هلت البشائر : البدء فى العثور على السيراتو المسروقة

و الله يا شباب انا مش عارف اقولك الخبر ازاى و عربية واحد صحبى اتسرقت الخميس اللى فات من تحت البيت على الرغم انه مركب انذار المهم امبارح لقيته بيكلمنى و بيقولى انهم فى المديريه كلموه و قالولوا ان العربية موجودة فى فاقوس – محافظة الشرقية و انه رايح يشوفها دلوقتى

المهم كلمنى بالليل و حكالى الموضوع ان العربية مدشدشة و الربع الامامى مدمر و الزجاج الامامى و الخلفى و كذلك التابلوه – بسسب ان البهوات كانوا بيفوروا علبة الدريكسيون علشان يفتحوا اللوك ارجوكم ركبوا جارد على الدركسيون - و ان البهوات اللى سرقوا العربية كانوا تحت التحفظ و انهم سرقوا العربية و باعوها ب 20 الف جنيه لناس تانية و حد من المرور الظاهر شك فيهم و طلع يجرى و راهم فسابوا العربية و هربوا

ان شاء الله التأمين حيتكفل بالتصليح و اول ما العربية توصل القاهرة هحط الصور على طول

و ان شاء الله جميع اللى سرقت منهم كيداهم العزيزة ترجعلهم بالف سلامة

رأيكوا ايه بقى نودى العربية التوكيل ولا تكنو وان ؟؟؟؟

الحمد لله انها رجعت

وطالما فيه تأمين يبقى التوكيل افضل

الحمد لله

بس يا استاذ احمد الوكيل بياخد وقت مميت الصراحة يعنى اعتقد اه بالميت هيقول شهرين

ربنا يستر - التامين لا يتكفل بالتصليح اذا كان القائد للسيارة غير مالكها :( - متهيالي

اقتباس:

---

المشاركة الأصلية كتبت بواسطة Atrees

ربنا يستر - التامين لا يتكفل بالتصليح اذا كان القائد للسيارة غير مالكها :( - متهيالي

---

وجون و جون و جون و جوووووووووووووووووووووووو وووووووووووون:Copy of majd(4):

لأ ان شاء الله التامين يصلحها انت المفروض تكون بلغت شركة التأمين انها اتسرقت و بالتالى لما ترجع و يصلحالك اقل فى التكلفة من انه يعوضك بالكامل لو هى مرجعتش

اقتباس:

---

المشاركة الأصلية كتبت بواسطة atrees

ربنا يستر - التامين لا يتكفل بالتصليح اذا كان القائد للسيارة غير مالكها :( - متهيالي

---

الكلام ده مش فى الحاله دى
العربيه مسروقه و و الباشا عامل محضر كمان يعنى خلاص ملهمش حجه و الله اعلم

حمدا لله على السلامة

المفروض البهوات الي تحت التحفظ يقطعوا ايدهم (شرع الله) عشان المجتمع ينضف منهم ويكونوا عبره لغيرهم.
والف مبروك رجوع العربيه.
الحمدلله الشرطه رجعت تاني :)

اقتباس:

---

المشاركة الأصلية كتبت بواسطة blackknight

و الله يا شباب انا مش عارف اقولك الخبر ازاى و عربية واحد صحبى اتسرقت الخميس اللى فات من تحت البيت على الرغم انه مركب انذار المهم امبارح لقيته بيكلمنى و بيقولى انهم فى المديريه كلموه و قالولوا ان العربية موجودة فى فاقوس – محافظة الشرقية و انه رايح يشوفها دلوقتى

المهم كلمنى بالليل و حكالى الموضوع ان العربية مدشدشة و الربع الامامى مدمر و الزجاج الامامى و الخلفى و كذلك التابلوه – بسسب ان البهوات كانوا بيفوروا علبة الدريكسيون علشان يفتحوا اللوك ارجوكم ركبوا جارد على الدركسيون - و ان البهوات اللى سرقوا العربية كانوا تحت التحفظ و انهم سرقوا العربية و باعوها ب 20 الف جنيه لناس تانية و حد من المرور الظاهر شك فيهم و طلع يجرى و راهم فسابوا العربية و هربوا

ان شاء الله التأمين حيتكفل بالتصليح و اول ما العربية توصل القاهرة هحط الصور على طول

و ان شاء الله جميع اللى سرقت منهم كيداهم العزيزة ترجعلهم بالف سلامة

رأيكوا ايه بقى نودى العربية التوكيل ولا تكنو وان ؟؟؟؟

---

اولا الف مبروك يا باشا

ثانيا يعني ايه جارد تقصد العصايه


ثالثا ارجوك توضح لينا ايه الحصل ولعبوا فيه عشان بفكوا اللوك لان الموضوع مهم عشان عايزيين نعرف هل هي فعلا ضعيفه في التامين وسهل سرقتها والا زي اي عربيه

والف الف مبروك:16::16:

ألف مبروك وربنا يعينك على صيانتها بس عايز أوضح حاجة أعرفها عن التأمين سواء صيانتها فى الوكيل أو غيرة التأمين مش هيبقل الصيانه لو تكلفتها فوق ال 40% من القيمة السوقية للعربية (ودة يتوقف على موديل سنة كام) ...لوزادت بيعتبروها total lost وعطوك القيمة السوقية للعربية ...والله أعلم إسأل فى التأمين وخالى بالك كويس أوى أوى من المحضر اللى هيتعمل ...صياغتة مهمة جدا وللأسف التأمين مش بيدفعلك إلا لما الصيانة تخلص وتدفع إنت الفلوس وبعدين تأخذها بأثر راجعى ورأى الخبير بتاع التأمين الللى بيروح يشوف حاله العربية مش النهائى عشان بعد كدة بتعدى على الشئون القانونية اللى بيشوفوا بقى المحاضر والحوارات دة ...دة طبعا نظام مصر للتأمين الله يسامحهم ...ومرة تانية ربنا يعينك

الف مبروك و عقبال باقى العربيات :16:

الحمد لله انها رجعت
وربنا يعوض على صاحبها

ألف مبروك لصاحبك يا اسلام باشا
وعايزين نشوفك يا معلم :)

الف مبروك ان صاحبها لاقاها دى اهم حاااجة

اقتباس:

---

المشاركة الأصلية كتبت بواسطة mahmoud_afifi

المفروض البهوات الي تحت التحفظ يقطعوا ايدهم (شرع الله) عشان المجتمع ينضف منهم ويكونوا عبره لغيرهم.
والف مبروك رجوع العربيه.
الحمدلله الشرطه رجعت تاني :)

---

انا معاك والله العظيم فعلا علشان يبقوا عبره لغيرهم

صلحها فى التوكيل لان بصراحه تكنو وان مستواهم نزل قوى