JD Power Survey 2011 - احسن و اسوء سيارات اوروبا 2011
نتائج JD POWER SURVEY 2011 ودي اختبارات و احصائيات مبنية على استطلاعات و اختبارات اتعملت لملاك السيارة للحكم على مدى جودتها, اعتماديتها , توكيلها و ومشكاهلا و خلافه .. و في راي دي افضل بكثير جدا من اي اختبار لخبير سيارات لانه مهما كان بيختبر العربية في 3-4 ساعات و ملوش دعوة بيها تاني ,انما المالك هو الي العربية معاه فترة طويلة ... لو وجد مشاكل او عيوب فيها و بقت جماعية مش شخصية حتقلل من تقرير السيارة و بالتالي حتاثر ايجابيا في النتايج و ترجح كفة عربية عن عربية . كفاية رغي و نبدا ؟ اولا فئة السيارة السيتي الصغيرة . المركز الاول : TOYOTA AYGO http://cdn.images.whatcar.com/delive...1111104754.jpg للمرة الرابعة على التوالي , تويوتا تثبت ان سيارتها الصغيرة هي اكثر السيارات اعتمادية في هذه الفئة وان كانت شكلا اقل شوية من ال 500 و السمارت فورتو . المركز التاني : Fiat 500 كالعادة العربية الاوروبية الصغيرة الي مكتسحة العالم :) المركز الثالث : هيونداي i10 , علشان المشككين بس بتوع الاوروبي و الياباني و الهندي ... يعرفوا ان الكوري بقى بينافس بقوة من اصغر الفئات الي هي ارخصها كمان .
النتائج الكاملة :
http://www.whatcar.com/NonCar/2051111103253.jpg
-----------------
ثانيا, فئة السيارات السوبر ميني المركز الاول : HONDA JAZZ http://cdn.images.whatcar.com/delive...5111145911.jpg تفوق ياباني اخر في اكثر فئة محببة لاوروبا ! و دي مفاجأة كبيرة جدا . لكن للاسف التوكيل بتاعنا جايب السيتي بتاعة الدول النامية وسايب الجاز برة :( الوسع الداخلي - الشكل - الاعتمادية الميكانيكية رجحت كفة الجاز بفارق كبير جدا عن المنافسين. المركز الثاني : MINI COOPER حقها بصراحة تاخد اي حاجة :) المركز الثالث : SKODA FABIA بصراحة دي كانت مفاجئة ليا .. كنت متوقع الفيستا او البولو او حتى الايفو في المرك الثالث او الثاني .. لكن للاسف الفييستا اتدحرجت للمركز السادس بعد الياريس و البولو في المركز السابع ... والايفو نزلت لحد ال 16 !!! و ال i20 حتى قبلها .. واضح ان الناس مبتهرجش هناك :) النتائج الكاملة: http://www.whatcar.com/NonCar/Honda/20511114468.jpg ثالثا , فئة السيارات العائلية الصغيرة المركز الاول : SKODA OCTAVIA http://cdn.images.whatcar.com/delive...1111122418.jpg
المفاجاة ! مش عربية هاتشباك اخيرا ! سيدان ! او نوتشباك
اقل مشاكل ميكانيكية - اقل مشاكل عامة - احسن توكيل و معاملة للعملاء - احسن عملية ( اتساع داخلي و اماكن تخزين و الشنطة ) الشكاوي الوحيدة كانت من الاداء . المركز الثاني : HONDA CIVIC كالعادة يعني هوندا متفوقة على نفسها المركز الثالث : HYUNDAI I30 اوبــــــــــــــــا ! كوري ياجدعان ؟ اومال فين الجولف و الفوكس و الليون و ال308 و البرافو ؟؟؟ :) النتائج الكاملة : http://www.whatcar.com/NonCar/Skoda/23511112541.jpg ------------- احسن مصنع سيارات : Lexus احسن سيارة عامة : Lexus IS اسوء مصنع سيارات : Vauxhal/Opel اسوء سيارة : Ford Ka ترتيب المصنعين : http://www.whatcar.com/NonCar/26511114163.jpg لكزس, هوندا و جاجوار على القمة في مدى رضاء العميل شيفروليه - سوزوكي و فوكسهال (اوبل) في القاع . ملحوظة اخيرة : الفروقات ياجماعة مش جذرية يعني ايه ؟ يعني الفرق بين مستوى و مستوى و قمة وقاع 12% مثلا ! الفرق بين عربية واخدة المركز الاول و عربية في المركز الخامس او السادس ... 2-3% و دي نسبة مش كبيرة اعتقد . فيعني لو عربيتك حتى وصلت لمركز من المراكز المتاخرة حتى ده مش معناها انك تنتحر يعني ... لأ عادي خالص :)