الموضوع: فكرة لمعرفة مكان السيارة

http://www.nilemotors.net/Nile/186670-a-7.html

المشاركة الأصلية كتبت بواسطة gebreel

يا باشا انا مش عارف صاحبك ازاي عمل كدة لأن المفروض مثلا في فودافون علشان تحدد مكان الرقم لازم تعمل محضر و النيابة هي اللي تكلم فودافون بشكل رسمي علشان يبدأو التتبع ده

بس طبعا الفكرة تحفة

الكلام ده كان من 6 سنين مثلا
واعتقد هو كان بيشتغل في مكان مهم في الشركة مكانش خدمة عملاء
واكيد طبعا اللى هو عمله غير قانوني
لكن المهم ان الحل موجود والتقنيه موجودة

المشاركة الأصلية كتبت بواسطة ahmedcar

http://www.nilemotors.net/nile/186670-a-7.html

هو طبعا دي فكرة حلوة بس دي بتمنع سرقة العربية وبعدين دي عايزة مهندس الكترونيات عشان يعملها . لكن انا بفكر فيما بعد السرقة ( يمكن عشان الوضع اللى احنا فيه بقالنا شهر بندور على العربية في كل الشوارع ومش لاقينها ) .

المشاركة الأصلية كتبت بواسطة virus2007

انا فى دماغى نفس الفكرة دى وبفكر فيها بقالى كزا يوم

لان انا اشتريت جهاز انزار بيقولى حالة العربية وانا بعيد عنها مثلا مسافة 500 متر فقلت طيب لية ميتوصلش بالموبايل او الواحد يخبى موبايل فى العربية بحيث لقدر الله العربية اتسرقت الواحد يقدر يرجعنا عن طريق شبكة المحمول

طبعا الفكرة كويسة جدا ومش مكلفة نهائى بس فعلا الجزء الاصعب هو اجراءات القسم وشبكة المحمول لان فى الحالات السرعة مطلوبة جددددددددا قبل ميفككوا العربية نهائيا

تحياتى ليك واتمنى فعلا يكون فى اجراءات من الشرطة وشبكات المحمول سهلة ومتعاونة مع الشعب

اشكرك على ردك
عايز اقولك ان موضوع السرعة في تحديد مكانها فعلا مهم جدا جدا جدا .
واللى خلاني افكر في كده كمية العربيات الكيا اللى اتسرقت الفترة الماضية وبيقولوا ان معظمهم اتهربوا على غزة .
لو كان في سرعة في تحديد المكان ممكن مكنوش يلحقوا يخرجوا بره القاهرة من اصله
ياترى اصحاب العربيات دي هايعملوا ايه دلوقتي ؟؟؟؟
ربنا يعوض عليهم