حادثه بسيطه بالســــــــــــــــاجا لكن فتحت الايرباج

**waelfarid** · 12-06-2011 06:38 PM

ولا تزعل نفسك والحسود لا يسود وكله مقدر ومكتوب واستمتع بسيارتك رغم حقد الحاقدين

**MOUSTAFA_SAAD** · 12-06-2011 06:56 PM

المشاركة الأصلية كتبت بواسطة megarekab

للأسف ماعملتش حاجة ومش هعمل

كل اللى عملته إنى قصيت الكيس القماش بتاع الايرباج وقفلت وش الدريكسيون زى ماكان بالظبط ولفيت سلوتب شفاف على الدريكسيون مكان خروج الايرباج وحزام الامان زى ماهو

ليه مش هعمل حاجة ؟؟!!

لسبب بسيط ومهم جدا

إتصلت بالتوكيل علشان أعرف التكلفه هتبقى قد إيه وصعقت للأسف....

الايرباج 3700 جم
حزام أمان شمال 1300 جم
مصنعيات تركيب 1200 جم

بالضريبه والخدمه وخلافه التكلفه هتعدى 7000 جم

ليه يعنى ؟ حرام الاسعار دى ولا لاء؟

انا أساسا لو كان معايا المبلغ ده مش هعمل لا الايرباج ولا الحزام

حزام أمان ب 1300 جم ؟

كل اللى هعمله الاتى :-

بالنسبه للدريكسيون ومكان خروج الايرباج ... هروح لسروجى محترم وأخليه يفصل زى شكل دايرة جلد رصاصى تتلبس فوق مكان خروج الايرباج وتبقى بنفس لون الدريكسيون.... سهله جدا ومش هتتكلف اكتر من 20 - 30 جم أو بلاش ده .... هلزق مكان شرخ وش الدريكسيون بلزق محترم ومش هتبان .....

بالنسبه لحزام الامان .... هشترى حزام امان عادى ويكون بنفس لون الجنب اليمين وهركبه انا بنفسى وثمنه بالكتير اما يكون محترم مش هيعدى 200 جم

بالنسبه للمبه الايرباج فى التابلوه انا فصلتها بالفعل عشان المزاوله فى التابلوه من خلال ازاله الفيوز الخاص بالايرباج فى علبه الفيوزات فى الجنب الشمال للتابلوه..

العيب الوحيد فى الكلام ده كله هو الكلاكس .... الكلاكس المفروض بيشتغل من 3 أماكن فى الدريكسيون .... يمين وشمال وتحت .... دلوقتى اللى هيبقى شغال بس اللى تحت .... ومش مهم برضه هتعود عليه ...

أما العربية سليمه وربنا سترها معايا وجسم العربية سليم بالاكصدام بالعفشه ..... وأدفع سبع الاف جنيه ؟؟؟!!!!

حسبى الله ونعم الوكيل ....

أما لو كان اكثر من كده كنت هدفع كام ؟؟؟؟؟

بلا توكيل بلا يحزنون .... ومش عاوز ايرباج ......ومش عاوز ضمان ...

مره الزجاج الخلفى يتسرطن والعربية واقفه مكانها متغطيه وفى الجراج ولسه ماركبتش نمر ولا رخصتها وكلفونى 1200 جم ودفعتهم وانا زى الــــباشا وشربتها

وأدى خبطة فى الرصيف هتكلفنى 7 الاف جنيه ؟؟؟!!!

برضه مش هندم أبدا على شرائى للساجا مهما أساء التوكيل لنفسه ولسياراته بالعكس انا كل يوم بيزيد إصرارى وإعجابى بساجتى

ياباشا ولا تزعل نفسك والحمد لله انك طلعت سليم
لاقدر الله التعويره فيك حتكلفك اكتر من كده بكتير

وانت كده حتتصرف صح
كل التوكيلات بيستهبلوا اخر استهبال
ده انت لو عاوز تغير الطاره بحالها وتجيب طاره سبور مش حتتكلف 10 % من المبلغ ده
ومشى امورك ياراجل واستمتع بعربيتك ولايهمك حاجه

**dramir1** · 12-06-2011 07:52 PM

الف حمد الله على سلامتك

**mememsaid** · 13-06-2011 05:58 PM

المشاركة الأصلية كتبت بواسطة megarekab

والله يا أخى ربنا يعلم وهو وحده أعلم باللى بيطلع لوجهه تعالى ابتغاء مرضاته

للأسف المسالة مش مسالة أطلع حاجة لله

المساله هى ان فى ناس بتقولهالك فى وشك ....

حد يبقى راكب 127 وينط مره واحده ويركب عربية زيرو بالشكل والمواصفات دى

للأسف فى ناس ماعندهاش حتى دم و تستخسر حتى تقول بسم الله ماشاء الله

صدقنى يا عزيزى المسالة كده مليون فى الميه وماحدش يعرف انت شاريها كاش ولا قسط ولا حوشت مقدمها ازاى وفى كام سنه حوشتهم وهتدفع اقساط على كام سنه وبكام فى الشهر

اللى مايعرفش يقول بطيييييييييييييخ

دوشتك بس اعزرنى لانى مفرووووووس

احفظا بالقرأن وربنا يحفظك ويحفظها ان شاء الله

**ZEN** · 18-06-2011 02:37 PM

الف سلامه عليك والحمدلله ربنا ستر لكن نيجى بقى للكلام اللى؟؟؟؟؟؟ اول حاجه ان حزام الساجا بيضرب مع الاير باج وكذالك كنترول الايرباج علشان كده اللمبه على طول منوره

**gebreel** · 18-06-2011 03:03 PM

الف حمد الله على سلامتك يا استاذ محمد و الحمد لله انها جت على قد كدة

رأيي المتواضع ان الايرباج تكلفة تصليحه كدة مش غالية مقارنة بتوكيلات ثانية كثير و مقارنة بلو حصلت حادثة كبيرة لا قدر الله

ممكن تعمل كدة في زجاج في مراية لكن الايرباج مهم و ربنا يكفينا شر الحوادث

بخصوص الحزام كنت في مرة في الحرفيين عند العقيد خالد و كنت بظبط شوية حاجات عند السروجي بالمرة و اتكلمنا على الايرباج و الحزام ابو كبسولة ده و عرفت منو انو بيخلي الحزام ابو كبسولة حزام عادي بتكلفة قليلة يعني حتى مش هتحتاج تغيره ولا تفك ولا تركب

-

-

الموضوع: حادثه بسيطه بالســــــــــــــــاجا لكن فتحت الايرباج

LinkBack

أدوات الموضوع

عرض

-

-

-

-

-

المواضيع المتشابهه

حادثه بسيطه بالكليو

حادثه بسيطه لكن ...

حادثه بسيطه

اول حادثه باللوجان ... الحمد لله بسيطه

حادثه بسيطه حصلت امبارح

الكلمات الدلالية لهذا الموضوع

المفضلات

المفضلات

ضوابط المشاركة