكسى على الرصيف.

المطب مش معمول لظباط تعدى بس ومتنسوش الناس ساكنى شارع الشروق ومساكن الامل والسعودية ومساكن الظباط اللى بتعدى وكوبرى مشاه وحتى لو اتعمل مش هتلاقى ناس كتير بتستخدمه لاننا عندنا كبارى مشاه كتير ومن اشهرها كوبرى جامعة عين شمس وكوبرى شارع الازهر ورمسيس وبرده الناس بتعدى من تحته او بينطوا السور بدل ما يطلعوا الكوبرى.

طبعا مش ذنبنا قائدى السيارات ان الناس مش خايفة على نفسها ولكن مش ذنب الناس ان طريق سرعته 60 الناس تستخدمه طريق سباق.

ببساطة يا جماعة زى ما احنا عاوزين نجرى بس نخلى بالنا من الناس اللى من حقها تعدى الشارع والاشارات التحذيرية اللى على الطرق.

وفرضا قيل ان مكان المطب ده هيتحط رادار ثابت على سرعة 60 هيبقى مكانه غبى برده ولا كلنا هنهدى غصب عننا خوفا من المخالفة.

ربنا يسترها علينا جميعا وعلى الجميع.

وبالمناسبة اللى حابب يتسابق على الطريق تقريبا كل يوم خميس فيه سباق من 20-30 عربية على طريق السويس من عند محطة وطنية لليوترن اللى بعد الدائرى وبعدين لحد تحت الكوبرى وهكذا من الساعة 2.30 تقريبا لحد 5 الصبح.بس لو حد هيروح يخلى باله من العربية الجولف الحمرا المقلوبة قبل مصانع صقر.