JD Power Survey 2011

**CryptonX** · 02-06-2011 12:10 PM

نتائج JD POWER SURVEY 2011

ودي اختبارات و احصائيات مبنية على استطلاعات و اختبارات اتعملت لملاك السيارة للحكم على مدى جودتها, اعتماديتها , توكيلها و ومشكاهلا و خلافه ..

و في راي دي افضل بكثير جدا من اي اختبار لخبير سيارات لانه مهما كان بيختبر العربية في 3-4 ساعات و ملوش دعوة بيها تاني ,انما المالك هو الي العربية معاه فترة طويلة ... لو وجد مشاكل او عيوب فيها و بقت جماعية مش شخصية حتقلل من تقرير السيارة و بالتالي حتاثر ايجابيا في النتايج و ترجح كفة عربية عن عربية .

كفاية رغي و نبدا ؟

اولا فئة السيارة السيتي الصغيرة .

المركز الاول :
TOYOTA AYGO

للمرة الرابعة على التوالي , تويوتا تثبت ان سيارتها الصغيرة هي اكثر السيارات اعتمادية في هذه الفئة وان كانت شكلا اقل شوية من ال 500 و السمارت فورتو .

المركز التاني :
Fiat 500
كالعادة العربية الاوروبية الصغيرة الي مكتسحة العالم :)

المركز الثالث :
هيونداي i10
, علشان المشككين بس بتوع الاوروبي و الياباني و الهندي ... يعرفوا ان الكوري بقى بينافس بقوة من اصغر الفئات الي هي ارخصها كمان .

النتائج الكاملة :

-----------------

ثانيا, فئة السيارات السوبر ميني

المركز الاول :
HONDA JAZZ

تفوق ياباني اخر في اكثر فئة محببة لاوروبا ! و دي مفاجأة كبيرة جدا . لكن للاسف التوكيل بتاعنا جايب السيتي بتاعة الدول النامية وسايب الجاز برة :(
الوسع الداخلي - الشكل - الاعتمادية الميكانيكية رجحت كفة الجاز بفارق كبير جدا عن المنافسين.

المركز الثاني :
MINI COOPER
حقها بصراحة تاخد اي حاجة :)

المركز الثالث :
SKODA FABIA
بصراحة دي كانت مفاجئة ليا .. كنت متوقع الفيستا او البولو او حتى الايفو في المرك الثالث او الثاني ..

لكن للاسف الفييستا اتدحرجت للمركز السادس بعد الياريس و البولو في المركز السابع ... والايفو نزلت لحد ال 16 !!! و ال i20 حتى قبلها .. واضح ان الناس مبتهرجش هناك :)

النتائج الكاملة:

ثالثا , فئة السيارات العائلية الصغيرة

المركز الاول :
SKODA OCTAVIA

المفاجاة ! مش عربية هاتشباك اخيرا ! سيدان ! او نوتشباك

اقل مشاكل ميكانيكية - اقل مشاكل عامة - احسن توكيل و معاملة للعملاء - احسن عملية ( اتساع داخلي و اماكن تخزين و الشنطة )

الشكاوي الوحيدة كانت من الاداء .

المركز الثاني :
HONDA CIVIC
كالعادة يعني هوندا متفوقة على نفسها

المركز الثالث :
HYUNDAI I30
اوبــــــــــــــــا ! كوري ياجدعان ؟ اومال فين الجولف و الفوكس و الليون و ال308 و البرافو ؟؟؟ :)

النتائج الكاملة :

-------------
احسن مصنع سيارات : Lexus

احسن سيارة عامة : Lexus IS

اسوء مصنع سيارات : Vauxhal/Opel

اسوء سيارة : Ford Ka

ترتيب المصنعين :

لكزس, هوندا و جاجوار على القمة في مدى رضاء العميل
شيفروليه - سوزوكي و فوكسهال (اوبل) في القاع .

