خبطة في الفتيس.... أفضل الحلول

**benmatar** · 08-06-2011 03:19 PM

السلام عليكم، عملت عملية بسيطة للفتيس مع الميكانيكي لمنع تسرب الزيت وخاصة إن بعد الكشف الدقيق اكتشفنا إن الخبطة في أسوأ مكنا وهو الحد الفاصل بين الحلة اليمين والشمال وبالتحديد عند أحد مسامير الربط لدرجة إن المسمار اتعوج، الحمد لله على كل حال... المهم بصراحة حسبتها وعرفت إن الحلة ثمنها حوالي 300ج.. وبعد السؤال دلوني على متخصص لحام أنتيمونيا ببراعة على حسب ما قالو (واحد في شبرا وواحد عند القصر العيني).. والتكلفة حوالي 150ج.. قلنا نجرب نصفي الزيت تماما وننظف ببنزين ونحط 1و2، وبعد الانتهاء بساعة أثبتت التجربة فشلها بس منعت الزيت شوية، أعدنا المحاولة باستخدان مادة عجينة اشتريتها 8ج وبصراحة قلت ممكن ربنا يكرم، ونزلنا الزيت ونشفنا وغسلنا، ونزلت بنفسي أحط العجينة وبصراحة الحمد لله التجربة نجحت بنسبة 95% ولغاية دلوقت تمام علما بأني مشيت حوالي 100كم بعد اللحام بالعجينة الإيبوكسية.. ومحصلش تسريب بتاتا بس لو حطيت إيدك تلاقي تعريق بسيط جدا.. والميكانيكي قال إن الموضوع ده ممكن يكون حل مؤقت جيد مع الاستخدام الطبيعي تماما وممكن تستمر على كدة.. بس أنا أفضل إني إن شاء الله ألحم الحلة وزي ما قالوا إنه حل ممتاز ومش هيحصل تسريب اطلاقا. وعلى العموم طالما التسريب شبه منعدم إما إني أأجل موضوع اللحام أو نعمل إعادة للعجينة بكمية أكثر ودقة أعلى..

**Fadi Ezzat** · 10-06-2011 12:01 AM

روح الحمة عند الناس بتوع الالتمونيا
حصل عندى كدة فى الفتيس ولحمتة عادى جدا بس فضى الزيت الاول

**benmatar** · 11-06-2011 06:20 PM

السلام عليكم أولا سؤال للأستاذ فادي، مين كويس فني لحام أنتيمونيا ومكانه، والتكلفة حوالي كام.. لأني إن شاء الله هلحمه أنتيمونيا فعلا.. وثانيا بالنسبة للمادة ثمنها 8ج وهي عند بتوع قطع الغيار والإكسسوار وشبيهة بالطين الصلصال صناعة هندي عبارة عن عجينة سوداء وقلبها أخضر اسطوانية وبتعجنها كويس لغاية ماتبقى كلها أسود وتحطها في المكان المشروخ أو المكسور

**ABO_MAREM** · 12-06-2011 08:27 PM

ربنا يكرمك على الرد . بص لما تعمل الفتيس قول ليا عملته فين وهل نجح ولا لا علشان اروح انا كمان اهتم بالله عليك انك تعمل موضوع بحل المشكله

**benmatar** · 16-06-2011 12:45 AM

السلام عليكم،،، بعد السؤال والدراسات والأبحاث
تمت العملية بنجاح، وذلك على النحو التالي:
1- التوجه للميكانيكي وتفريغ زيت الفتيس تماما
2- فك الفتيس بالكامل وغسيله بالبنزين من الخارج
3- التوجه لورشة لحام بالأرجون متخصصة عند كوبري الصنايع بالسبتية (الأسطى عادل الفلسطيني) للحام الالمنيوم والمعادن ( التكلفة 60 جنيه) وبصراحة الراجل خبرة واحترام وسعره ممتاز
4- العودة وتركيب الفتيس ووضع الزيت (زيت فتيس درجة 90)
5- التجربة.
6- الحمد لله تمام مع اكتشافي لموضع تسريب آخر بسيط.
7- إن شاء الله بعد فترة تجربة لللحام الأول سيتم لحام المكان الآخر.
8- تم شراء كاوتش كوبلن 15جنيه/واحد، وأويل سيل كوبلن 20جنيه/ واحد، وأويل سيل عصاية فتيس (أنصح الجميع بالكشف عليها) من السيد صلاح بشارع عرابي وسط البلد عنده جميع قطع غيار الفيليشيا وسألته عن ثمن الحلة الجديدة . . . . والسعر 700 جنيه، وبكدة عندي استعداد أفك الفتيس تاني وألحمه وأبرشمه كله أوفر لأن الفتيس حالته كويسة والواحد يخاف يشتري فتيس استيراد ميكونش تمام وندخل في دوامة.