عاوز اشترى بوتاجاز 6 شعلة 60 * 90سم أجيب أية؟

**ahmedsmg** · 02-06-2011 07:41 AM

[justify]عاوز أشترى بوتاجاز 6 شعلة ومش عارف أحسن نوع فيه ناس بتقول كريازى الشكل القديم وفيه يقترح يونين تك ويقول ده فول أوبشن وهناك انواع أخرى .... ياترى أحسن يكون فيه أمكانية الشوى وباب الفرن مغلق ولا لأ ..... اللى جاب بوتاجازات فى السنتين اللى فاتوا أخباركوا أية قولولى أجيب أية لو سمحتوا[/justify]

**samoreception** · 02-06-2011 08:38 AM

فى نوع بوتجازاتايطالى اسمه جليم جاز بس جميل جداااا وبيعيش وتتوارثة الاجيال هههه بس هو غلى شوية يعنى ممكن يعمل 3 الاف جنية

**hazemhassan** · 02-06-2011 11:14 AM

كريازى الشكل القديم جميل جددداا وعن تجربة بس للاسف مافهوش مروحة فى الفرن ولا اشعال ذاتى للفرن
تقريبا اليونيون تيك فى كل دة

**تامر.محمد** · 02-06-2011 11:23 AM

انا عندي كريازي الشكل القديم 5 شعلة بقى له سنة
زي الفل بصراحة لحد دلوقت

**ahmedsmg** · 04-06-2011 11:13 AM

المشاركة الأصلية كتبت بواسطة hazemhassan

كريازى الشكل القديم جميل جددداا وعن تجربة بس للاسف مافهوش مروحة فى الفرن ولا اشعال ذاتى للفرن
تقريبا اليونيون تيك فى كل دة

المروحة فى الفرن وظيفتها أيه ؟

**samoreception** · 04-06-2011 11:34 AM

طيب يا جماعة انا فى ناس بتنصحنى ببوتجاز اسمه xper ايطالى هوه وسعره فى حدود 3500 جنيه مقاس 60*90 ايه رايكو فيه بصراحة

**أبو صلاح** · 06-06-2011 11:11 AM

المشاركة الأصلية كتبت بواسطة samoreception

طيب يا جماعة انا فى ناس بتنصحنى ببوتجاز اسمه xper ايطالى هوه وسعره فى حدود 3500 جنيه مقاس 60*90 ايه رايكو فيه بصراحة

خليك في الماركات المعروفة

والبوتوجاز ده سعره غالي جداااااااااا

**asbeats** · 06-06-2011 11:27 AM

بصراحة انا افضل انك تجيب البوتاجاز "بلت ان" لأن اغلب الناس مش بتستعمل الفرن اساسا ... وهات فرن كهرباء وايت ويل-توستر يعني- او فرن كهرباء بلت ان لو الفرن ضروري .....

البلت ان شكله اشيك بمراحل وممكن تلاقيه ارخص كمان .....

الجليم جاز ممتاز ايطالي بالكامل .... بس اعتقد انه اغلى من 5000 جنيه وفعلا قطع غياره نادره ومن التوكيل بس

**ahmedsmg** · 06-06-2011 04:06 PM

اشكركم على معروفكم وتفضلكم على بابداء ارائكم الغالية .....معلش سؤال كمان لو سمحتوا ..... الناس اللى عندها بوتاجاز "يونيون تك" 60*90 سم أخباره أيه معاهم ؟.... و هل حقيقى أنه نزل بوتاجاز كريازى الشكل القديم يمكن تشغيل الشواية وباب الفرن مغلق بدلا من الصفيحة المعدنية التى توضع على باب الفرن المفتوح عند الشوى لمحاولة حماية المفاتيح من الاحتراق ؟