الموضوع: مشكله فى جير بوكس سيراتو زيرو

المشاركة الأصلية كتبت بواسطة ahrambc

اخو زوجتى اشترى سيارة سيراتو خليجى اتوماتيك اول فئه

و الفيتيس هو اتوماتيك ذو 6 نقلات الجديد

و اشتراها تقسيط و استلمها و كان العداد 180 كم و انهى ترخيصها بالمرور

مشى بالسياره حوالى 300 كم فى عشرة ايام و بدأت المشاكل

فى البدايه ظهر صوت خبطه قويه عند النقلات العليا ... الخامسه و السادسه

ثم بدأت السياره ترفض النقل للغيارات العليا ... بمعنى ان rpm يزيد بشكل كبير دون ان تأخذ الغيار

و ذلك عند سرعات قليله ..... 80 - 90 كم / ساعه

ثم تطورت المشكله بسرعه لتبدأ السياره فى عدم النقل للغيارات الصغيره ... الأول مثلا الا على عدد دورات عالى

بمعنى انه ينقل لغيار d ثم يزيد من البنزين حتى 3000 دوره لتبدأ السياره فى الحركه

الملحوظه الأخرى هى ان هذه المشاكل ليست منتظمه فى الظهور

فقد تسير السياره بشكل عادى لمدة 2-3 ساعات

ثم بعدها تظهر المشاكل .

اشرت عليه بالتوجه للتوكيل ... فذهب هناك و اخذوا منه مبلغ 400 لمجرد المعاينه حيث أن السياره خليجى و ليس لها ضمان طبعا فى التوكيل

و هناك اخبروه بأنه لابد من فتح الفيتيس لمزيد من المعاينه و خاصة و ان الفيتيس من النوع الجديد الذى لم يسبق لهم أن فتحوه .

طبعا معرض السيارات يرفض مناقشة مبدأ ارجاع السياره حيث أنها رخصت كما أن هناك حظر بيع لأنها مقسطه .

فما هى اقتراحاتكم للتعامل مع هذه المشكله


مع خالص الشكر

بصراحة ان اول مرة اسمع المشكلة دى
بس مش 180 كم كتير وهو بيستلم العربية
على العموم انا بنصح بالتوكيل احسن حاجة على الاقل هما هتحملوا اللى بيعملوه
ولو الدنيا خربت خالص معاه ممكن يركبلها فتيس استيراد مثلا
وخليه يكشف على العربية فيها خبطة مثلا من تحت ولا حاجة
لان بتوع المعارض دول حاجة زى الزفت بصراحة مبيحفظوش على العربيات اللى شغالين عليها
وربنا معاه ويفك زنقته والموضوع يكون بسيط ان شاء الله

السلام عليكم
دى نفس مشكلة الاستاذ الكبير (((((ابو ليلى))))) و تصليحها سهل جدا
الفيشه اللى واصله من ال ecu للفتاس مهزوزه او عوزه تتعدل او تتنضف او تتغير و مش هتكلفك حاجه ان شاء الله
و ممكن تاخد حقك و انت حاطط رجل على رجل من المعرض عن طريق حقوق المستهلك بس فى خلال تاريخ 14 يوم فقط من تاريخ الشراء
و ياريت تلحق تبلغ فى حقوق المستهلك بسرعه اوى قبل المده ما تخلص و متسيبش حقك و اوعى تتنازل عن اى حاجه غير الاستبدال بسياره جديده او فلوسك و مترضاش باى مفاوضات غير كده
و ربنا معاك و حقك يرجعلك ان شاء الله
و اوعى تتشائم من العربيه لالنها ان شاء الله مشكله بسيطه جدا و متخوفش و حقك مضمون قانونا ان شاء الله
حقوق المستهلك هيكلم المعرض للحل و التصالح الودى فى الاول و هو تاخد فلوسك او تغيرها بعربيه تانيه او تصليحها و انت و دماغك
و لو المعرض مستجبش بيرفع الجهاز قضيه مستعجله على المعرض و بيغرمه غرامه كبيره و تصليح الضرر و كمان بينشرها فى الجرايد على حساب المعرض كمان (يعنى سمعته هتروح و هيتخرب بيته كمان ) و ان شاء الله حقك يرجعلك
اطمن و متخافش ربنا موجود بس انت لازم تلحق تتصرف باسرع ما يمكن

المشاركة الأصلية كتبت بواسطة ahrambc

اشكرك كثيرا يا اخى

و جعل ذلك فى ميزان حسناتك

و سوف ابلغ صاحب السياره فورا

الشكر لله و يا رب يكرمك و يرجعلك حقك