صوت زنة مع زيادة السرعة !!!

**Eng_Jo** · 02-06-2011 01:34 PM

العربية نيو اكسنت 2010 سودا
ماشية 22000 كم

من اسبوع كدة ضهر عندى صوت زنة صغيرة اقرب الى صوت (الورة) مع زيداة السرعة و طبعا لان الواحد راكب بردة عربية كورى 1 خت بالى و قلت اراقب الوضع

الصوت بدا يزيد حبة يوم بعد التانى مع العلم ان
اداء العربية ثابت مع السرعة العالية لحد 150 و كمان ثابت مع تشغيل التكييف
بس مازال هناك صوت المهم
سألت بعض العناصر زوى الخبرة من الاصدقاء و بعض الفنيين كلة اجمع ان الصوت جاى من ناحية السيور اللى شمال الموتور و المكان دة يشمل طلمبة البور و التكييف و اعتقد الدينامو و سير التقسيمة يعنى كوليكشن

طب حدد يحدد ابدا

المهم روحت التوكيل الجديد اللى فى النزهة و المشوار كئيب لان المكان اللى كان فى السلطان حسين و سط البلد و نقدر نتحرك ما علينا

قابلى م / ابراهيم زيدان و كنت اتعرفت علية من زمان راجل محترم جدا

سمعتة الصوت فلقيتة سكت

سكت

سكت
لحد ما قلقت طبعا
على العموم قالى نكشف فى منطقة السيور و اقولك و قلتلة على مشكلة تانية بردة حصلت بعد صيانى ال 20000 ان لما ادور العربية الصبح
الطبيعى اللى يحصل الاتى :
يرتفع عداد الRPM اللى 1500 بعدين ينزل تدريجى لحد حوالى 750

اللى كان بيحصل معايا :
العداد يقرى 1500 بعدين ينزل تانى بسرعة لحد 500 و كأن العربية حتبطل !!!! بعدين يرجع لحد 1750 او 2000 بعدين 1500 و بعدين ينزل تدريجى

لما كنت قلتلة قالى ايدل السرعة و حنظفة و نكشف ب G-Speed

قلت بالمرة يكشف و يقول رأية

الكلام دة على الساعة 9 الصبح

استنيت لحد 10 سالتة قالى لسة
الساعة 11 لسة مش قادرين نحدد

لحد ما رحتلة على الساعة 12 و قلتلة طمنى انا كدة بدأت اقلق بجد لو سمحت شوف و قللى
دخل و قالى العربية شكلها حتطول شوية فلو مستعجل خلص مشاويرك و تعالى

بكل قلق سألتة خييير

بأبتسامة شاحبة قالى لسة مش عارفين الصوت منين
!!!!!

طبعا انا كنت قلقان جدا
بس كان عندى شغل قولتلة انا عندى وردية و مش حخلص الا الساعة 12 كدة حتبات

قالى سيبهم يكشفوا براحتهم لانالصوت محير

مكدبتش خبر و قلب خلاص شكلها حاجة كبيرة و ربنا يستر

بس الحمد لله على الساعة 6 او 7 كلمونى و قالولى ان العربية خلصت سألت كان اى اللى مكتوب فى الريبورت

قالتلى تغيير طلمبة الباور ؟؟

و الكشف ب G-speed

روحت استلمت من شوية قالى الصوت كان محير و تقريبا كان رمانبيل فى الطلمبة بس احنا غيرناها كلها

العربية تمام بس حاسس ان الباور تقل شوية معرفش بقة دة عادى فى الاول ولا لا !!!!

**Esam Mosaad** · 02-06-2011 01:51 PM

والله يا باشا انا من ساعت مقريت العنوان وانا عارف انها طرمبه
هيا الى بتعمل الونه ديه
والغريبه ان بتوع التوكيل محدش فيهم فاهم هما يقعدوا يشيلوا ويحطوا لحد مالصوت يروح يبقى من كذا
واكيد دفعت مبلغ وقدره ولا كانت فى الضمان
وبعدين لو عندك الباور هيدروليكى يبقى المفروض كان يغير خرطوم ضغط عالى
لو كهربا يبقى اطمن بس متحولش تكسر الدركسيون على الاخر

**Eng_Jo** · 04-06-2011 05:15 AM

المشاركة الأصلية كتبت بواسطة h a r d

والله يا باشا انا من ساعت مقريت العنوان وانا عارف انها طرمبه
هيا الى بتعمل الونه ديه
والغريبه ان بتوع التوكيل محدش فيهم فاهم هما يقعدوا يشيلوا ويحطوا لحد مالصوت يروح يبقى من كذا
واكيد دفعت مبلغ وقدره ولا كانت فى الضمان
وبعدين لو عندك الباور هيدروليكى يبقى المفروض كان يغير خرطوم ضغط عالى
لو كهربا يبقى اطمن بس متحولش تكسر الدركسيون على الاخر

لى اغيىر الخرطوم بتاع الضغط العالى