الموضوع: عايزه أتمن عربيتى لو سمحتوا

مش مرتاح للجماعه اللى شغالين فى مركز الصيانه ده , مش عارف ليه شامم ريحة نصب و اشتغالات ماليه المكان
بصى حضرتك زى ما الاخوه قالو خدى حد من عيلتك بيفهم فى المواضيع دى و روحى لاى سمكرى نضيف و خليه يرد الخبطات ع البارد و فهمى السمكرى انك مش هترشى العربيه علشان يشتغل فيها بدقه و ميجرحش البويه اوى
لما ترجعى بالسلامه ابقى ادرسى موضوع انك ترشى اجزاء منها او لا
انا فى رأيى الشخصى انك مترشيش العربيه لانك بكده بتنزلى من قيمتها بشكل كبير جدا
و سواء رشت فى التوكيل او بره التوكيل برضه قيمتها بتنزل كتير علشان كده مانصحكيش ترشيها طالما منظرها بعد السمكره ع البارد هيبقى مقبول
انا عربيتى واخده خبطه فى الباب الشمال ورا و برضه مش عاوز ارشها لانها فبريكه بالكامل بره و جوه و مستحرم ارشها لان قيمتها هتنزل كتير لو اترشت
و حتى لو حضرتك قررتى انك ترشيها فالافضل طبعا ترشيها بعد ما ترجعى بالسلامه علشان تبقى جديده لما ترجعيلها ان شاء الله
نصيحه من اخوكى ( مش عارف الكبير ولا الصغير ) متصدقيش كل الكلام اللى بيتقال فى مراكز الخدمه اللى من النوع ده و اسالى مره و اتنين و تلاته فى اكتر من مكان و فاصلى فى الاسعار لحد ما تحصلى على افضل سعر مناسب ليكى
و متدفعيش فلوس مقدم كتير للصنايعيه الا لما تشوفى الشغل بعينك و تستريحى للشغل
و دايما الصنايعى هو اللى يبقى ليه عندك فلوس علشان يخلص الشغل فى معاده و بشكل جيد لانه لو اخد فلوسه مقدم مش هتاخدى منه شغل ينفع خالص

[QUOTE=rinaa;3873661423]تحياتى للجميع وربنا يجازيكم خير على نصايحكم ليا ... بس ياريت محدش يحسسنى انى ضعيفه ولازم حد يمشى معايا علشان احل مشاكلى


عموما حضرتك احنا اسفين جدا اننا حسسناكى انك ضعيفه و محتاجه حد يمشى يحللك مشاكلك ( على حد تعبيرك ) و فى الاول و الاخر حضرتك ليكى مطلق الحريه تاخدى بنصائحنا او تتركيهاو لو كنتى شايفه ان حضرتك مؤهله انك تتعاملى مع الصنايعيه بلغتهم و تقدرى تفهمى الاعيبهم و فى نفس الوقت تخليهم مايضحكوش عليكى و لو حاولو يضحكو عليكى تتخانقى معاهم و تاخدى حقك منهم ( خصوصا الايام السودا اللى احنا فيها دلوقتى فى ظل انتشار البلطجه و غياب الامن ) يبقى خلاص مفيش مشكله تقدرى تخوضى التجربه من الاول للاخر
ربنا يوفقك و اسفين اذا كانت مداخلاتنا ازعجتك
سلام عليكم

حصل كل خير . موفقه ان شاء الله