عايزه أتمن عربيتى لو سمحتوا

**rinaa** · 02-06-2011 12:14 PM

السلام عليكم أخوانى الأعزاء

معايا عربيه دايو نوبيرا اوتوماتيك 2007عامله حوالى اربعة الاف كيلو بس لأنى بستعملها يوميا تقريبا لمسافه 2 كم فقط واركنها بجوار المترو واذهب لعملى ...يعنى العربيه اكثر من كلمة مرتاحه ... بس للأسف متخبطة كثير انتوا عارفين ان صاجها خفيف وانا مش بهتم انى اصلح الخبطات دى ...بصراحه شايله هم التعامل مع الصنايعيه ....بس ان شاء الله هوديها التوكيل يصلحوها حتى لو اغلى شويه من بره اكيد مش هيتنصب عليا ..كمان مره كنت بعمل مارش دير الشكمان اتخبط وماسورته نزلت لتحت حوالى 10سم وساعات بيحك فى المطبات العاليه .. انا ما غيرتش لها زيت الا مره واحده فى التوكيل بتاع العباسيه واخد منى 200جم والله ماانا فاكره هما غيرو زيت ايه ؟؟؟!!! تقريبا الموتور ولا ايه ؟؟؟؟؟؟؟؟ مش فاكره المهم العربيه الخمد لله مافيهاش اى تسريبات للزيوت بس بدات احس انها تقيله شويه مش زى زمان كانت اخف ... والفتيس كان زمان لما احركه كان بيرج العربيه كلها دلوقتى خلاص بقى ناعم جدا ... انا لسه واللهمافرحتش بيها ولا سافرت بيها ولا مره وصعبان عليا ابيعها بس فى ظروف سفر وعارفه انها هتخسر من الركنه ... بس ياريت تشوروا عليا هل ممكن أخلى أختى او والدتى (مش بيعرفوا يسوقوا اصلا) اعلمهم يعنى يمشوا بيها ادام وورا ويدوروها كل اسبوع مثلا 5 دقايق هل ده كافى ان العربيه ما تخسرش وبلاش ابيعها علشان مااخسرش فيها كتير ؟؟؟؟ ولا ايه؟؟؟ انا كنت شارياها على الزيرو ب 82.400 وبسمع ارقام غريبه دلوقتى اعتقد هخسر فيها كتير .....معلش طولت عليكم بس اتمنى الرد ارجوكم

**aboomar22** · 02-06-2011 12:38 PM

بص ياباشا لو سفر قصير يبقى خسارة يعنى سنة مثلا يبقى خسارة تبيعها ارفع العربية ولما ترجع بالسلامة حتى لو اجازة هتركبها فترة الاجازة اما لو سفر طويل بيعها علشان الموديل مايفوتش وقته انت دلوقتى بتبيع موديل 4 سنوات والركنة الطويلة لو مش مؤمنة كويس ممكن يطولها ميه مطره ممكن تضر العربية

**gaaz** · 02-06-2011 12:47 PM

اولا لو حتبيعيها ختجيبلك اخرها خمسيناية او خمسة كمان عليها لو هي حالتها كويسة زي ما بتقولي
ثانيا انصحك انك فعلا تعلمي حد من الاسرة الكريمة بدل ما تبيعيها لو انتي ناوية ترجعي تستخدميها تاني

**rinaa** · 02-06-2011 01:30 PM

شكرا ياجماعه على الرد فعلا انا مسافره ان شاء الله سنه واحده وغالبا مش هكررها ....... لكن المشكله انى لو ركنتها فى جراج مفيش جراج جنب البيت ومش معقول حد من اسرتى هينزل للعربيه كل شويه فى مكان تواجدها بالجراج علشان يدورها ..هل تعرفوا جراج امن ممكن اركنها فيه ؟؟؟ وهل عامل الجراج ممكن يقوم بالمهمه ؟؟؟؟ وياترى السنه دى بتكلف كام بالجراج

**rinaa** · 02-06-2011 01:38 PM

معقول ياجماعه 55 الف فى عربيه نوبيرا اوتوماتيك تعتبر على الزيرو عامله 4000كم بسسسسسسسس
وعلى فكره والله العظيم انا بنزل من البيت الاقيها مخبوطه .......!!!!!! ارجع من الشغل الاقيها مخبوطه بالشارع !!!!!!!!1 لااملك غير انى اقول حسبى الله ونعم الوكيل عايزه اقول ان الخبط اللى فى جسم العربيه مش ناتج عن تهور او سوء قياده الخمد لله العربيه حالتها ممتازه .......... ازاى بقه 55 الف بسسسسسس لو بعتها وايه القواعد اللى بتظبط اسعار العربيات القديمه ؟؟؟؟؟؟ اللى انا اعرفه ان الموديل بينزل الفين مع كل سنه يعنى عربيتى تنزل 8 الاف بسسسسس يعنى العربيه تجيب على الأقل خالص 70 الف وكده ابقى خسرت 12.5 الف ؟؟؟؟؟؟

**engaass** · 02-06-2011 01:50 PM

اوعى تعتمدى على سايس الجراج انه هو اللى هيدورها ده ممكن يشغلها تاكسى اصلا
العربية بتنزل من سعرها حوالى من 10 الى 15 % اول سنة وبعد كده حوالى 2000 كل سنة

**Esam Mosaad** · 02-06-2011 01:55 PM

ده غير خبطات وغيره يعنى تصرق 2000 على سمكره ودوكو ويمكن اكتر
ويبقى اسمها راشه بره
بس اعتقد انها فعلا تجيب اكتر من 55 الف يعنى ممكن توصل 60 لو حد فاهم

**rinaa** · 02-06-2011 02:39 PM

شكرا جزيلا اخوانى الكرام على الرد ......طيب لو ركنت العربيه بجراج يكلفنى كام ..... وعلى حد علمى لازم بيفكوا الكاوتشات ويفرغوا الزيوت وحاجات تانيه مش عارفاها هل ده ضرورى ؟؟؟؟؟؟؟

على فكره فى مكان امن جنب البيت بالرغم انه بالشارع ايه رايكم انى انفخ العجل زياده شويه واركنها واخلى حد من اسرتى يبقى يدورها مثلا كل اسبوع وهى واقفه شويه وممكن اخليهم يجبوها مارش دير ويمشوا للأمام علشان نغير مناطق ارتكاز العربيه على الكاوتشات ايه رايكم فى الفكره دى؟؟؟؟؟؟

وهل ده هيضر العربيه برضه ولا ضرر خفيف يعنى ولا ايه ؟؟؟؟؟؟؟