(سيات ابيزا ، فورد فيستا ، اوبل كورسا ، فيات بونتو افو ) أرجوكو ساعدوني على الاختيار

**yasminace** · 02-06-2011 03:17 PM

أنا محتارة جداً بين الاربع عربيات (سيات ابيزا ، فورد فيستا ، اوبل كورسا ، فيات بونتو افو ) و محتاجة رأيكم و خبرتكم في كل حاجة

1-العربية كويسة ولا لأ من ناحية موتور و عفشة ناعمة و إن مايكونش فيها عيوب صناعة

2-قطاع الغيار و اسعارها

3-مدى جودة التوكيل

أرجوكم أفيدوني لاني ناوية إن شاء الله أجيب حاجة بالسعر دة و مش عرفة أجيب إيه, و لو في إقتراحات لعربيات بنفس السعر أفضل من الأربع عربيات

جزاكم الله كل خير

**mohamedgamall** · 02-06-2011 06:09 PM

بصى السيات عربية تحفة بس عيبها انها واطية و و فى ناسمبعحبهاش الانتريور بتاعها بس ماتور قوى و تقفيل هايل و فتيس dsg
الفيستا الخقيقة معرفش عنها غير انها تقريبا احسن عربية فى الفئة دية بس بيتهيالى انها ضيقة اوى من ورا بس مش متاكد لانى مشفتهاش فى الواقع
الاوبل معرفش حاجة عنها غير انها rival قوى جدا للجولف فاكيد عربية كويسة
الايفو بقى عربية دماغ بعدين تحسى انك راكبة عربية صاحية مش مجرد شئ لا تحسى العربية ليها شخصية ماتورها معقول جدا لو انتى مش بتحبى تشدى مع طوب الارض مريحة موفرة فى الستهالك البنزين

**John_Samy_1** · 02-06-2011 06:38 PM

1-العربية كويسة ولا لأ من ناحية موتور و عفشة ناعمة و إن مايكونش فيها عيوب صناعة

الموتور يبقي ibiza العفشه تبقي EVO انعم و اريح, عفشه الIbiza رياضية وناشفة

2-قطاع الغيار و اسعارها

كل اللي حضرتك ذكرتهم غاليين نسبيا عن الكوري بس عن تجربة في الIbiza الجودة أحسن

3-مدى جودة التوكيل

أنا مجربتش غير Seat وناس قمة في الزوق والتعاون. Corsa توكيلها منصور وأسمع إنه من أسوأ توكيلات مصر, فيات توكيلها omatra كنت سامع أعضاء معانا بيشتكوا منه, ford معرفش عنه حاجة.

الEvo فيها كماليات أكتر من الIbiza وحضرتك هاتحسيها اريح وشكلها ظريف وكمان ارخص من الIbiza وجودتها حلوة
الIbiza كماليات اقل بس عربية من جوه كلها الماني وتقفيل رائع وموتور شديد جدا وفتيس اوتوماتيك مريح بس رياضية وهتكون أنشف من الEvo وكمان متينة جدا عن تجربة.
الfiesta معجبنيش خالص تقفيلها وحسيت إني في عربية بالزمبلك مع إن بره بيقولوا فيها شعر
الCorsa حضرتك ابعدي عنها عشان وكيلها بس, بس هي برده عربية حلوة بس غالية علي امكانيتها

**refattosa** · 02-06-2011 07:29 PM

شوفي انا قعدت اختار من بين نفس العربيات دول حوالي 4 شهور و في الاخر جبت الايفو و مش ندمان الحمد لله االي حقوله دة رايى الشخصي
عشان ما حدش يزعل و دة ااي انا فكرت فية و انا باختار...... اولا ممكن نحط البولو في المقارنة

1- قطع الغيار و الصيانة كله غالي و قريب من بعضه فا مش حتفرق

2- بالنسبة للتوكيل (من غير تجربة ..سمع بس) متهيالي احسنهم الفورد و السيات و اسؤاهم الفولكس و الاوبل و الفيات ييجي في النص
3- بالنسبة للعربيات :

