بالامس كانت معظم انحاء القاهره مقلوبه بظباط الشرطه
يعني دار السلام كا ن فيها مرور والبلديه ومباحث وجيش
في المعادي كانو ماشيين بيشيلو التعديات اللي علي الطريق
في عابدين كمين مباحث ومرور
ايه سبب الصحوه المفاجئه دي؟؟
لو حد يعرف يقولنا
عرض للطباعة
بالامس كانت معظم انحاء القاهره مقلوبه بظباط الشرطه
يعني دار السلام كا ن فيها مرور والبلديه ومباحث وجيش
في المعادي كانو ماشيين بيشيلو التعديات اللي علي الطريق
في عابدين كمين مباحث ومرور
ايه سبب الصحوه المفاجئه دي؟؟
لو حد يعرف يقولنا
و عند البيت عندى بردو كان فى كمين زمان كان بيقف فيه بوكس يتيم انما امبارح كانوا بتاع 6 عربيات و ظبطوا الدنيا كويس فعلا و بجد بعد اللى شوفته امبارح حاسس ان الامن هيرجع ان شاء الله
قانون الطوارئ الجميل
التفسير:
البلد فى حالة طوارئ رسميا بجد
بيحاولوا يظبطوا الدنيا
امبارح برضه شوفت كمينين وعديت عليهم
وفرحت لما شوفتهم
كماين بحق ربنا
كمين شامل جامع
مش كمين للرخامه علي خلق ربنا
لا كمين لحفظ الامن بجد
وعند الاسعار وجريديه الاخبار والترجمان
كانت الدنيا مقلوبه ولؤات ماشيه وامن مركزى
والعتبه كان فيها بهدله من البلديه
عندي في العبور شوفت كزه دوريه طبعا مكنش في حاجه زي كده و كمان عديت على كذا كمين
كان فى كمين فى شارع العباسية امام كليه الهندسة على الطريقين
كمين كمين يعنى
و مكانه جديد لانج
وشوفن النهاردة في الحرفيين بتوع جيش كتير ومعاهم سلاح وماشيين في الشوارع علي رجلهم.
حلقة منى الشاذلي جابت نتيجة :) :)
انهاردة الزراعي من شبرا لبنها كان مرشق عساكر و ظباط و برتب كبيرة
فيه 1500 ظابط دخلوا الخدمه جديد دول برده حيعملوا شغل جامد
انا مانزلتش من بيتنا أمبارح
وأيه حوار بتاع هندسة ده !
انا من بعد أحمد سعيد بفك الحزام
كدة كنت هلبس في الكمين ولا هو فين بالظبط ؟
يعنى الداخليه كانت سايبه كل الهجوم والكلام دا ولما منى الشاذلى اتكلمت جريو ينفذوا؟؟
لا فى خطة طبعا وجداول زمنيه بس الموضوع عامل زى لما يكون عندك لاعب راجع من اصابه كبيره
المدرب الاول بيقعدو على الدكه وبعدين الماتش اللى بعده 5 دقايق وكده لحد مايكون تعافى ويلعب الماتش بالكامل :))
سبحان الله النهاردة اسكندرية مكنش فيها ولا ضابط ولا حتى فى الاشارات الكبرى !!!!!!
النهاردة زبادى خلااااط !
للأسف الشديد ......
ممكن تلاقى الشرطة فى بلدنا فجأة مصحصحة أوى أوى ومتعرفش فى أية .....
وبعدين تنااااااااااااااااااااااا ام خاااااااااااااااااااااااا اااااالص ...... :36_1_50[1]:
نفسى لما يحصل صحوة فى أى حاجة تستمر مش نشد شوية وبعد كدة بخ ......
لو عايزيين الظباط والموظفين فى البلد دى يشتغلوا ......
لازم ياخدوا مرتبات أدمية ......
ساعتها محدش هيقبل رشاوى و أكراميات ......
وبرضه لجنه اول امبارح فى رمسيس محترمه جدا كام ظابط على كام أمين وشوية عساكر وبيبصوا على العربيات ويوقف ا المخالف ويروح جايبة على جمب عشان ما يوقش الطريق
احنا كنا عندنا فى ميدان الظاهر من يومين كمين كمين فى الاتجاهين وعربيات الجيب قافله الطريق وتفتيش الميكروباصات وكان فيه عربيه امن مركزى واقفه معاهم
فضلوا يومين على كده يقفوا فى نفس المكان
واه كان اى حد مفيم كان بيخلوه ينزل يشيل الفاميه بايده
الحمد لله ربنا ستجاب لدعائنا
و الامن اهو بدأ يشتغل
و فعلا عاملين زي اللاعب اللي راجع من الإصابة
بس للأسف مفيش عندنا كمائن من دي مش عارف ليه مش بيهتموا بالمحافظات :(
انهارده وانا راجع من القهوه في شيراتون لاقيت كمين و موقف الدنيا و عامل قلق جامده قبل بنزينة موبيل علطول
بس الظريف ان كله كان شرطه مكنش فيها جيش خالص
مين قال ان اسكندرية مفهاش
وانا مروح ع الضهر ادام المنتزة عند النقطة شايف عربيات بوكس وكميات امناء وعساكر بيتحضروا
بليل على 12 شفتهم مع مدرعتين جيش شغالين ازلة وبيمشطوا البلد ورتب بالحبرطش
بس قالوا انهم بيدوا تحذيرات ومن يوم الحد هيبتدى الجد
[color="rgb(65, 105, 225)"]هو محدش سمع ولا ايه ؟...مش بيقولوا زودوا مرتبات الشرطة 100% و لا ديه طلعت اشاعة ؟[/color]
احنا بردوا فى بنى سويف الموضوع اكتر من كده الدنيا الحمد لله بدأت تتظبط
امبارح والنهارده علي الطريق الزراعي في بوكسين
غير موتسكل عليه امناء شرطه عاملين دوريه
هي مصر القاهره واسكندريه بس ...
عندنا كميه تعديات في البحيره ولسه الشرطه خايفه من الاهالي...
نزلت المهندسين ورجعت من ساعة كده, مفيش لا شرطة ولا مرور والدنيا على رأي شهدي...زبادي خلاط!
الشرطة في روكسي بس يا جماعة
النهاردة ولا الهوا !!! فلة
أساسى يا برنس .....
يا أخوانا أحنا فى مصر ....
عارفين يعنى أية مصر ؟
يعنى مفيش يوم زى اللى قبلة ....
يعنى لو عدى عليك يوم حسيت فى بالنظام و النظافة مثلآ .....
مش ممكن أبدآ تانى يوم تحس بنفس الأحساس ....
أحنا منقدرش نعمل حاجة صح ونكملها ....
واضح فعلآ أن البلد بتتغير ....
عمار يا مصر :crying1:
للاسف احنا الششرطة عندنا نزلت من كذا يوم وبدات تنشط
ومن يومين كان فى كمين فى حتة معروفة عندنا وحصلت مطاردة مع بلطجية
وللاسف البوكس اتقلب فى الترعة والتلات عساكر اللى فيه ماتو!
ربنا يتولاهم برحمته