الموضوع: اريد معرفه كل شي عن كيا ريو 2001

ريو2001 اوتوماتيك 1300 ايه رايكم

انا معايا ريو 2002 1300 سي سي مانيوال وممكن افيدك في اي سؤال ان شاء الله

اولا العربيه تعتبر هيه والاكسنت ولا عم نفس الشاسيه وبعض قطع الغيار ممكن تتوفق العربيه جوه البلد جميله جدااا وسحبها حلو جداا وعلي الطريق بتجري برده انا جبت بيها 190 كلم بس طبعا كوري يعني ثبات متنتظرش منها كتير موفره في البنزين خصوصا في السفر اسعار قطع غيار الصيانه الدوريه مريجه جدااا

فلتر زيت 20 جنيه
فلتر هواء 30 جنيه
بيجوهات 35 جنيه
فلتر بنزين 60 جنيه
سير كاتينه 50 جنيه
كشاف امامي او خلفي استيراد 175 جنيه
مرايات الواحده 120 جنيه
عوامه بنزين 100 جنيه
بليه عجل اماميه 60 جنيه
بليه عجل خلفيه 55 جنيه
جوز كبالن 250 جنيه

تكييف العربيه اقدر اديله 70 % في الحر الشديد جدا والعربيه واقفه وبيزيد كل ما تمشي العربيه

العربيه فيها مشكله في بلي العجل لو باظ لازم تروح لحد متخصص كيا عشان يغيرهم ولو اي حد غيرهم مش هايعمروا كتير بس انا عندي بليه مغيرها بقلها 70 الف كيلو ومفيش مشاكل بس لازم يكون اشتغل في كيا قبل كده اللي هايغيرها

قطع غيار العفشه

جلب مقصات الواحده 25 جنيه
جلب شدادات تقريبا زيهم
كاوتشات الشدادات الواحده 5 جنيه
مساعدين خلفيه 250 جنيه KYB
lمساعدين اماميه 500 جنيه كوري ومش كويسين وبغير الامامي استيراد بحوال 250 جنيه بالتركيب عند واحد عفشجي بين الجراج والعرب في جسر السويس

العربيه زي مابيقولو حماره شغل انا من السويس وكنت شغال في الشروق وكل يوم بسافر اكتر من 200 كلم وساعات كنت بكمل لمصر يعني 300 كيلو الكلام ده كان لمده سنتين تقريبا يوميا وشغاله زي الفل

انا بصراحه مبحبش الاوتوماتيك بس لو هاجيبها لازم العربيه تكون مش اقل من 1600 سي سي عشان السحب والتكييف