صباح الفل:(

**azmeralda** · 02-06-2011 10:32 AM

النهاردة العمال المؤقتين كلهم قفلواالطريق من عند ال مستشفى بطوب ووقفوا كحائطى بشرى

ومنعوا كل العربيات تعدى وطبعا بتوع الميكروباصات مسكوا فيهم

المهم طلعت فى الأسانسير عطل وبقالى 45 دقيقة مع 2 دكاترة

ندور على اى حد ينقذنا البهوات بره فى الأعتصام عشان عايزين يتثبتوا
اتصلت بالموبايل بناس كتير بعتوا لهم عمال بره عشان يجوا قالوا لهم باللفظ(اياكش يقع بيهم)
ورفضوا يجوا

دى ناس تستاهل تتثبت
كان ممكن يكون فى الأساانسير حالة راحة العمليات ولا العناية ولا محتاجة انقاذ حياتها ولا مرافقة
معرفتش تتصرف

المهم ان اللى اتصلت بيهم اتصرفوا وال 45 دق دول كمان عشان احنا دكاترة!
وفى حكيمة راحت اتخانقت وقالت لهم ان احنا بنتخنق جوه

فى واحد وحيد عثروا عليه مكانش فى الأعتصام بره جه فتح لنا

بعد ما اسوأ الأفكار انه هيقع بينا والحاجات دى والدكتور يقول لزميله فاكر فيلم الرعب لما ...
وممكن الباب يفتح نص فتحة ونخرج بنص جسمنا !! وانا افتكرت لوحدى فيلم كانوا بيعدوا فيه كده
والأسانسير قسمهم نصين وقلت لو فتح كده لا يمكن اعدى خلينى بقى طول اليوم والحمد لله انى كنت قايلة دعاء الركوب