ايه اخبار الافيو

**Bassem Raafat** · 03-06-2011 02:21 PM

بإختصار يا باشا :

الأفيو المصرى ( مانيوال ) : ناس كتير إشتكت منها .
الأفيو المصرى ( أوتوماتيك ) : تقريباً محدش إشتكى منها .
الأفيو الكورى ( مانيوال ) : برضه ناس إشتكت منها بس الأكتر التقفل المصرى .
وأنا واحد من الناس مبحبش بصراحه التقفيل المصرى ، وبحب جداً العربيه الأكسنت بس فيها مشكلتين بالنسبالى ( الباور الكهرباء ، وعدم وجود مؤشر حراره ) .

**nadenono** · 04-06-2011 01:57 AM

الأكسنت خلاص بقت بتنزل بالباور الزيت و هو بالمناسبة حرير و ناعم و منتهى الدقة
أما لمبة الحرارة فهي بتدي إضاءة متدرجة من الأصفر الفاتح للأحمر الغامق حسب حرارة المحرك و بتعتبر نسبيا زي المؤشر
بس كفاية تكييفها الإسكيمو و عفشتها القوية اللي مابتخبطش و كمالياتها اللي بتقعد تعد فيها مابتخلصش

أنا لم أشرب مقلبا في حياتي مثل الذي شربته في الآفيو - و اللي غايظني اني اخترتها بعد ما ركبتها برة مصر (في أسبانيا) و قلت أكيد الصناعة المصرية بتاعة منصور مهما ساءت مش حاتأثر في أساسيات العربية
ولكنني كنت مغفلا و لا توجد أي نسبة تشابه بين السيارتين إلا في الصاج - فالمحرك و العفشة و الفرش الداخلي و الدهانات و التجهيزات الأساسية كلها لا تمت بصلة للإنتاج الأصلي الموجه للشعوب المحظوظة التي تملك موزعين و مصنعين محترمين

**mhmdalsaadany** · 04-06-2011 04:44 AM

انا رأي ياباشا تستنى شويه وتشوف السونيك نظامها هيكون ايه احتمال تنزل على اخر السنه لو حضرتك مش مستعجل اما لو مستعجل ابعد عن حيحا قصدي الافيو وشكراً

**M_Marwan** · 04-06-2011 12:25 PM

المشاركة الأصلية كتبت بواسطة mhmdalsaadany

انا رأي ياباشا تستنى شويه وتشوف السونيك نظامها هيكون ايه احتمال تنزل على اخر السنه لو حضرتك مش مستعجل اما لو مستعجل ابعد عن حيحا قصدي الافيو وشكراً

حلوه أوى أبعد عن حيحا ديه

**mahmoud_u3** · 04-06-2011 04:10 PM

هي اه السونيك دي عربية جديدة

**M.Yahia** · 05-06-2011 08:28 PM

انا شايف ان اغلب الناس ضد الافيو بس انا من تجربتى معاها و هى مع اخويا و اتعلمت عليها السواقة و عامل بيها لحد دلوقتى 23000 كم شايف انها احسن عربية فى السعر دا و على فكرة هى تقفيل مصرى مش كورى لكن ممتازة و الحمد لله بيعمل الصيانات و بس من اول ما جابها و مفيش اى حاجة او مشكلة حصلتله ..... و كعربية انا شايف انها متميزة فى انها عالية عن الارض و واسعه و بتوفر بنزين و الموتور كويس على العربية و لو حتحافظ على العربية و متهينهاش حتمشى معاك زى الفل .

**M_Marwan** · 05-06-2011 08:42 PM

المشاركة الأصلية كتبت بواسطة M.Yahia

انا شايف ان اغلب الناس ضد الافيو بس انا من تجربتى معاها و هى مع اخويا و اتعلمت عليها السواقة و عامل بيها لحد دلوقتى 23000 كم شايف انها احسن عربية فى السعر دا و على فكرة هى تقفيل مصرى مش كورى لكن ممتازة و الحمد لله بيعمل الصيانات و بس من اول ما جابها و مفيش اى حاجة او مشكلة حصلتله ..... و كعربية انا شايف انها متميزة فى انها عالية عن الارض و واسعه و بتوفر بنزين و الموتور كويس على العربية و لو حتحافظ على العربية و متهينهاش حتمشى معاك زى الفل .

بص حضرتك على الفيديو ده وأرجوك أرجوك متنصحش حد بالأفيو ديه

YouTube - ‪Aveo 2009, General Motors is getting down‬&rlm;

**nadenono** · 06-06-2011 03:57 AM

أخيرا أخيرا أخيرا لقيت حد عنده في الآفيو عيب ماظهرش عندي و موديلها هو موديلي الموديل المنكوب 2009 اللي كانوا رجالة منصور شاربين حاجة أصفرا و هما بيجمعوه
و الأخ صاحب الفيديو عليه و على جهاز حماية المستهلك بس يبقى يقابلني علشان منصور بقوا أساتذة في التملص مش الجهاز هو اللي بيطنش

**memo823000** · 06-06-2011 11:25 AM

المشاركة الأصلية كتبت بواسطة sammor_28

والله ياباشا انا معايا افيو 5 هاتش باك كوري

العربيه بصراحه جميله ومريحاني وهي كان فيها مشكله الطنابير لما جبتها والحمد لله غيرتها بطنابير ريمسا وبقت تمام

بس هي العفشه بتاعتها بس مش مريحه قوي يعني ناشفه شويه

انما بصراحه في الاعتماديه والتحمل انا شايف انا كويسه جدا

العربيه موديل 2009 وماشيه 59000 كم

عربيتك مانيوال ولا اوتوماتيك