ياريت حد يفيدني في قصة انك بعد ماتغسل العربية دي تحط شمع

ياريت ياجماعة لو حد يعرف حاجة عن قصة انك تشمع العربية بعد ماتغسلها عشان تحافظ على لون ولمعان الدهان بتاع العربية يقولي عليها لاني لقيتها في المانيوال بتاع العربية النيسان صني ان افضل طريقة للحفاظ على الدهان هو انك تشمع العربية مستني ردودكم ياجماعة

عادي جدا
بتغسل العربية وبعد كدة بتشمع العربية بعلبة شمع تشتريها من اي بنزينة يكون فيها ماركت للحاجات دي وتعملها
يعني قصة ساعة ساعة ونص لو انت هتعملها بنفسك ولو هتعملها بصاروخ مثلا قصة ربع ساعة تقريبا

ايه الصاروخ ده ؟
ونصيحة لو حتعملها بنفسك فهي مرهقة جدا وطبعا بتاخد اكتر من ساعة
دي ممكن تاخد منك يوم كامل على الاقل ولو انت نشيط منيمم تلات اربع ساعات
واكرر مرهقة جدا انا عملتها مرة وندمت عشان تعبت جدا وبقيت بعك بقى في الاخر وبحط الشمع في ايه حتى وبمشي جدا وخلاص
مع انه المفروض تمشي الشمع على العربية بطريقة دواير ولازم يبقى في ضغط شوية

ممكن في اي كار كير يعمولوها