11111111111111+
عرض للطباعة
المرسيدس احسنهم طبعا وكفايه انك راكب عربيه أسد.وفعلا انا مقتنعتش بموضوع أسد ده الا لما ركبت المانى.
يا سيدى على عينى وراسى لما تكون عربية فابريكة فى الكامل بيكون ليها سعر تانى بس مش لدرجة 50 الف دا لو اشترى واحدة تعبانة وصاجها سليم ب 20 ولا 25 الف وشدها من الالف للياء بالكامل بقطع غيار اصلى عمرها برضه ما تصرف ال 20 الف الفرق ده يعنى لو العربية زيرو فعلا اعتقد كويس عليها 40 اما لو هيدفع 55 يبقى يكملهم 70 ويجيب زلموكة سليمة
اخالفك الرأي اللجانزا لو نظيفة تكسح احسن عربية نوبيرا
كسرعة وكثبات و كقوة تحمل وكاعتمادية وكعفشة واستهلاك البنزين واحد
الليجانزا بدون فخر هي مرسيدس الدايو ويمكن مرسيدس الكوري كلة
ولكن العربية دي اللي يبيعها لايمكن ابدا يبيع الا لما يكون فيها عيب وعيب كبير كمان
لأنة مش هيلاقي زيها
السلام عليكم و رحمة الله و بركاته
كلامك سليم فعلا, بس فى حالة, ما اذا لقيت اللى معاه المرسيدس المعدلة مو 1984 مثلا 200 مش 230 و حالتها زى ما أنت بتقول و صاحبها مش عاوز يشدها لأنه مثلا مش فاضى و لا مكسلو بيرميها ب20000-25000 جنيه, للأسف, القصة مابتمشيش كده, اللى بيكون معاه عربية من دى و داوخلها شركة و العربية متبهدلة من كل حاااااااااااااجة, بيبيعهالك ب(سعر السوق - المصاريف اللى أنت هتصرفها), بمعنى, أننا لو افترضنا مثلا أن المرسيدس (المعدلة مو 1984 - 200) دى لو نظيفة و جاهزة عالركوب هتعمل 60000 جنيه, يبقى لو متبهدلة و هتصرف 20000 جنيه زى مابتقول, مش هتلاقى صاحبها بيبيع ب 20000 و لا 25000 زى ما أنت فاكر, هتلاقيه, ماسك فى 40000 جنيه و لا يمكن 45000 جنيه كمان, ماهى عربيته بأه و القرد بيبقى فى عين أمه غزال, لأن صاحبها ده لو كان بلغ بيه السذاجة أنه يعرضها ب20000 جنيه و لا ب25000 جنيه, هيلاقى اللى ياخدها منه أول مايقول 25000 و قبل ما لسانه ينطق كلمة (جنيه) :16::16:.
الكلام اللى سيادتك بتقول عليه, بيحصل فعلا, بس مش فى مصر, فى الدول الأوروبية الراقية و المتقدمة, اللى بتلاقى فيها ساعة شغل السمكرى و لا البوهيجى بتعمل 60-70 دولار مثلا و بالتالى العربية السلييييييييييييييييمة من كله, اللى البوهيه بتاعتها يا دوووووووووب جربانة شوية و هنا فى مصر ممكن تلمها ب 1000-1500 جنيه, العربية تمنها بينزل النص فعلا.
ده فيه واحد عارض عربية 230 مش 200 على Car100100 مو 1983 و العربية شكلها حلو و متسمكرة حلو, و طالب فيها 60000 جنيه :untitled 1: و هى 230 مش 200, دايما الحاجة اللى أنت بتفكر فيها, فيه آلااااااااااااااف غيرك بيفكروا فيه و الزمن ده مافيهوش حد أهبل و لا ساذج.
انا معجب اوى بالدايو ليجانزا بس مجربتهاش وانا دلوقتى راكب مرسيدس زلمكة بس تعبت من مشاكلها ومصاريفها
وكل ما اسال حد عن اليجانزا يقولى بلاش من غير مايكون عنده اسباب مقنعة
انا بتوسل الى حريفة الدايو
يقولولى بصراحة ايه رايهم فيها من حيث عيوبها ومشاكلها
وبعد اذنكم انا دلوقتى معروض عليا ليجانز 2001 فابريقة جوة وكاملة مانويل والغريب انى فيها فتحة سقف وجنوطها 17
دى تسوى كام فى سوق انهارده
انا اسف طولت عليكم بس بجد الموضوع تاعبنى
معنديش فكرة عن السعر بصراحة بس اتاكد من حالة العربية و الاحسن تكشف عليها في اي مركز عشان لو فيها حاجة يقولولك .. و الليجانزا عربية محترمة جدا
شكرا على الاهتمام
امال فين دكاترة الدايو يارجالة