- الشكل الخارجي : الفييستا , الايفو و بعدين الباقي قريب من بعضه

- الداخلي : الايفو تتفوق بمسافة بعيدة عن الباقي ثم الكورسا و بعدين الفييستا و في الاخر الابيزا وحشة اوي من جوة

- الموتور : اقواهم الابيزا 1600 ة لباقي كلة 1400 لكن اقلهم الايفو 77 حصان البولو و الكورسا 85 لبفييستا 90

- الكماليات : الايفو تتفوق بمراحل عن اي عربية تليها الفييستا و الكورسا و الابيزا و البولو فاضيين خالص ما فيهمش اي حاجة

- السعر : ما زالت الايفو ارخصهم رغم انها غليت 10 الاف ج اوتو الفئة الاولي 113300 و التانية 118900 الفييستا 129 البولو 130
الابيزا فوق ال 120 و اكورسا برضه
الخلاصة لو عايزة عربية city car و ما يفرقش معاكي قوة الموتور و الشد و كدة يبقي الايفو لو حيفرق يبقي الابيزا مع الاخد في الاعتبار

كل النقط اللي فوق و اتفرجي علي كل العربيات و اقعدي فيها و شوفي حترتاحي لمين و رايى الشخصي تحصري الاختيار بين

الايفو- الفييستا - البولو...... و اتمني اني اكون افدتك و تحت امرك في اي سؤال.

**pirlo2000** · 02-06-2011 09:00 PM

الايفو عفشة مريحة جدا...... الي حد ما منتشرة عن الفييستا و الكورسا..... اوبشنز بالعبيط...... و الايطالي ايطالي برضه..... نفس المصنع اللي عمل الفيراري ....... توفير غير طبيعي في البنزين....... جودة تقفيل و خامات ممتازة

انا بقول ايفو و بس!

**hamada409** · 04-06-2011 02:42 AM

أنا شايف لو حضرتك مبتجريش يبقى الإفو عشان تقريبا ده عيبها الوحيد إنها مش بتاعة شد
الفييستا كويسة بس فعلا بحس إنها لعبة
الكورسا شايف تمنها غالي قوي عليها
رأيي الشخصي الإبيزا

**mohamedgamall** · 05-06-2011 12:20 AM

بصى هو اى اختيار من العربيات دول مش هتندمى علية الابيزا رغم انها عربية حلوة بس ملاكها بيقولوا انها واطية دية من الحاجات اللى تضايق اوى فى عربية مدينة + ان عفشتها ناشفة اظن ان الايفو ارخصهم و اكثرهم اوبشتز و موفرة فى النزين و مريحة شكلها جميل يعنى كل دية حاجات ترجح كفتها

**kik** · 05-06-2011 03:02 AM

الايفو 2011 p2 auto معايا عايز اقولك عربية وهمية في كل حاجة شكل و امكانيات و تقفيل و عالية و في نفس الوقت ثابتة و متورها حلو جدا ومرضي و لو عايزة تجري حيجري معاكي عمرك ما حتحسي انك راكبة عربية 1400 سي سي و موفرة في البنزين و سحبها حلو وروشة جاهزة مش حتحتاجي تعملي فيها اي حاجة بس هاتي الاوتو p2 وادعيلي وربنا يوفقك في الاختيار :-)

**mohamedgamall** · 05-06-2011 09:06 PM

انت بتمون 92 ولا 95؟

**karimalaa** · 06-06-2011 04:42 PM

مش حتفرق أوي بنزين ٩٢ من ٩٥ على فكرة...للتوضيح بس موتور الايفو مرضي جدا و عصبي...بلاش نبص على موضوع ال٧٧ حصان دول....التجربة خير دليل...أنا بالنسبالي لما جربتها الموتور كان مرضي جدا....طبعا مش طيارة بس مرضي جدا و جابت 180 على الطريق فا أظن ان الرقم ده مش شوية بالنسبة ل 77 حصان و sohc . وكانت ببنزين ٩٢ كمان