ملحوظة اخيرة :
الفروقات ياجماعة مش جذرية يعني ايه ؟
يعني الفرق بين مستوى و مستوى و قمة وقاع 12% مثلا !
الفرق بين عربية واخدة المركز الاول و عربية في المركز الخامس او السادس ... 2-3% و دي نسبة مش كبيرة اعتقد .

فيعني لو عربيتك حتى وصلت لمركز من المراكز المتاخرة حتى ده مش معناها انك تنتحر يعني ... لأ عادي خالص :)

**تامر.محمد** · 02-06-2011 03:32 PM

انا فيه حاجات مش مقتنع بيها
يعني مثلا الكواليتي بتاع الانتريرور للاوكتافيا و السيفيك و حتى الآي30 احسن من مرسيدس ؟؟؟؟؟

**CryptonX** · 02-06-2011 03:50 PM

المشاركة الأصلية كتبت بواسطة تامر.محمد

انا فيه حاجات مش مقتنع بيها
يعني مثلا الكواليتي بتاع الانتريرور للاوكتافيا و السيفيك و حتى الآي30 احسن من مرسيدس ؟؟؟؟؟

مرسيدس معتدهاش عربية في الفئة دي على فكرة .
او يعني ال A-class مش زي منت فاكر.. عربية عادية جدا فعلا ومبيعاتها مش اد كدة .

تاني اصغر عربية هي ال B-Class ودي تعتبر MPV

الC-Class اكبر من دول و دي في الفئة الي بعدها و على فكرة الفئة دي الهوندا برده الي كسبت ( الهوندا اكورد )

وعلى فكرة الكلام مش على " الشياكة " الكلام على قلة الاعطال و الكفائة و الصيانة و خلافه .. و مرسيدس و بي ام دبليو امدح فيهم زي منت عايز كسيارات بس كصيانة و اعتمادية مش احسن حاجة ولا حاجة .

**Mohamed.Ramah** · 02-06-2011 05:31 PM

شكرا على المعلومات والمجهود موضوع رائع

**SYD** · 02-06-2011 05:39 PM

المشاركة الأصلية كتبت بواسطة cryptonx

وعلى فكرة الكلام مش على " الشياكة " الكلام على قلة الاعطال و الكفائة و الصيانة و خلافه .. و مرسيدس و بي ام دبليو امدح فيهم زي منت عايز كسيارات بس كصيانة و اعتمادية مش احسن حاجة ولا حاجة .

انا مختلف تماما معاك في النقطة دي
المرسيدس والفولكس والهوندا طبعا من اشيك 3 عربيات من جوة ومن برة طبعا واعتقد كواليتي مفيش بعد كدة
تعال حضرتك اعمل نفس المقارنات دي علي موديلات 89 وتعال نشوف النتيجة
انا ركبت جولف 89 وركبت مرسيدس 81 وركبت هوندا أكورد 89 والنتيجة كانت كالتالي

1- الفولكس (مازالت محتفظة برونقها كالزيرو مفيش زراير عطلانة ولا زجاج الباب بيعلق والعدادات شغالة بمنتهي الكفاءة والتابلوه محتفظ بجماله والخامات والكواليتي زي الفل)

2- المرسيدس (بالظبط زي الفولكس زيرررررررررررررروو)

3- هوندا (تييييت بصراحة مفاتيح عطلانة والتابلوه "ديجيتال" فيه لمبات led كتير مش شغالة وصعب تحتفظ برونقها)

انا معاك ان المحافظة تخلي اي عربية عروسة ولو بعد 100 سنة والبهدلة بتهين العربية حتي لو رولز رويس ولو بعد سنة

بس عموما الألمان بيستخدموا خامات محترمة ونظيفة بتعيش مع اقصي ظروف التشغيل
واليابانين نفس الشئ بس الالمان نمرة 1
المواتير الالماني معروف انها افضل مواتير في الدنيا كعمر افتراضي وامكانيات التعديل والتبديل والصيانة
المواتير الياباني ناعمة وسريعة بس صعب تركب قطعة مكان قطعة او توفق او ترجلش يعني بالظبط زي ماهما عملوها لازم تستعملها

