سؤال لاهل الخبرة فى المنتدى ايهما افضل من حيث استهلاك الوقود واهم شييىء الجودة ومعدل استهلاك قطع الغيار bydام verna hyundai
عرض للطباعة
سؤال لاهل الخبرة فى المنتدى ايهما افضل من حيث استهلاك الوقود واهم شييىء الجودة ومعدل استهلاك قطع الغيار bydام verna hyundai
byd افضل بكثير
يمكنك تصفح المنتدى ومشاركات الاعضاء وتاخذ فكرة كاملة عن السيارة ومواصفاتها حتى تكون على اقتناع
تقبل تحياتى
انا شايف ان الفيرنا احسن طبعا من byd معلش يعنى الصينى صينى و مش هتعمر معاك
اخى الكريم حياك الله
قال الله عز وجل يا ايها الذين امنوا كونوا قوامين بالقسط شهداء لله ولو على انفسكم او الوالدين والاقربين
والشخص الذى يسال عن شهادة مستامن ولاينبغى ان يتكلم بما لا يعلم
هل تعلم ان السيارة بى واى دى موجودة فى السوق المصرى من اكثر من خمس سنوات
وهل تعلن ان موتور السيارة ميتسوبيشى موديل 2007؟ والعفشة كورولا
وهل تعلم ان هناك من اصحابها من تعدى حاجز 150000 كيلومتر بدون اى عيوب او مشاكل جوهرية على الاطلاق
الانسان عدو ما يجهل
لا وجه للمقارنة بينها وبين الفيرنا اصلا
لك كامل الحق ان تقول رايك ولكن ارجو ان تتحقق مما تقول اولا
تقبل تحياتى
انا كان معايا فيرنا من 2007 والحمد لله الحمد لله كل اللى كنت بغيره فيها الزيت والفلتر والتيل والصيانات العاديه
وكنت مركبلها جنط 15 والحمد لله الثبات بيتحسن كتير جدا انا كنت بسافر بيها كتير جدا
انصحك بيها كعربيه اعتماديه ومناسبه جدا لسعرها
بالنسبه للبى واى دى فانا معرفش حاجة عنها للأسف بس ملاكها يفيدو حضرتك ان شاء الله
الفيرنا فى رأيى أفضل جدا
والله ال byd عربية محترمة جدا جدا جدا وانا لسة بايع لانوس وبفكر اشتريها وانتشرت كمان تاكس فدا معناة انها ممتازة وثباتها ممتاز وسعرها مناسب جدا ويعتبر قليل على امكانياتها
وبصراحة مشفتش حد اشتكى منها
واسعة ... ثبات... اعلى اكتر من الفيرنا
كل عربية ليها مميزات و ليها عيوب:
1- عيوب byd : تقفيل مصرى ( شركة الأمل ) المواد الداخلية للصالون و التابلوه شيك بس زبااااااااااالة و بتتبهدل بسرعة , توكيل زباااااااالة و له سمعة سيئة , عفشة محترمة بس محتاجة تربيط باستمرار , الأبواب و الشنطة مش بيتقفلوا من اول مرة لازم تهبدهم و دة عيب الصينى كله مش byd لوحدها ..
2- عيوب الفيرنا: تقفيل مصرى , صاج صعيف بشكل لا يذكر , عدم الثبات على السرعات العالية , بتعوم بعد 120 كيلو و بتبدب و بتبقا حلتها سيئة , المواد الداخلية للصالون رديئة و تابلوه فقير جدااااااا , قريبة جداااااا من الأرض , مقاس الأطرات 14 يعنى هتطر انك تركب 15 علشان ثبات العربية ..
فى النهاية: من حيث الموتور byd تكسب
من حبث العافشة byd تكسب
من حيث الثبات byd تكسب
الصاج من حق byd
الأبشنز من حق byd
تكيف لصالح الفيرنا
سهولة الصيانة الفيرنا
سعر البيع مستعمل الفيرنا تكسب
انتشار قطع الغيار من حق الفيرنا قطع غيارها رخيصة جداااااا و هتلاقيها عند البقال ..
المواد الداخلية للصالون و التابلوه السيارتين متساويتاين بس byd اشيك و افخم ..
الأرتفاع عن الأرض من حق byd
توكيل و مركز صيانة من حق الفيرنا
سحب لحد 100 لصالح الفيرنا بصراحة طلعت الفيرنا رهيبة ..
التقفيل السيارتان متساويتان .
سهولة البيع من حق الفيرنا بتتباع و تتشرى زى البدرة و ماسكة سعر افضل عكس byd سعر اعادة بيعها ميت جداااااا و مش بتتباع بسرعة يعنى ليها زبونها و عاوزة واحد ركيب ...
فى النهاية اسف على الأطالة و ارجو ان اكون قدرت افيد حضرتك و مش عاوز حد يزعل منى لأن دة رأيى و اختلاف الرأى لا يفسد للود قضية و لو اتفقت الأزواق لبارت السلع ......
وجهة نظري الشخصية بي واي دي لو حطيت جميع عناصر المقارنة وقارنت بينهم بموضوعية .. إنما لو عندك عقدة الصيني والكلام ده فمنصحكش بيها لأن الكاوتش بتاعها لو اتخرم حيجيلك وسواس أنها صيني وتلعن اليوم اللي اشتريتها فيه وتبقى متكدر .
والمفروض حضرتك في الأول تحدد أنت عاوز أيه من العربية اللي ناوي تشتريها لأنك لو عرفت أنت عاوز أيه بالظبط ممكن تتجه انظارك لعربيات تانية خالص .. وقبل ده كله تستخير المولى عز وجل .
الفيرنا = خدمه شاقه + قوه متور + سهوله صيانه + تكييف ممتاز + سعر اعاده بيع عايز ايه تاني من عربيه ب 70 الف
انا شايف ان بي واي دي عربية كويسة و محترمة بس الي يفوقة و قطع غياروة مرمية في السوق دلوقتي هي اسبر انزا العربية عامله معيا 50 الف و من سنه 2008 و مفيش اي مشاكل خالصصصصصصصصصصص بس لو مصمم بي واي دي تكسب
[mshosh2]http://www.nileup.com//uploads/images/domain-92c375cb6d.jpg[/mshosh2]
دى اسعار قطع غيار البى واى دى من التوكيل مباشرة
ويوجد الان من يبيع قطع غيارة خارج التوكيل باسعار اقل من كدة
موش عارف قطع غيار الفيرنا اقل من كدة؟
سعر اعادة البيع دة كان زمان قبل ماالسيارة تتعرف النهاردة نص تاكسيات مصر بى واى دى