عرض للطباعة
انا عندى عربية 124 سبور يا جماعة معدلها تعديل تحفة والله ما حد يعرف انها 124 سبور ابدا المهم انا كنت شاريها بمكنة 131 1600 بس المكنة بدأ يبقى فيها مشاكل سخونة وكده فانا قولت اغيرها عشان محدش عارف يعالج السخونى دى خالص ده غير ان هى فى السحب مش قد كده وانا بصراحه مستخسر بعد الشغل ده كلو تبقى المكنة وحشة فارجو تنصحونى بافضل مكنة للعربية خصوصا ان انا بحب الجرى والسحب وكده واسف للاطالة.
ارجنتا 2000 سي سي الموتور دة هياكل العربية
هاتلك ماتور اتنين كامه 1600
بس مشكله السخونيه دي ليها حلول
يعني ممكن الرادياتير يكون مسدود او طرمبه الميه ضعيفه او دوره الميه فيها هوا
الاسبراتير وحش و مش ظابط الكهربا
التاكيهات مقفول عليها بزياده
الكربراتير مش مظبوط
الشكمان مخروم
طقم الدبرياج وحش
فيه كذا سبب ممكن يكونو مأثرين ع الماتور
جرب الاول قبل ما تشتري ماتور جديد و تلاقي نفس المشكله و يبقى كدا كدا هتكلفها تصليح
شكرا على اهتمامك يا كبير بس الماتور ده قطع غيارو موجوده عادى وهل اى حد ممكن يشتغل فيه واخبار سعره ايه لو عندك خلفيةاقتباس:
المشاركة الأصلية كتبت بواسطة mrastra
اولا شكرا على اهتمامك يا غالى والله فى حاجات من دى انا معملتهاش عشان انا مش مقتنع بسحب المكنة وانا لما اشتريت العربية كانت لسه معمرة وحاسس انها اتعمرت اى كلام عشان تتباع وخلاص عشان كده مش عايز اصرف كتير وفى الاخر اغير برضواقتباس:
المشاركة الأصلية كتبت بواسطة saadelden
وبالنسبة للماتور ال 2 كامة قصدك على بتاع ال 132 ولا فى 131 2 كامة وهل ده ممكن يركب على الفتيس اللى عندى خصوصا ان اللى عندى فتي محترم واسف على الاطالة بس اعمل ايه ماليش غيركو.
اعرف واح مسقط فيها لانشيا ديدرا 2000 سي سي جامده جدااااااا
متشكر جدا يا اخى على مشاركتك ومساعدتك الغاليةاقتباس:
المشاركة الأصلية كتبت بواسطة mohssenrashed
اولا موتور ال131 ممتاز ومفيهوش مشاكل سخونية كدا عندك عيب لازم تعالجه فى حاجة من اللى الاخوة ذكروها وغالا بيكون الرادتير
اما الموتور ال 2 كامة هوا فى الاصل العربية دى بتنزل بموتور زى بتاع ال 132 1600 2 كامة او 1800 او 2000 بس اللى هتلاقيه متوفر ال 1600 2 كامة بتاع ال 131 مش 132 وهيديك اداء كويس عندك برضه موتور الشاهين والتمبرا كاربراتير وانجيكشن 1400 و 1600 يركب عندك عادى عموما لو الموتور ده بيديك اداء كويس وعايز تظبطه يبقى عمرة عند واحد محترم اما لو عايز تزود قوة العربية خلاص عندك مواتير كتير قوى قوى تنزل عندك
اخى الكريم الـ 124 اساسا بتنزل بمحرك اللى موجود فى الـ لادا مش 132 2 كامةاقتباس:
المشاركة الأصلية كتبت بواسطة keko
لان الـ لادا اتبنت اساسا على الـ 124 هى هى كل حاجة فولةواتقسمت نصين
دة حتى فى عربيات اسمها 124 لادا
وموتور لادا معروف انة تعبان وعلى فكرة هو واحد كامة بس
وبعدين فعلا فى مواتير كتير تركب عندة بس فى مشكلتين
اولا مشكلة المرور لازم يجيب حاجة فيات
اتنين لو اقترحنا علية يجيب حاجة انجكشن هنقابل مشاكل لا حصر لها زى مجموعة التغذية انة لازم يغير طلمبة بنزين ومانيفول ودايرة الكهرباء واخيرا الكنترول يونت ودة سعرة غالى
فالاضمن والاسلك انة اولا يجيب موتور فيات دة واحد
اتنين يجيب حاجة شيل الحمام حط الحمام شغلة سعتين عند الميكانيكى ويتكل على الله
انا بعينى اول امبارح شوفت 124 فى عين شمس مسقطلها موتور ارجنتا 2000 سي سي الواد دة فى زفة كان واكل العربيات الزيرو اللى كانو معانا وعامل شغل جامد اوى ومديها لون اصفر ميتالك وكراسي ريكارو وشغل من اللى انت عارفة عشان كدة نصحتة بية يعنى حاجة متجربة ما يكنش هوة اول زبون والموتور دة قطع غيارة موجودة وشغال عادى ما متش يعنى
شكرا
معاك وكل كلامك صح 100% ما عدا كلمة سبور لان دى ال 124 سبور :اقتباس:
المشاركة الأصلية كتبت بواسطة mrastra
http://www.wheelsofitaly.com/wiki/im...C3%A9_1972.jpg
والعربية دى وجه التشابه الوحيد بينها وبين اللادا العفشة اما الموتور والات الجر هى اقرب لل 132