وبصراحة انا متحيز جدا جدا للفولكس اكثر بكتير من المرسيدس والبي ام ولو انهم علي راسي من فوق بس الفولكس اكثر عربية بحبها في الالماني والعربيات عموما

ودة رأيي ولك حق الاختلاف معايا

والله المستعان
،
،

**SAMEH_FOUAD** · 02-06-2011 08:04 PM

المشاركة الأصلية كتبت بواسطة syd

انا مختلف تماما معاك في النقطة دي
المرسيدس والفولكس والهوندا طبعا من اشيك 3 عربيات من جوة ومن برة طبعا واعتقد كواليتي مفيش بعد كدة
تعال حضرتك اعمل نفس المقارنات دي علي موديلات 89 وتعال نشوف النتيجة
انا ركبت جولف 89 وركبت مرسيدس 81 وركبت هوندا أكورد 89 والنتيجة كانت كالتالي

1- الفولكس (مازالت محتفظة برونقها كالزيرو مفيش زراير عطلانة ولا زجاج الباب بيعلق والعدادات شغالة بمنتهي الكفاءة والتابلوه محتفظ بجماله والخامات والكواليتي زي الفل)

2- المرسيدس (بالظبط زي الفولكس زيرررررررررررررروو)

3- هوندا (تييييت بصراحة مفاتيح عطلانة والتابلوه "ديجيتال" فيه لمبات led كتير مش شغالة وصعب تحتفظ برونقها)

انا معاك ان المحافظة تخلي اي عربية عروسة ولو بعد 100 سنة والبهدلة بتهين العربية حتي لو رولز رويس ولو بعد سنة

بس عموما الألمان بيستخدموا خامات محترمة ونظيفة بتعيش مع اقصي ظروف التشغيل
واليابانين نفس الشئ بس الالمان نمرة 1
المواتير الالماني معروف انها افضل مواتير في الدنيا كعمر افتراضي وامكانيات التعديل والتبديل والصيانة
المواتير الياباني ناعمة وسريعة بس صعب تركب قطعة مكان قطعة او توفق او ترجلش يعني بالظبط زي ماهما عملوها لازم تستعملها

وبصراحة انا متحيز جدا جدا للفولكس اكثر بكتير من المرسيدس والبي ام ولو انهم علي راسي من فوق بس الفولكس اكثر عربية بحبها في الالماني والعربيات عموما

ودة رأيي ولك حق الاختلاف معايا

والله المستعان
،
،

معلش ياباشا انا هختلف معاك فى نقطة الاحتفاظ بجودة السيارة وعمل جميع المفاتيح الخاصة بتشغيل اوبشن السيارة

انا ركبت مرسيدس e200 موديل 2003 وكانت جايبة لوحة تحكم كاملة للزراير المرايات والزجاج والتمن كان 8000 الاف جنية

والحمد لله كل الاعضاء اللى فى قسم هوندا محدش بيشتكى ابدا من عطل فى حاجة فى اوبشن السيارة او فى زرار كلة بيعمل بكفاءة عالية جدا جدا كأنها جديدة

اللى حضرتك ركبتها ممكن يكون فيها مشكلة ما او سبب خلاها تعمل كدة ولو فية حاجة باظت بتجيبها بتمن قليل لا يتعدى ال250 جنية وبتعيش 15 سنة تانيين يعنى انسى

طيب انت بتقول ان المواتير الالمانى بتعمر , انا شوفت مرسيدس s600 2003 ماتورها خفيف جدااااااااا الدخان الازرق بيطلع كتيررر جدا وكذلك الامر لكتير اوى من الe200 موديل 89 الى 95 , اللى بشوف مواتيرها خفيفة اوى البى ام لحد موديل 89 لكن قبل كدة ممكن الاقى كتير وبعد كدة كام عربية

الهوندا كذلك استحالة تلاقى عربية ماتورها خفيف من اول موديل 2001 , وعربيات موديل التسعينات قليل جدا وكذلك موديل الثمانينات قليل جدا بردة

كلها فى الاخر استخدام وظروف تشغيل