السلام عليكم
شهادة حق بحب أطلعها في المواقف دي
من خلال تجربة 3 سنوات بـ3 عربيات هيونداي (موجودين معايا لغاية اللحظه دي) عمري ما طلعت من المركز من غير مراجعه علي العربيه كاملة (أنا موسوس و شكاك أصلا ) عمرها ما طلعت بعيب من الورشه أو أشتكيت من شئ و متصلحش
أما مشكلة الشحم و النضافه فأكيد مش في الصالون و في البودي فقط وده لأنهم معندهمش غسيل و طبيعي إن العربيه في الصيانه هايطولها شحم و محتاجه غسله بعدها
أنا مع حضرتك أنه ممكن يحصل شوية إهمال أو سهو (و ده شئ لا يغتفر لو بنتعامل مع شئ شايل أرواح ناس) لكن لازم إحنا نراجع علي العربيه قبل الإستلام
و سبب آخر لتقصيرهم في بعض النقاط (نقاط تفنيش شغل) إن الأقبال علي أبو رواش كبير جدا جدا
أنا عارف إن حضرتك و صديقك أتضايقتوا من موضوع الفبره_فبره سوده مضلعه بتقفل علي فلتر التكييف _ لكن لو كان الموضوع ده معايا كنت ممكن متضايقش
و أدينا مستحملين غبور في سبيل الضمان الكامل (الصراحه بيضمنوا كل شئ في العربيه حتي العفشه )
و يا ريت حضرتك تقول لنا هل العربيه كان فيها أي شئ مش مظبوط تاني يعني الصيانه زي العربيه ما دخلت زي ما طلعت
شكرا علي التنبيه و التحذير
المفضلات